Makatukilu 12:51 - O Mikanda Ikola

⁵¹ Anga ki bhita kuila, mu kizuua kienhókio, Jihova u katula anʼa Izalaiele mʼoxi ia Ijitu, kala kia di te mu ilombo iâ.

Makatukilu 12:51 ပူးပေါင်းရင်းမြစ်များ

Dimatekenu 50:24

Zuze anga u ambela phange jê, uixi: Eme nganda kúfua; Nzambi-phe hinu ka kambe ku mi zungila, nʼa mi katula mʼoxi mumu, hé u mi bheka dingi mʼoxi ia lokela Mbalahamu ni Izake ni Jakobo.

I Jisobha 6:1

Anga andeka o kutunga o Tembulu mu muvu ua hama jiuana ni makuinhi nake, hanji kia tunda anʼa Izalaiele mu Ijitu, uene o muvu ua kauana ua Solomá kutumina Izalaiele, mu mbeji ia Zive, muene muandeka kutunga o inzo ia Ngana.

II Malunda 14:12

Jihova anga u nemeka akua Itiiópia, bhu pholo ia Aza ni bhu pholo ia Juda, akua Itiiópia anga a lenga.

Jisálamu 114:1

Kia tunda Izalaiele mu Ijito, ni dibhata dia Jakobo, mu matumbu a dingula;

Jisálamu 136:11

Iu ua katula Izalaiele muʼaxaxi kâ; kuma kulenduka kuê ki kuene kúbhua.

Makatukilu 12:41

O mu kukala-kukala-phe, kiabhu o hama jiuana ja muvu ni makuinhi atatu, mu kizuua kienhókio muene, kiene kia tundu o ilombo ioso ia Jihova mu Ijitu.

Makatukilu 12:50

Ana oso a Izalaiele anga a bhanga kienhiki; kioso kia tumu Jihova kua Mozé ni Alá, kiene muene kia bhange.

Makatukilu 13:1

Jihova anga u ambela Mozé, uixi:

Makatukilu 16:1

Anga a kuata dingi njila iâ, kutunda bhu Elimi, kionge kioso kia anʼa Izalaiele anga eza mu kikangalakata kia Sine, bhu kaẋi ka Elimi ni Sinai, kizuua kia katanu ku dikuinhi, mbeje ia kaiadi tunde bhu kukatuka kuâ mʼoxi ia Ijitu.

Makatukilu 19:1

Bhu mbeji ia katatu tunde kia tundu anʼa Izalaiele mʼoxi ia Ijitu, mu kizuua kia dianga kia mbeji ienhoio, a bhiẋila mu kikangalakata kia Sinai,

Makatukilu 3:8

Kala kiki, nga tuluka-phe mu ku a kudila bhu maku a akua Ijitu, ni ku a katula mʼoxi momo muala, ni ku a bheka mʼoxi iengi iauabha ia kulu, ixi i kunguluka lete ni uiki; ixi ia tungu Makanana, ni Mahiti, ni Mamodi, ni Mapelezi, ni Mahivi, ni Majebusi.

Makatukilu 6:26

Enʼiá-phe Alá ni Mozé, a ambela kuala Jihova, uixi: Mu katula anʼa Izalaiele mʼoxi ia Ijitu, ni ku a ta mu ilombo iâ.

Makatukilu 6:6

Kala kiki, ambela anʼa Izalaiele, kuma: Eme Jihova, mu imbamba ia mi xina akua Ijitu nga-nda ku mi katula-mu, ngi mi jituna mu ubhika uâ, ngi mi kula ni lukuaku lua sununuka, hé ngi londekeza ubatuilu ua kidi ni isunji ia makota;

Makatukilu 7:4

Falaó-phe ka-nda ku mʼivua, eme ngi tula lukuaku luami ku thandu dia Ijitu, hinu ngi tundisa ilombo iami, o mundu uami ua anʼa Izalaiele mu ixi ia Ijitu, ku isunji ia vulu i bhita-bhu.

Ijila 23:43

phala miiji ienu ioso ʼende ni ku kʼijiia kiambote kuamba, kioso ki nga katula anʼa Izalaiele ku Ijitu, nga a bhangesele kunakina mu jifundu; Eme-muène Jihova Nzambi ienu.

Amoji 2:10

Moxi ia Ijitu ue Eme-muène nga mi katula-mu; makuinhi a uana a mivu u nga mi endesa mu kikangalakata, phala o ixi ia mamodi ni ngi mi bhane-iu i mi kale ixi ienu.

Mikeia 6:4

Eme, ni kidi kiene, nga ku tombola mu ixi ia Ijitu; mu inzu ia ubhika mu ua kexile, nga ku kulamu; Eme nga katula Mozé, ni Alá, ni Midiiana, ià u nga tumine ku ku tuamenena o njila.

Dialuilu 23:22

Nzambi ua a katula mu Ijitu; nguzu uala na-iu uila ia phakasa.

Dialuilu 26:4

Alulenu kifuẋi, ala mu makuinhi aiadi a muvu, mba kua di te; kala kia tumu Jihova kua Mozé, ni ku anʼa Izalaiele, a tundu mʼoxi ia Ijitu.

Dialuilu 33:1

Jiji jene jinjila ja anʼa Izalaiele, a tunda mu Ijitu, mu ilombo iâ, mu kitumu kia Mozé ni Alá.

Jipoxolo 13:17

O Nzambi ia mundu iú ua Izalaiele ua sola jitata jetu, iú ua sokolola mundu uâ kia kexile hanji mu inhunginu iâ, mʼ oxi ia Ijitu, anga u a katula momo ni lukuaku luasuina.

Matendelelu 16:1

Aluka mbeji ia Abibe, ubhange jinge o fesa ia Phasu kua Jihova Nzambi ié; mukonda bhu mbeje ia Abibe bhene bhua ku katula Jihova Nzambi ié ku Ijito, mʼusuku.

Matendelelu 4:37

Mukonda muene ua zola adié, iu ua sola o mbutu iâ, iú ua i tungula kioso ene kia zubha kúfua, muene ua ku katula eie mʼoxi ia Ijito ni undanda ua nguzu iê.

Josuué 24:5

Kiene-phe ki nga tumikisina Mozê ni Alá, anga Ijitu ngi mu kuama ni mabhebhu, u nga bhange muʼaxaxi kâ; o ki kia bhiti, ku Ijitu nga mi katula-ku.

Juda 1:5

Nga bhindamena ku mi lembalesa kuila, sumbala ima ioso mua ijiia ukulu, kuma Ngana kia bhuluile o mundu uê mʼ oxi ia Ijitu, o ku pholo ku eza kunu ua a buikisa, oso a kambele o kuxikana.