Makatukilu 12:48 - O Mikanda Ikola

⁴⁸ Se bhu kala mukuaʼxi iengi ueza kutunga ni enu, iu ua mesena kukuata ue o Phasu ia Jihova, kikale mala oso a dibhata diê a a saia, o kia zubha ku ki bhanga, kiene kiua kia tena kuzukama ni ku i kuata; u kala kiá mukuâ ni mukua ixi, a mu vualela ku bhata; kana muthu-phe a kambe ku mu saia, u tena kudia-ku.

Makatukilu 12:48 ပူးပေါင်းရင်းမြစ်များ

Dimatekenu 17:11

A kà mi saia o xitu ia kinhûnga kienu; kienhiki ki kala kijimbuete kia kikutu kiami bhu kaẋi kʼami ni enu.

Dimatekenu 17:12

Mona uoso uala mu nake dia izuua mudienu, muthu ua ku mu saia kabasa diiala, katé bhua kà suka o miji ienu; o mubhika a mu vualela monzo, mba a mu sumbu mu kitadi ku akuaʼxi iengi, mua kà mu saia, né-mbe ka tokala ku mbutu ié.

Makatukilu 12:19

Mu sambuadi dia izuua iii, ki mu kale ni felemendu mu jinzo jenu; kuma uoso udia kima nʼa te-mu felemendu, muthu ió muthu ua ku mu batula mu kionge kia Izalaiele, a kale nzuangiza, a kale muthu a mu vuala ku bhata.

Makatukilu 12:43

Jihova anga u ambela dingi Mozé ni Alá, uixi: Kijila kia Phasu kienhiki: Mukua muiji uengi ka tena kudia-ku.

Izekiiele 14:7

Kuma muthu uoso-uoso ua tokala mu dibhata dia Izalaiele mba ku jinzuángiza ala kunhunganena mua Izalaiele, nʼa di-katula kokuʼami hé uimika o iteka iê mu muẋima uê, nʼa tula o kidibhukanu kia kuiibha kuê bhu pholo iêmuène, anga uiza kua polofeta mu ku ngʼibhuila kua muene, o ió-phe ememuène ngi Jihova, nga-nda ku mu vutuila mudiami.

Izekiiele 44:9

O Jihova Nzambi phe uambe kiki: Ki bhu kale muthu uengi uoso-uoso, ku jinzuàngiza jala muʼaxaxe ka anʼa Izalaiele uala ni dibôlo dia muẋima mba dibôlo dia xitu, nʼa bokone jinge mu dibhezelu diami.

Izekiiele 47:22

Kia kà kala-phe kuila, mu ku i lundula, mu i tela muondona, phala ene ni athu engi a mu nhunganena muʼaxaxe kenu, hé a vualela ana mu kaxi kene; ene ue a kà mi kala kala athu òvuale ku anʼa Izalaiele; a kà bokuena kumoxi ni enu mu undundu, muʼaxaxe ka miji ia Izalaiele.

Ijila 19:34

Ki kala mukuaʼxi, kiene ue kikala o múlungi ua-lu nhunganena muʼaxaxi kenu; mu zole, kala ki ua di zola eie-muène, kaẋi enu uenu muakexe mu jinzuángiza mʼoxi ia Ijitu; Eme-muène Ngi Jihova Nzambi ienu.

Dialuilu 9:14

Hé bhu kala nzuángiza ua tungu muʼaxaxi kenu, anga u sola, uixi: Ngi bhitisa uami o Phasu ia Jihova; kabasa u kuata ijiia iê ioso ni ubhitisilu uê uoso ua xindi ku i bhitisa; kijila kiene kimoxi ni ió nzuángiza, ni ió a mu vuala mukuaʼxi.

Ngalásia 3:28

O mua Jezú Kristu ki muene dingi katungu ka Judé ni iú ki Judé, ki muene mubhika ni fôlo, ki muene diiala ni muhatu; enu oso enuenu amoxi.

Kolose 3:11

O ku uthu uobhe ki kuene Ngeleku, ki kuene Judé, ki kuene a mu saie, ki kuene a kambe ku mu saia, ki kuene muthu uengi, ki kuene kabinji, ki kuene mubhika, ki kuene folo; kuala ngó Kristu ua di bhange muène iam ioso, ua tungu ue mua ene oso.