Makatukilu 12:43 - O Mikanda Ikola

⁴³ Jihova anga u ambela dingi Mozé ni Alá, uixi: Kijila kia Phasu kienhiki: Mukua muiji uengi ka tena kudia-ku.

Makatukilu 12:43 ပူးပေါင်းရင်းမြစ်များ

II Malunda 30:18

Mbata kifulu kia dikota kia athu, ndumba muene akua Ifalaíme, ni Manasa, ni Isakale, ni Nzebulone, sumbala ka di zelesele, maji o Phasu a i di muene, oko ki kiene kia ki soneka; Ezekiia-phe anga u a sambela ene, uixi;

Makatukilu 12:11

Mu i dia kala kiki: Mua zuata, mua di bhadika, jihaii ku inama o mbangala bhu lukuaku; mu i dia ni lusolo; kuma iene o Phasu ia Jihova.

Makatukilu 12:48

Se bhu kala mukuaʼxi iengi ueza kutunga ni enu, iu ua mesena kukuata ue o Phasu ia Jihova, kikale mala oso a dibhata diê a a saia, o kia zubha ku ki bhanga, kiene kiua kia tena kuzukama ni ku i kuata; u kala kiá mukuâ ni mukua ixi, a mu vualela ku bhata; kana muthu-phe a kambe ku mu saia, u tena kudia-ku.

Izekiiele 44:7

Mukonda muexana athu engi, a kambe o ku a saia ku muẋima ni ku xitu, nʼa kale mu dibhezelu diami, nʼende ni ku di kasanesa mʼonzo iami, kioso enu ki muenda ni kubhakula o mbolo iami, ni maji, ni manhinga; o ene ia a numununa o kikutu kiami, mukonda dia maufusa enu oso.

Ijila 22:10

Nzuangiza ue ka tena kudia ku ima ikôla iosatele Nzambi; musonhi a mu langeka kuala nganga, ni mukua nganhu ima iii kà iʼdie;

Ijila 22:13

O kʼikala monʼa nganga uala mutudi, mba a mu senge, maji kʼeze ni ana, iú ualukila kua tatʼâ kala kia kexe mʼundenge uê, mamá, ió ku mbolo ia tatʼâ a diê; maji muthu ngó uoso-uoso ua tundu kuengi, kana; ió ka die-ku.

Dialuilu 9:14

Hé bhu kala nzuángiza ua tungu muʼaxaxi kenu, anga u sola, uixi: Ngi bhitisa uami o Phasu ia Jihova; kabasa u kuata ijiia iê ioso ni ubhitisilu uê uoso ua xindi ku i bhitisa; kijila kiene kimoxi ni ió nzuángiza, ni ió a mu vuala mukuaʼxi.

Efezo 2:12

Thembu ieneʼoio mua di batukile ni Kristu. Mua kexile mu asonhi, o mu dianda dia Izalaiele, o muiji uòsole kua Nzambi, enu ki mu tokalele-mu. Ki mu kexile ni mbandu ue ku ikutu ia tundu ku jipolomesa ja bhele Nzambi o mundu uê. Enu mua kexile mu ngongo mumu, sé ngó kima ki mu dielela, sé ue Nzambi.

I Samuuele 2:27

Anga kuiza muthu mukua Nzambi kua Eli, uixi: Eme Jihova uambe kiki: Kifua, ni kidi muene, ki nga di tukuluile ku dibhata dia tatʼenu, kia kexile hanji mu Ijitu mu ubhika ku mbanza ia Falaó?