Makatukilu 12:37 - O Mikanda Ikola

³⁷ Anʼa Izalaiele anga a katuka bhu Lameseji, a ta kibangu bhu Sukote; o ku a alula a tena hama jisamanu ja jimidi; mala ngó akua kuenda bhoxi, o anʼa ndenge ka a te-mu.

Makatukilu 12:37 ပူးပေါင်းရင်းမြစ်များ

Dimatekenu 12:2

eme-phe nga-nda ku ku sokolola, nʼukala u muiji ua dikota; ngi ku zediuisa, ngi jingisa o dijina dié; eie ua kala u dibesá.

Dimatekenu 15:5

Anga u mu bheka bhu kanga, uixi: Tala-phe hanji ku diulu, u tange o jithéthembua, se u tena ku ji kuata konda; anga u mu ambela, uixi: Kiene kia kà kala o mbutu ié.

Dimatekenu 46:3

Nzambi anga u kuata ku mu zuelesa, uixi: Eme Nzambi, Nzambi ia tatʼenu; kana kukala ni uoma ua kukulumuka ku Ijito; kuma nga kà ku sokolola koko, u di bhanga u kifuẋi kia dikota.

Dimatekenu 47:11

Zuze, anga u bhana kididi kua tatʼâ ni jiphange jê, u a bhana ni mikáu iâ ia a tokala kutungila mʼoxi ia Ijito, ua a sotela muene kididi kiambote mʼoxi ia Lamaseje, kala kia tumu Falaó.

Makatukilu 1:11

Mukonda dia kiki, a ta-ku akalakixi, ende ni ku a ta mualala ni imbamba iâ. Mukonda Falaó a mu tungila jimbonge ja kubhakela, ni Pitome ni Lamaseji.

Makatukilu 10:9

Kuala Mozé: Ki bhinga etuʼoso tuia, ni anʼa ndenge ni adiakimi, ni anʼetu a mala ni anʼetu a ahatu, ni mbudi jetu ni ngombe jetu, kuma tua-nda kua kà bhange kizokola kua Jihova, Nzambi ietu.

Makatukilu 13:20

Anga a katuka bhu Sukote, a ta kibangu bhu Etamu, bhu mbámbe ia kikangalakata.

Makatukilu 38:26

Kala mútue u bhana baka, kifua kaxaxe ka xikulu, o xikulu iene muene ia dibhezelu; mala ene oso muene a a bhitisa mu disonekenuʼodio, oso a bhiẋila kiá mu kitala kia makuinhi aiadi a muvu, mba a somboka-mu, a tenene hâma jisamanu ja jimidi ni midi jitatu, ni hâma jitanu ni makuinhi atanu, a muthu.

Dialuilu 1:2

Alula kilombo kioso kia anʼa Izalaiele, mu madiembu mâ, mu mabhata ma jitata jâ, u a soneke majina mâ, mala oso ua alula ku mítue-mítue,

Dialuilu 1:46

dialuilu dia ene oso a a soneka, a tena hama jisamanu ja midi, ni midi jitatu, ni hama jitanu, ni makuinhi atanu.

Dialuilu 11:21

Kuala Mozé: Athu ngala-nâ a tena hama jisamanu ja jimidi, o makuenze ngó enda bhoxi; eie ua zuela, uixi: Eme ngʼa bhana xitu, nʼa i di mu mbeji ia muvimba!

Dialuilu 2:32

Enhá, ene a a soneka ku anʼa Izalaiele ku mabhata ma jitata jâ; a alula mu ibangu ku ibuka iâ, kifua hama jisamanu ja jimidi, ni midi jitatu, ni hama jitanu ni makuinui atanu.

Dialuilu 26:51

Iá ene a alula ku anʼa Izalaiele, a tena hama jisamanu ja jimidi ni midi imoxi, ni hama sambuadi ni makuinhi atatu.

Dialuilu 33:3

Mu katuka-ke a tunda mu Lameseji bhu mbeji ia kamoxi, kizuua kiê kia kakuinhi ni kitanu; a zekele ni kúdia Phasu, o ki kuaki anʼa Izalaiele a tunda ni lukuaku lua undanda, ku mesu a akua Ijitu oso,

Dialuilu 33:5

Anʼa Izalaiele anga a tunda bhu Lameseji, a te kibangu bhu Sukote.