Makatukilu 12:36 - O Mikanda Ikola

³⁶ Jihova anga u bhana o mundu uê ngalasa ku mesu a akua Ijitu, anga a a bhana muene kioso kia bhingi. Kifua kubhûnda kuene, ene anga a bhunda akua Ijitu.

Makatukilu 12:36 ပူးပေါင်းရင်းမြစ်များ

Dimatekenu 15:14

Maji, eme ue, ki ia kà zubha o kubhita-phe, akuaʼxi ioio ala mu ku a bhikisa nga kà a bhesa kaxitiko, ene a kà tunda-mu ni jimbongo javulu.

Dimatekenu 39:21

Jihova-phe anga u kala ni Zuze, u mu bhanga henda, u mu sangesa ngalasa ku mesu a kasalelu ua tambula konda ia kaleia.

Ejidala 1:6

Ene oso a tungile mu jimbandu, a a kuatekesa ni imbamba ia phalata, ni ulu, ni jimbongo, ni ibhaku ni ima dingi ia te muene kiavulu; ima ia mukuá ia bhana ene ku vondadi iâ, ioio ki iala-mu.

Jisálamu 105:37

Mundu uê katé kia a katula mʼoxi muenhomo, ambata muene phalata ni ulu; mu miji iâ ioso ki muala diiala dia kate, mba dia kambe nguzu.

Makatukilu 11:2

Ambela-phe o mundu uoso evue, kuila a bhinge ku akuaʼxi a tungu-nâ, kala diiala a bhinge ku diiala ni mukuâ, kala muhatu a bhinge ku muhatu ni mukuâ, makembu a phalata ni makembu a ulu.

Makatukilu 11:3

Jihova anga u bhana o mundu uê ngalasa ku mesu a akua Ijitu. Ni Mozé ua di bhange kilamba kia dikota mʼoxi ia Ijitu, a mu xila ni ku mesu a akua mbèle ia Falaó, ni ku mesu a mundu uoso kiá.

Jisabhu 16:7

Mauendelu ma mathu se ma uabhela Jihova, muene-phe u mu bhangesa kuila katé ni jinguma jê, atunganê ku paze.

Daniiele 1:9

Kienhiki Ngana Nzambi ua bongesa Daniiele kiadi ni henda bhu pholo ia kota dia jingolambole.

Jipoxolo 2:47

Mu ioso a kala mu ximana Nzambi, o mundu uene uoso u a tumbula. Ngana anga u kala mù bandekeza izuua ioso e kibuka kia ió oso ala kuenda ni kubhuluka.

Jipoxolo 7:10

Hé u mu kudila mu malamba mê moso. O Zuze kia tukuluka kua Falaó, Nzambi u mu muesa ujitu ni unjimu bhu pholo ia Falaó sobha ia Ijitu. O Falaó anga u mu bhanga nguvulu ia Ijitu, ni ia ku tumina dibhata diê dioso.