Makatukilu 12:29 - O Mikanda Ikola

²⁹ Anga ki bhita-phe kuila, o usuku uenhó, mu kaẋi ka kizuua, Jihova u kuama ana oso a phande-kumbi mʼoxi ia Ijitu, tunde ku thungunu ia Falaó, ua xikama bhu kiandu kiê, katé ku monʼa hutile a mu kutila mu kaleia; ni anʼa phande-kumbi ku ibhaku.

Makatukilu 12:29 ပူးပေါင်းရင်းမြစ်များ

Dimatekenu 15:14

Maji, eme ue, ki ia kà zubha o kubhita-phe, akuaʼxi ioio ala mu ku a bhikisa nga kà a bhesa kaxitiko, ene a kà tunda-mu ni jimbongo javulu.

Jobe 34:20

Ene muʼanzanzʼumu a fua. Ku tula muʼaxaxe ka usuku, madiembu a ma tungutisa, anga a bhita; o iiala ia nguzu a a tolola kuala nguzu ia kambe kumoneka ku mesu.

Jisálamu 105:36

U jibha ana oso a phandekumbi mʼoxi iâ, ene ana a dianga, a nguzu iâ ioso.

Jisálamu 135:8

Muene ua beta anʼa phandekumbi mu Ijito, tunde ku athu katé ni ku ibhaku;

Jisálamu 136:10

Ua beta ana a phandekumbi mu Ijito; kuma kulenduka kuê ki kuene kúbhua.

Jisálamu 78:50

O njinda iê kífua ua i senguluila kikoka; kalunga kâ ka ka fikisa ngoho, ua a bhakula muene ku kibuika.

Jisálamu 78:51

U beta ana oso a phande-kumbi mu Ejito, ua tebhununa anʼa nguzu mu mabhata ma Hame.

Makatukilu 11:1

Jihova anga u ambela Mozé, uixi: Kua xala hanji dibhebhu dimoxi ngó di ngi bheka ku thandu dia Falaó, ni ku thandu dia Ijitu; ki di zubha kubhita, kiene kiua ki a mi eha; o kia-nda ku mi eha, o uehelu uê ua ku mi kaia ni mu tunde lusolo bhabha.

Makatukilu 12:12

Mbata mu usuku uenhó eme ngi bhita mʼoxi ioso ia Ijitu, ngi beta-mu ana oso a phande-kumbi òvualele mu Ijitu, ni ku athu ni ku ibhaku; o jinzambi joso ja Ijitu ngi ji bhana njumbu; eme ngi Jihova.

Makatukilu 12:28

Anʼa Izalaiele anga a tunda-bhu, a ki bhanga; kioso kia tumu Jihova kua Mozé ni Alá, a ki bhange muene.

Makatukilu 13:15

Mukonda o mu kuiza ku ki bhanga, kia thathamana Falaó, iú ua di tunuʼê ku tu eha, Jihova ua jibha ana oso a phande-kumbi mʼoxi ia Ijitu, ni ku anʼathu, ni ku anʼa ibhaku; kiene kia ngi bhangesa kuila ana oso a tuama kujikula o divumu, ngʼa a lumbila Jihova, se jimdumbe; o anʼa phande-kumbi ku athu-phe, ngʼa a kula.

Makatukilu 4:23

Nga tumu ku ku ambela kuila: Eha monaʼami, phala a ngi kalakele; eie-phe ki ua ditunu ku mu eha, eme nga-nda kujibha monʼé ua phande-kumbi.

Makatukilu 9:6

Kúkia ni kimene, Jihova anga u ki bhanga; ibhaku ioso ia akua Ijitu i fua, ku ibhaku ia anʼa Izalaiele ni kimoxi ngó, ki kiafu-ku.

Izaía 24:22

Anga ene-oso a kà a lunjika mu ngenda kala jipelezo, à kala ku upelezo mu katutu; o ki bhita dingi nzungule ia izuua, a kà a zungila luamukuá.

Izaía 41:11

Talesa, oso a ku kala ni luma, ala ku ku langata, sonhi ja-nda ku a kuata, a kakuka muene; a-nda kujimuka, oso a kuata kuzoka nʼeie, a kà jima mbutu.

Izaía 51:14

O hutile uoso a mu balakala-phe ka nangʼiê kujituka, ka kà fuila mu kaleia, lémbua; o kúdia kuê ki kuà kamba.

Jelemiia 38:13

Jelemiia anga a mu sunga ni mikolo, a mu katula mu kiboiongo; hé u kala mu lumbu lua kilangidilu.

Jelemiia 38:6

Bheneʼobho, Jelemiia a mu kuata, a mu takuila mu kiboiongo kia Malkiia, monʼa sobha, kia kexile mu lumbu lua kilangidilu; Jelemiia hé a mu zezesa ni mikolo; maji mu kiboiongo ki mua kexile menha, inda maloua ngó; Jelemiia hé u kuzuka mu malôua.

Habakuke 3:5

Dibhebhu dia kipheku dia mu tuamenena ku pholo, ni imuiku ia túbhia bhoxi dia inama iê.

Zakadiia 9:11

O kokué-phe, eie u Ziione, mukonda dia manhinga ma kikutu kié, jihutile jê ngà ji katula mu dikungu dia kambe menha, mua a tele.

Dialuilu 3:13

kuma ana oso a phande-kumbi a di bhange ami-eme; tundé kizuua ki nga beta ana oso a phande-kumbi mʼoxi ia Ijitu, nga di lumbila ana oso a pande-kumbi mua Izalaiele, ni ku athu ni ku ibhaku; a di bhange kiá ami-eme, eme ngi Jihova.

Dialuilu 33:4

kioso akua Ijitu kiala mu funda anʼa phande-kumbi a a beta kuala Jihova mu kaẋi kâ; katé ni jinzambi jâ, Jihova ua ji elêsa.

Dialuilu 8:17

Kuma ana oso a phande-kumbi muʼaxaxi ka anʼa Izalaiele amiʼeme, ni ku athu ni ku ibhaku; tunde mu kizuua ki nga beta ana oso a phande-kumbi mʼoxi ia Ijitu, kiene ki nga di lumbila-nâ.

Jihebeleu 11:28

O mu kuxikana, muène ua bhitisa o Phasu ia dianga, iú ua tumine kutesa o kidimbu kia manhinga ku mabhitu a jinzu ja anʼ a Izalaiele phala o Anju ia Kibuika ki ia a jibhile o ana a jiphande-kumbi.

Jihebeleu 12:23

Enu mueza bhu dibhongolokelu dia ngalasa ia jithungunu ja Nzambi—ió ala ni majina mâ mʼosoneke mu diulu. Enu mueza kua Nzambi, mufundixi a athu oso, ni ku jinzumbi ja athu a iuka, iá a zubha o kutenena.