Makatukilu 12:28 - O Mikanda Ikola

²⁸ Anʼa Izalaiele anga a tunda-bhu, a ki bhanga; kioso kia tumu Jihova kua Mozé ni Alá, a ki bhange muene.

Makatukilu 12:28 ပူးပေါင်းရင်းမြစ်များ

II Samuuele 5:25

Davidi anga u bhanga kala kioso kia mu tumu Jihova, anga u beta akua Fidíxia tunde bhu Ngibeia katé bhu Ngezele.

I Jisobha 17:5

Muene-phe jia, anga u bhanga kala kia mu ambela Ngana; mbata uaii muene, anga u kala bhu mbanduʼa kangiji ka Kadite, kala ku pholo ia Njolodá.

Makatukilu 12:27

Enu mua kèla kuma: Sata iangene ia Jihova, kifua phasu iê, kia somboka o jinzo ja anʼa Izalaiele mu Ijitu, kizuua kia kuama akua Ijitu ene, o mabhata metu anga ua a bhana muenhu. O mundu bhenhobho hé a diunda a bheza.

Makatukilu 12:29

Anga ki bhita-phe kuila, o usuku uenhó, mu kaẋi ka kizuua, Jihova u kuama ana oso a phande-kumbi mʼoxi ia Ijitu, tunde ku thungunu ia Falaó, ua xikama bhu kiandu kiê, katé ku monʼa hutile a mu kutila mu kaleia; ni anʼa phande-kumbi ku ibhaku.

Makatukilu 12:35

Anʼa Izalaiele anga a bhanga kala kia ambela Mozé, a bhinga ku akua Ijitu makembu ma phalata ni makembu ma ulu, ni izuatu.

Makatukilu 14:4

Eme-phe ngi kolesa o muxima ua Falaó, o muene ua-nda ku a kaiela, eme bhenhobho nda ngi fumane ku thandu dia Falaó, ni ku thandu dia kilombo kiê kioso, akua Ijitu phala à kʼejiie kuma eme Jihova, O ana a Izalaiele anga a bhanga kienhókio.

Makatukilu 36:1

Kienhiki Bezalele ni Aholiiabe, o jimesene, kia kalakala ni akuâ, oso a undu ni uhete kuala Jihova, mu ufunu ua kuiudika imbamba ioso ia dibhezelu, kala kioso kia i tumu Jihova.

Makatukilu 39:32

Kienhiki kia zubha o sedivisu ioso ia kibuta kia balaka ia ditakanenu; o anʼa Izalaiele a kumbidila kioso kia tumu Jihova kua Mozé, kiene muene kia bhange.

Makatukilu 39:42

Kioso kia tumu Jihova kua Mozé, kiene muene kia kumbidila anʼa Izalaiele mu kikalakalu kioso.

Makatukilu 39:43

Mozé kia tale o kikalakalu kioso, ua mono kuma a ki kalakala muene; kioso kia tumu Jihova, kiene muene kia bhange. Bhenhobho Mozé anga u a benzela.

Makatukilu 7:10

Mozé ni Alá anga a bokona kua Falaó, anga a ki bhanga, kala kia a tumu Jihova; Alá anga u takula o mbangala bhoxi bhu pholo ia Falaó ni bhu pholo ia akua mbèle iê, anga i kituka nhoka.

Makatukilu 7:6

Mozé ni Alá anga a ki bhanga; kala kioso kia a tumu Jihova kiene muene kia bhange.

Ijila 24:23

Mozé iu uambela anʼa Izalaiele kuamba o pelezo ia ẋonguena ioio, a tubhuke-nê ku maxilu a kilômbo, sembele a mu bûbe ni matadi; anʼa Izalaiele anga a ki bhanga muene kioso kia tumina Jihova kua Mozé.

Dialuilu 1:54

Anʼa Izalaiele anga a bhanga kienhiki; kioso kia tumu Jihova kua Mozé, kiene muene kia bhange.

Dialuilu 31:31

Ni Mozé ni nganga Eleazale anga a bhanga kala kia tumu Jihova kua Mozé.

Dialuilu 31:41

Mozé anga u bhana lubhaku lua ngene lua Jihova kua nganga Eleazale, kala kia tumu Jihova kua Mozé:

Dialuilu 31:47

ku mbandu iii ia tokala ku anʼa Izalaiele, Mozé ua katula-ku muenhu umoxi mu makuinhi atanu a mienhu, ni ku athu ni ku ibhaku, anga u i bhana ku Jilevita, ene kulanga o balaka ia Jihova, kala kia tumu Jihova kua Mozé.

Dialuilu 5:4

Anʼa Izalaiele anga a ki bhanga, a a tubhula mu kibangu; kala kia tange Jihova kua Mozé, kiene kia bhange anʼa Izalaiele.

Matendelelu 34:9

Josuué, monʼa Nune-phe, anga uizala ni Nzumbi ia unjimu, kuma Mozé ua tudile maku mê ku thandu diê; kienhókio anʼa Izalaiele akuata ku mu ivua kia zuela, anga a bhanga kala kia xindi Jihova kua Mozé.

Jihebeleu 11:28

O mu kuxikana, muène ua bhitisa o Phasu ia dianga, iú ua tumine kutesa o kidimbu kia manhinga ku mabhitu a jinzu ja anʼ a Izalaiele phala o Anju ia Kibuika ki ia a jibhile o ana a jiphande-kumbi.

Josuué 14:5

Kala kia tumine Jihova kua Mozé, kiene kia bhange anʼa Izalaiele, ia a uane oxi.

Josuué 2:21

Kuala muhatu: Ki kale muene kala ki mua zuela. Anga u a sulula, a katuka. Ngoji ikusuka anga u i kutila bhu njanena.

Josuué 4:8

Anʼa Izalaiele anga a bhanga kala kia a ambela Josuué, hé a zangula kuinhi dia matadi ni kiiadi, mu kaẋi ka Njolodá, kala kia tange Jihova kua Josuué, konda ia matadi iene imoxi ni konda ia miji ia Izalaiele; anga aia-nâ katé bhuoso bhua tudila kuzeka, anga a a tula bhenhobho.