Makatukilu 12:27 - O Mikanda Ikola

²⁷ Enu mua kèla kuma: Sata iangene ia Jihova, kifua phasu iê, kia somboka o jinzo ja anʼa Izalaiele mu Ijitu, kizuua kia kuama akua Ijitu ene, o mabhata metu anga ua a bhana muenhu. O mundu bhenhobho hé a diunda a bheza.

Makatukilu 12:27 ပူးပေါင်းရင်းမြစ်များ

I Malunda 29:20

Bhenhobho Davidi uambela o kionge kioso, uixi: Kindala, Ximanenu Jihova Nzambi ienu. Bhenhobho o kionge kioso anga ki ximana Jihova Nza mbi ia jitata jâ, hé a bhetama, a fukama bhu pholo ia Jihova ni bhu pholo ia Sobha.

II Malunda 20:18

Bheneʼobho-phe o Jozafate u di bhala ni pholo bhoxi mu ku diunda; ni Juda ioso ue ni iá a tungu mu Jeluzaleme, anga a di takula bhoxi mu kubheza Jihova.

II Malunda 29:30

Bheneʼobho sobha Ezekiia, kumoxi ni makota, ambela o jilevita kuila Jihova a mu ximane ni izuelu ia Davidi ni Asafo, o muzambuidi. Anga a mu ximana muene ni kusanguluka kuoso, a bhetama, a mu bheza.

Nehemiia 8:6

Anga Ejidala u ximana Ngana, o Nzambi ia munéne; anga kifuxi kioso etaia ni kuleka o maku mâ bhulu, exi: Amém! Amém! Anga a bhetama, hé a bheza Ngana, ni jipholo bhoxi.

Jisálamu 44:1

Etu tua kʼivila jinga mu mátui metu, Ngana Nzambi, jitata jetu ja kexe ku tu tangela o malunda, kioso eie ki ua kalakala jinga mu izuua ia ene, mu izuua ia xahulu.

Jisálamu 78:5

Kuma muene ua xi kijimbuete mua Jakobo, ua bhana kijila mua Izalaiele, kiene kia tendelela o jitata jetu phala ue a i longe jinge ku anʼâ.

Makatukilu 10:2

Eie muene hinu u ki tangela ue anʼé ni alaulʼé, ima ioso i nga kalakala mu Ijitu, ni ijimbuete iami i nga mu bhanga muʼaxaxe kâ phala mu kʼijiie kuma eme ngi Jihova.

Makatukilu 12:11

Mu i dia kala kiki: Mua zuata, mua di bhadika, jihaii ku inama o mbangala bhu lukuaku; mu i dia ni lusolo; kuma iene o Phasu ia Jihova.

Makatukilu 12:23

Kuma Jihova ua-nda kubhita mʼoxi ioso mu kuama akua Ijitu; o kia-nda kumona manhinga ku phidika ni ku mikangala iiadi ia dibhitu, Jihova u somboka dibhitu diodio, kehela mubuikixi kubokona mu jinzu jenu phala ku mi kuama.

Makatukilu 12:28

Anʼa Izalaiele anga a tunda-bhu, a ki bhanga; kioso kia tumu Jihova kua Mozé ni Alá, a ki bhange muene.

Makatukilu 13:14

O ki kala anʼenu hádia a mʼibhula, exi: Kiki kima kiahi? mua kèla kuma: Nguzu ia lukuaku lua Jihova ia bhiti-bhu, mu ku tu katula mu Ijitu, mu dibhata dia ubhika.

Makatukilu 13:8

Kizuua kienhókio mua kʼàmbela anʼenu kuma: Tua ki bhangela mukonda dia kidiuanu kia tu bhange Jihova, mu ku tu katula mʼoxi ia Ijitu.

Makatukilu 34:25

Kioso ki mu Ngi bhakuila sata, kana kubhakula manhinga ma sata iami ni jimbolo jala ni felemendu, o sata ia fesa ia Phasu ki i zeke usuku katé kuáki.

Makatukilu 34:8

Mozé anga muʼanzanzʼomo, u bhetama pholo iê bhoxi, hé u bheza.

Makatukilu 4:31

Kifuẋi anga a xikana; o kia zubha kuívua kuma Jihova ua suu anʼa Izalaiele iú ua mono o jiphaxi jâ, ene a bheteka o mítue, anga a bheza.

I Kolindo 5:7

Kombenu-phe o kifulu-fulu kiokulu kia ituxi, nda mu xale ni kuzela kua kidi. Bhenhobho mbé mu kale mu dikende diobhe, kuma muala ku hangala. Mukonda o fesa ietu ia Phasu, ioiudike kiá, kiosuʼ iki Kristu, o Kambudi ka Phasu ietu a tu satela-nê kiá.

Matendelelu 16:2

Bhu Phasu u satela jinga-phe Jihova Nzambi ié o jimbudi ni jingombe bhu kididi kioso kia solo Jihova Nzambi ié, kukala dibhata dia Dijina diê.

Matendelelu 16:5

Fesa ia Phasu, kana ku i satela kuoso-kuoso, kikale bhu bhata dié éiʼmuene, dioso dianda ku ku bhana Jihova Nzambi iê.