Makatukilu 12:22 - O Mikanda Ikola

²² Mu kuata ni kakiezu ka hisopo, mu ka bonde mu manhinga mala bhu mbasinha, mu sangele ku mikangala iiadi ni phidika ia thandu ia dibhitu ni manhinga ala bhu mbasinha; anga mu di jikila mʼonzo, kana muthu u tunda bhu kanga diê, katé ki kúkia.

Makatukilu 12:22 ပူးပေါင်းရင်းမြစ်များ

Jisálamu 51:7

Ngi bonze ni kisasa kia hisopo, lufuku lu ngi bhue; ngi sukule, ngi zele, kuzela kua neve ndenge.

Makatukilu 12:7

Hé a kuata-phe o manhinga-mê anga a ma sangela ku mikangala ia dibhitu iene kiiadi kiâ, ni ku phidika ja thandu ja mabhitu ma jinzo muoso mu ala ku dila.

Izaía 26:20

Uila kiki, enu mu mundu uami, ndenu, mu bokone mu jinzu jenu, mu di jikile momo, mu suame ngó kathangana, katé ki somboka o njinda.

Dialuilu 19:18

Anga bhu kala muthu ua zele u zangula hisopo, hé u i bonda mu menha enhô anga ua sangela ku balaka ioio, ni ku imbamba ioso, ni ku athu oso a kala momo; uixi ue kua ió uoso ua kuata ku ifuba, mba ku muthu uoso-uoso a mu jibha, mba ió uafu, mba ku mbila.

Matesu 26:30

Kia zubha kuimba muimbu, a tunda, anga aia ku mulundu ua Midiva.

Jihebeleu 11:28

O mu kuxikana, muène ua bhitisa o Phasu ia dianga, iú ua tumine kutesa o kidimbu kia manhinga ku mabhitu a jinzu ja anʼ a Izalaiele phala o Anju ia Kibuika ki ia a jibhile o ana a jiphande-kumbi.

Jihebeleu 12:24

Mueza kua Jezú, ua bhange o kikutu kiobhe, iú ua sangela o manhinga ma jimbulula o ima ia beta kuuabha, ki ma soko ni manhinga ma Abele.

Jihebeleu 9:1

Katé ni kikutu kia dianga mʼukulu kia kexile ni ijila ia ubhezelu, anga ki kala ue ni kididi kiê kià ngene kia kubhezela.

Jihebeleu 9:14

Se phe kienʼ iki kiene, xinganekenu hanji kioso kia soko ukota uê, mba o kutena kua manhinga ma Kristu! Kuma ku Nzumbi iê ia kaiela-ku, ua di bhakula muène-muène kala sata ia tenena kua Nzambi. O manhinga mê ma tu iẋika-phe o itongoluelu ietu, ku ibhangelu ia di fuila, phala tu tene kubhiẋila Nzambi ia muenhu.

Jihebeleu 9:19

Kima kia dianga, Mozé ua tangelele o mundu o ijila ioso kala kia tumu o Kitumu. Hé u katula o manhinga ma anʼ a jingombe ni jihombo, kumoxi ni menha ni kindemba kia mbudi kia kusuka, ni kisasa kia hisopo, anga u sangela ku thandu a Divulu dia Kitumu, ni ku thandu dia mundu uoso.

Josuué 2:19

Hé bhu kala muthu u tunda mu nzunga, manhinga mê ma kala ku thandu dia mútue uê muene, ki ki kala kikuma kietu; uoso-phe uala mʼonzo, manhinga mê ma kala ku thandu dia mútue uetu, se bhu kala muthu u mu tula lukuaku.

I Phetele 1:2

Enu oso a mi sola kuala Nzambi Tata mu kuijiia kuê kua ima ia kèza-ku, a mi bhana o kuzela kua muẋima kua kalakala o Nzumbi iê, phala ku mi longa o kutumaka Jezú Kristu, ni ku mi sangela o manhinga mê. O kiadi ki di xale dingi kiavulu mudienu, kumoxi ni kutululuka kua Nzambi.