Makatukilu 12:21 - O Mikanda Ikola

²¹ Bhenhobho Mozé u tuma kuixana adiakimi oso a Izalaiele, u a ambela, uixi: Solenu kiá jimbudi, kioso ki mua di sokesa ku mabhata, kala dibhata ni mbudi iê, mu jibhe o Phasu.

Makatukilu 12:21 ပူးပေါင်းရင်းမြစ်များ

II Jisobha 23:21

Sobha bhenhobho o mundu uoso u a xikila o ngonge, uixi: Jihova Nzambi ienu mu bhangedienu o kizokola kia Phasu, kala kia ki soneka mu divulu didi dia kikutu.

Ejidala 6:20

mbata ni jinganga ni jilevita a di zelesele kumoxi kala muthu umoxi ngó, ene oso anga a zela muene. Hé a jibha Kambudi ka Phasu phala ene oso a tundu mu ubhika, ni jiphange jâ, o jinganga, ni enemuène.

Makatukilu 12:11

Mu i dia kala kiki: Mua zuata, mua di bhadika, jihaii ku inama o mbangala bhu lukuaku; mu i dia ni lusolo; kuma iene o Phasu ia Jihova.

Makatukilu 12:20

Kana kúdia kima kiala ni felemendu; ku mabhata menu, enu oso mu dia jimbolo ja kambe o felemendu.

Makatukilu 12:3

Ambelenu o kionge kioso kia Izalaiele kuma: Kizuua kia kakuinhi ku mbeji iii, kala diiala uoso uala kiá ni dibhata diê, a kuate seseme ia mbudi, kala dibhata ni mbudi iê, kala kioso kiala ku mabhata ma jitata jâ;

Makatukilu 17:5

Jihova anga u ambela Mozé, uixi: Bhita bhu pholo ia mundu, ni adiakimi amukuá a Izalaiele, u ila-nâ kumoxi; ni mbangala ié u i kuata, ioso i ua betele na-iu o honga ia menha nda uie.

Makatukilu 19:7

Mozé anga uiza, uixana adiakimi a kifuẋi, hé u a zuelela o maka oso enhá a mu tumu Jihova o ku a zuela.

Makatukilu 3:16

Ndeie, ua kà bhongolole adikimi a Izalaiele, ua kà ambele, kuma: Jihova, Nzambi ia jitata jenu, Nzambi ia Mbalahamu, ni Izake, ni Jakobo ua ngi tukulukila, uixi: Kidi kiene nga mi suu, nga mono ioso iala ku mi bhanga mu Ijitu.

Dialuilu 11:16

Jihova anga u ambela Mozé, uixi: Ngi sotele makuinhi sambuadi a muthu ku adiakime a Izalaiele, oso ua ejiia kuma adiakime ku kifuẋi ni jifixiiadi jâ, u a bheka bhu muelu ua balaka ia kutakanena, emana-bhu bhu mbandu ié.

I Kolindo 10:4

Ene oso a nuine kunua kuene kumoxi kua nzumbi. Kuma a nuine jinga ku ndanjiʼ oio ia nzumbi ia kexi mù kuenda na-iu. O ndanji-phe muene Kristu.

Jihebeleu 11:28

O mu kuxikana, muène ua bhitisa o Phasu ia dianga, iú ua tumine kutesa o kidimbu kia manhinga ku mabhitu a jinzu ja anʼ a Izalaiele phala o Anju ia Kibuika ki ia a jibhile o ana a jiphande-kumbi.

Josuué 5:10

Anʼa Izalaiele anga a kala hanji bhu kibangu kiâ, bhu Jidingale. Mu kizuua kia kakuinhi ni kiuana kia mbeji ienhoio, anga a bhitisa o Phasu bhenhobho, mu kumbi dia ngoloxi, mu ngânga ia Jedikó.