Makatukilu 12:19 - O Mikanda Ikola

¹⁹ Mu sambuadi dia izuua iii, ki mu kale ni felemendu mu jinzo jenu; kuma uoso udia kima nʼa te-mu felemendu, muthu ió muthu ua ku mu batula mu kionge kia Izalaiele, a kale nzuangiza, a kale muthu a mu vuala ku bhata.

Makatukilu 12:19 ပူးပေါင်းရင်းမြစ်များ

Makatukilu 12:15

O jimbolo ja kambe o felemendu mu ji dia mu sambuadi dia izuua; tunde kiá kizuua kiene kia dianga, felemendu ioso i bhua-mu mu jinzu; kuma uoso u dia jimbolo ja felemendu tunde kizuuʼokio kia dianga katé kizuua kia kasambuadi, muenhó muthu ua ku mu batula mu undandu ua Izalaiele.

Makatukilu 12:20

Kana kúdia kima kiala ni felemendu; ku mabhata menu, enu oso mu dia jimbolo ja kambe o felemendu.

Makatukilu 12:43

Jihova anga u ambela dingi Mozé ni Alá, uixi: Kijila kia Phasu kienhiki: Mukua muiji uengi ka tena kudia-ku.

Makatukilu 12:48

Se bhu kala mukuaʼxi iengi ueza kutunga ni enu, iu ua mesena kukuata ue o Phasu ia Jihova, kikale mala oso a dibhata diê a a saia, o kia zubha ku ki bhanga, kiene kiua kia tena kuzukama ni ku i kuata; u kala kiá mukuâ ni mukua ixi, a mu vualela ku bhata; kana muthu-phe a kambe ku mu saia, u tena kudia-ku.

Makatukilu 13:3

Mozé anga u ambela o mundu, uixi: Lembalalenu kizuuʼiki kia lelu, kizuua ki mua tundu mu Ijitu, mu dibhata dia ubhika; kuma Jihova ua mi katula-mu ni nguzu ia lukuaku luê; kana kúdia jimbolo ja felemendo, kizuua kienhiki.

Makatukilu 13:7

Jimbolo ja kambe o felemendu mu ji dia mu sambuadi dioso dia izuua; ka mi mone ni jimbolo jala ni felemendu, ka mi mone ni felemendu, katé ku mbámbe ienu.

Makatukilu 23:15

Kizokola kia dianga ki mu kuata, kia jimbolo jʼòsusu; sambuadi dia izuua mu dia jimbolo jakambe felemendu, kala ki nga mi tumu, izuua i nga xindi ku mbeji ia Abibe, kuma iene o mbeji i mua katuka mu Ijitu; ki bhu kale muthu uiza-phe ni maku a hatu bhu pholo iami.

Makatukilu 30:33

Uoso u iudika maji kala iá, mba u a ta ku mukutu ua muthu uengi, ió muthu ua ku mu batula mu jindandu jê.

Makatukilu 34:18

U kuata jinga o kijila kia fesa ia jimbolo ja kambe felemendu. Sambuadi dia izuua u dia jimbolo ja kambe felemendu, kala ki nga ku tumu, thembu ioso i nga mi lekela bhu mbeji ia Abibe; kuma mbejí ioio, ia Abibe, iene i mua tundu na-iu mu Ijitu.

Ijila 23:5

Bhu mbeji iadianga, mu kuila iatenesa kiá kuinhi dia izuua nʼiuana, mu ngoloxi ienhoio, iene o Phasu ia Jihova kiá.

Dialuilu 9:13

Uoso-phe ua zedié, kai mu uenji, maji u fula kubhitisa Phasu, ió muthu ua ku mu batula mu kifuẋi kiê; mukonda ka bhitisa ujitu ua Jihova bhu kizuua kiê kia xindi; muthu ió kituxi ki kala ku thandu diê.

Matendelelu 16:3

Bhu fesa ii kana kúdia mbolo i kala ni felemendu, sambuadi dioso dia izuua muenda ni kúdia jimbolo ja hângala, jimbolo ja dilamba, (mukonda mua tunda ni lusolo mʼoxi ia Ijito) jene ji mi lembalesa kizuua ki mua tundu ku Ijito; kienhiki nuka ki mi jimba, izuua ioso ia muenhu uenu.