Makatukilu 12:16 - O Mikanda Ikola

¹⁶ Kizuua kiadianga, mu kala ni kionge kikôla; mu kizuua kia kasambuadi ue, mu kala ni kionge kikôla; mu izuua iiadi iii, ki mu bhange midimu ia kima, kikale ngó kikalakalu kia kubhanga kúdia; kiene ki mu bhanga, kuabhu.

Makatukilu 12:16 ပူးပေါင်းရင်းမြစ်များ

Makatukilu 16:23

Muene anga u a ambela, uixi: Kiene muene kia zuela Jihova; uixi: Mungu kizuua kiangene kia kunhoha, sabhalu ikola ia Jihova; kangenu ioso i mua mesena kukanga, lambenu ue ioso i mua mesena kulamba; o futa ioso i mu xia-ku, bhakenu-iu, phala enu mungu ki kúkia.

Makatukilu 16:29

Talenu kuma Jihova ua mi bhana o sabhalu, kiene kia mi bhela kizuua kia kasamanu kúdia kua izuua iiadi; Xalenu kala muthu bhu kididi kiê, kana muthu utunda bhu kididi kiê kizuua kia kasambuadi.

Makatukilu 16:5

Kutula-phe mu kizuua kia kasamanu, a none ioso i soka kudia mu izuua iiadi, ioso iene mu nona izuua iamukuá i kale mu luiadi.

Makatukilu 20:10

Maji o kizuua kia kasambuadi-phe, kia sabhalu ia ngene ia Jihova Nzambi ié; mu kizuuʼiki kana kubhanga-mu kikalakalu kioso-kioso, né eʼmuene, mba monʼê ua diiala mba ua muhatu, né selevende ié ia diiala mba ia muhatu, né ibhaku ié, né musonhi ua ku tula mu lumbu lué;

Makatukilu 34:18

U kuata jinga o kijila kia fesa ia jimbolo ja kambe felemendu. Sambuadi dia izuua u dia jimbolo ja kambe felemendu, kala ki nga ku tumu, thembu ioso i nga mi lekela bhu mbeji ia Abibe; kuma mbejí ioio, ia Abibe, iene i mua tundu na-iu mu Ijitu.

Izaía 1:13

Kana dingi kuiza mu titidila mu malumbu mami; kana dingi ku ngi bhekela maujitu ma kingoho; o fumasa ienu, phalʼeme, nga i kiti ufusa: ni jimbeje jathethama, ni jisabhalu ja kunhoha, ni kubhongolola o ionge; ki ngi tena kuxididikila jifesa ja ituxi, né kiá o ionge ienu ia ujitu.

Ijila 23:21

Mu kizuua kienhokio-phe mu xika ngonge kuamba tua-nda kukala ni kionge kikôla ki bhu kale midimu ia kima kioso-kioso; kiki kijila kixialela katé ku miiji ienu, mu madiembu menu moso-lolo.

Ijila 23:27

Maji o mbeji iene ia kasambuadiʼoio, mu kizuua kiê kia kuinhi, kiene-phe kikala kizuua kia kiamenga; mu kala ni kionge kikôla, anga mu jila; mu bhana-phe ujitu ua kubhakula ni tuíbhia kua Jihova.

Ijila 23:35

Mu kizuua kia kuandekela bhu kala kionge kikôla; ki bhu kala-phe kututumba ni midimu ia kima.

Dialuilu 28:18

Kizuua kiê kia dianga ki kala kionge kikôla; ki mu bhange kikalakalu kioso-kioso;

Dialuilu 28:25

Kizuua kia kasambuadi-phe, mu kala ni kionge kikôla; ki mu bhange kikalakalu kioso-kioso.

Dialuilu 28:26

Kiene kimoxi ue dingi, kizuua kia ibundu ia kutomona, mu bhana kua Jihova sata ia mákudia, mu kutana kuenu kua jisemana, mu kala ue ni kionge kikôla, ki mu bhange kikalakalu kioso-kioso.

Dialuilu 29:1

O mu mbeji ia kasambuadi, kizuua kiê kia kamoxi, mu kala ni kionge; ki mu bhange kikalakalu kioso-kioso; ki kala kizuua kienu kia kuxika jikoloneta;

Dialuilu 29:12

Kiene kimoxi ue mu kizuua kia kakuinhi ni kitanu, mbeji iene ia kasambuadi, mu kala ue ni kionge kikôla; ki mu bhange kikalakalu kioso-kioso; mu bhanga fesa ia Jihova mu sambuadi dia izuua;

Nzuá 19:31

Jijudé, phala o imbi ki i xale ku makulusu kia Sábhalu, (mukonda kizuuʼ iki, kizuua kia Sesa, kia ku di iudika, o ki kúkia Sábhalu ia dikota) a bhinga Pilatu a a bukujule o inama, a a katuleku.

Matendelelu 16:8

Udia jimbolo ja hângala katé mu izuua isamanu, o kizuua kia kasambuadi-phe kizuua ki kôla phala Jihova Nzambi ié; kana kubhanga-mu kikalakalu kioso-kioso.