Makatukilu 12:15 - O Mikanda Ikola

¹⁵ O jimbolo ja kambe o felemendu mu ji dia mu sambuadi dia izuua; tunde kiá kizuua kiene kia dianga, felemendu ioso i bhua-mu mu jinzu; kuma uoso u dia jimbolo ja felemendu tunde kizuuʼokio kia dianga katé kizuua kia kasambuadi, muenhó muthu ua ku mu batula mu undandu ua Izalaiele.

Makatukilu 12:15 ပူးပေါင်းရင်းမြစ်များ

Dimatekenu 17:14

Diiala dioso a kambe ku mu saia o xitu ia kinhûnga kiê, muenhu ió a kà u batula mu jindandu jê; mukonda kikutu kiami ua ki tondala.

II Malunda 30:21

Anʼa Izalaiele a kexile mu Jeluzaleme, anga emununa o kizokola kia jimbolo ja ususu mu sambuadi dia kizuua ni kusanguluka kua dikota; o jilevita ni jinganga aia ni kuximana Jihova kizuua ni kizuua, ni ima ia kuxikila o mimbu ni dízui dia suína kua Jihova.

Ejidala 6:22

O fesa ia jimbolo jʼòsusu, anga a i bhanga mu sambuadi dia kizuua, ni kusanguluka, mbata Nzambi ua lungulula muẋima ua sobha ia Asídia iú ua u te ku mbandu iâ ene, phala ku a suinisa maku mu kikalakalu kia inzu ia Nzambi, muene Nzambi ia Izalaiele.

Makatukilu 12:8

Xitu a i dia usuku uenʼió, ia uóhe ku túbhia, ni jimbolo ja kambe felemendu; a i elela mafe a lulu.

Makatukilu 13:3

Mozé anga u ambela o mundu, uixi: Lembalalenu kizuuʼiki kia lelu, kizuua ki mua tundu mu Ijitu, mu dibhata dia ubhika; kuma Jihova ua mi katula-mu ni nguzu ia lukuaku luê; kana kúdia jimbolo ja felemendo, kizuua kienhiki.

Makatukilu 23:15

Kizokola kia dianga ki mu kuata, kia jimbolo jʼòsusu; sambuadi dia izuua mu dia jimbolo jakambe felemendu, kala ki nga mi tumu, izuua i nga xindi ku mbeji ia Abibe, kuma iene o mbeji i mua katuka mu Ijitu; ki bhu kale muthu uiza-phe ni maku a hatu bhu pholo iami.

Makatukilu 30:33

Uoso u iudika maji kala iá, mba u a ta ku mukutu ua muthu uengi, ió muthu ua ku mu batula mu jindandu jê.

Makatukilu 30:38

Uoso u iudika uasu kala iú, phala kuenda ni ku u fuenha o dizumba diê, muthu ua ku mu batula mu jindandu jê.

Makatukilu 31:14

Mukonda dia kiki mu kuata jinga o sabhalu, kuma kizuua kienu kikôla; uoso u ki fukula a mu jibha; o uoso u kalakala kizuua kienhókio, muenhu ió ua tokala ku u batula mu kaẋi ka jindandu jê.

Makatukilu 34:18

U kuata jinga o kijila kia fesa ia jimbolo ja kambe felemendu. Sambuadi dia izuua u dia jimbolo ja kambe felemendu, kala ki nga ku tumu, thembu ioso i nga mi lekela bhu mbeji ia Abibe; kuma mbejí ioio, ia Abibe, iene i mua tundu na-iu mu Ijitu.

Makatukilu 34:25

Kioso ki mu Ngi bhakuila sata, kana kubhakula manhinga ma sata iami ni jimbolo jala ni felemendu, o sata ia fesa ia Phasu ki i zeke usuku katé kuáki.

Ijila 17:10

Muthu uoso ue mu dibhata dia Izalaiele, mba ku jinzuangiza jene kunhunganena muʼaxaxi kâ, udia manhinga, muthu ió ngi mu mona bhu aia, katé ki ngi mu batula mu kifuẋi kiê.

Ijila 17:14

Mukonda o manhinga uene o muenhu ua xitu ioso-lolo; bhuoso bhuia manhinga bhuai muenhu; kiene-ze ki ngedila kua anʼa Izalaiele, ngixi: Kana kúdia manhinga ma kibhaku kioo-kioso, kuma o muenhu ua xitu ioso uene mu manhinga mê muenhomo; uoso-phe ue, u ma dia a kà mu jimisa o mbutu.

Malakiia 2:12

Mu jibalaka ja Jakobo, Ngana ua kà buidisamu ene oso a bhanga ima kala iii, kikale mesene kikale xibulu, né ió uoso u bhana maujitu kua Jihova dia Ifuẋi.

Dialuilu 28:17

Kizuua kia kakuinhi ni kitanu ki kala kia kizokola, mu dia jimbolo ja kambe kifulufulu kia kinanesa mu sambuadi dia izuua.

Dialuilu 9:13

Uoso-phe ua zedié, kai mu uenji, maji u fula kubhitisa Phasu, ió muthu ua ku mu batula mu kifuẋi kiê; mukonda ka bhitisa ujitu ua Jihova bhu kizuua kiê kia xindi; muthu ió kituxi ki kala ku thandu diê.

Matesu 16:12

Ene iá a kʼivu kiua kuma o kithûthume ki nanukisa o jimbolo ki kiene kia tange o ku ki dimukina, maji o ulongelu ua jifalizeu ni jisaduzeu.

Luka 12:1

Bhu ʼaxaxiʼabha, kia di bhongolola o kifuẋi kia jimidi ja athu, katé kia kala mu ku di diota, Jezú u kuata kuambela o jixibulu jê, uixi: Alukenu o kithûthume, kia ulongelu ua jifalizeu, mukonda dia umbomboku-mbodi uâ.

Luka 2:43

Kia-bhu o izuua-phe, kia kala mù vutukisa, mona Jezú ua xala ku dima mu Jeluzaleme. O jitata jê—phe ka kʼijiia.

Jipoxolo 12:3

O kia mono kuma kia uabhela Jijudé, u tona kukuata Phetele. Mueniomo mu izuua ia Fesa ia Jimbolo ja Kambe Kithuthume,

Ngalásia 5:12

Eme ngʼ inda kuila enʼ ió ala ku mi vunza a di nongona ene mu lumoxi ʼté ku hádia!

Matendelelu 16:3

Bhu fesa ii kana kúdia mbolo i kala ni felemendu, sambuadi dioso dia izuua muenda ni kúdia jimbolo ja hângala, jimbolo ja dilamba, (mukonda mua tunda ni lusolo mʼoxi ia Ijito) jene ji mi lembalesa kizuua ki mua tundu ku Ijito; kienhiki nuka ki mi jimba, izuua ioso ia muenhu uenu.

Matendelelu 16:5

Fesa ia Phasu, kana ku i satela kuoso-kuoso, kikale bhu bhata dié éiʼmuene, dioso dianda ku ku bhana Jihova Nzambi iê.

Matendelelu 16:8

Udia jimbolo ja hângala katé mu izuua isamanu, o kizuua kia kasambuadi-phe kizuua ki kôla phala Jihova Nzambi ié; kana kubhanga-mu kikalakalu kioso-kioso.