Makatukilu 12:12 - O Mikanda Ikola

¹² Mbata mu usuku uenhó eme ngi bhita mʼoxi ioso ia Ijitu, ngi beta-mu ana oso a phande-kumbi òvualele mu Ijitu, ni ku athu ni ku ibhaku; o jinzambi joso ja Ijitu ngi ji bhana njumbu; eme ngi Jihova.

Makatukilu 12:12 ပူးပေါင်းရင်းမြစ်များ

I Malunda 14:12

Bhenhobho bhene bhua xisa jifilisteu o jinzambi ja iteka iâ; Davidi anga utuma ku i oha mu túbhia.

Jisálamu 135:8

Muene ua beta anʼa phandekumbi mu Ijito, tunde ku athu katé ni ku ibhaku;

Jisálamu 82:1

Nzambi u balumuka hé uimana bhu kionge kiê kikola; muene u fundisa milonga muʼaxaxi ka jinzambi.

Jisálamu 82:6

Nga ki ambe, ngixi: Enu mu jinzambi, enu oso mu anʼa Suke-ku.

Jisálamu 91:7

Né kua dibhale midi bhu mbandu ié, né kuinhi dia midi ku lukuaku lué lua dilu, eie bhobho ki ki ku bhixila.

Jisálamu 95:3

Kuma o Jihova, kota dia Nzambi, Ngana ia dokota ua tundu o jinzambi joso.

Makatukilu 12:23

Kuma Jihova ua-nda kubhita mʼoxi ioso mu kuama akua Ijitu; o kia-nda kumona manhinga ku phidika ni ku mikangala iiadi ia dibhitu, Jihova u somboka dibhitu diodio, kehela mubuikixi kubokona mu jinzu jenu phala ku mi kuama.

Makatukilu 18:11

O kiki nga kʼijiia kuma Jihova kota, jinzambi joso ndenge; mukonda enhó a di zangeleka ni ku mi tatesa, ua a katula o mahanha.

Makatukilu 21:6

ngana iê-phe u mu bheka bhu pholo ia afundixi, anga u mu bhiẋidisa ku dibhitu, mba ku mikangalu ia dibhitu, ngana iê bhenhobho a mu kubule dítui ni sovela; u kala-phe kiá mubhika katé bhu ufuilu.

Makatukilu 22:28

Afundixi kana ku a bhubhidila; muthu a mu zangeleka kutumina o mundu kana ku mu zuela kiaiibha mba ku mu longolola.

Makatukilu 6:2

Nzambi anga u zuela ni Mozé, u mu ambela, uixi: Eme Jihova.

Makatukilu 9:6

Kúkia ni kimene, Jihova anga u ki bhanga; ibhaku ioso ia akua Ijitu i fua, ku ibhaku ia anʼa Izalaiele ni kimoxi ngó, ki kiafu-ku.

Izaía 19:1

Muzambu ua Ijitu. Talesa koko, Jihova iu uiza, ua di-longo mu dituta dia ngelephephe, ua-nda ku tula mu Ijitu; mahamba ma Ijitu a kà ma tungutisa bhu pholo iê, anga muẋima ua akua-Ijitu ua kà botomoka mʼoxi diâ.

Jelemiia 43:12

Nga-nda kua kà ta mu túbhia o jinzu joso ja jinzambi ja Ijitu; muene ua-nda kuà jiʼoha anga u jiʼambata ku uhutile; o ixi ia Ijitu anga i kemba kiua kala mubidi kia zuata o kizuatu kiê; muenhomo muene, ua kà tunda-mu ni kutululuka.

Jelemiia 43:13

O iteka ia Beteseme, iala mʼoxi ia Ijitu, ua-nda kua kà i bula-bula, o jinzu ja jinzambi ja Ijitu hádia ua ká jiʼoha mu túbhia.

Jelemiia 46:25

Jihova dia Huxi, Nzambi ia Izalaiele, uixi: Talesa, Amoni dia Nó nganda ku mu zungila, ni Falaó, ni Ijitu ni jinzambi jâ, ni jisobha jâ; ni Falaó muene, ni oso a dielela kua muene.

Izekiiele 12:16

Maji momuʼâ nga-nda kuxamu, amoxi-mu, Ofèle, a bhulaka ku xibhata, ni ku nzala, ni ku dibhebhu, phala ende ni kutanga o maufusa mâ mu kaxi ka miji muoso mua-nda ku di tela; anga a kʼèjiia kuila eme ngi Ngana.

Amoji 5:17

Mu mábhia oso a mivide mua kà kala kudila ni ku di suuata, mukonda dia kuila eme ngi bhita muʼaxaxi kenu, Eme ngi Jihova.

Sofoniia 2:11

Jihova ua kà a lungulukila, o jinzambi joso ja mu ngongo anga u ji jikinisa; akua jixi ene oso a kʼèza kua Muene ku mu bheza, tunde mu ididi iâ ni miji ioso mu ikolo.

Dialuilu 33:4

kioso akua Ijitu kiala mu funda anʼa phande-kumbi a a beta kuala Jihova mu kaẋi kâ; katé ni jinzambi jâ, Jihova ua ji elêsa.

I Samuuele 5:3

Ki kúkia ni kimeme, akua Ajindode kia balumuka, a sanga Dangoni ua dibhale pholo bhoxi, bhu pholo ia álaka ia Jihova. Anga a bhetula Dangoni, a mu imika dingi bhu kididi kiê.

I Samuuele 6:5

Kienhiki-phe bhangenu idifua ia mabhumbu menu, ni idifua ia tundôndo tuenu kuma jene o jiphuku jala ku mi zangela o ixi; mu bhane o fuma kua Nzambi ia Izalaiele; amoxi se enu mu bhanga kiki, o muene u tebhununa-ku ku kinemenu kia lukuaku luê ku thandu dienu, ni ku thandu dia nzambi ienu, ni ku thandu dia ixi ienu.