Makatukilu 11:8 - O Mikanda Ikola

⁸ Kienhókio, ene osoʼá akua mbèle ié, a kèza ku ngi sota, ni ku ngi diundila ni kudionda, kuila: Ndeie, ni mundu uoso ua ku kaiela, mʼoxi mu bhue-mu; kiene kiua ki nga kà tunda. Anga u tunda bhu pholo ia Falaó, uezala ni njinda.

Makatukilu 11:8 ပူးပေါင်းရင်းမြစ်များ

I Jisobha 20:10

Anga Bene-hadade u tuma ku mu ambela, uixi: Jinzambi ji ngi bhange kioso ki ja mesena, ni kia mukuá dingi kuma o fufuta ia Samádia ki ia-ndu soka phala kuizalesa o maku ma kifuẋi kioso kia mu ngi kaiela.

II Jisobha 3:9

Ni sobha ia Izalaiele ni sobha ia Juda ni sobha ia Idomo anga a katuka; ai ni kuenda ni kukondoloka, o kiende sambuadi dia kizuua, menha a kúnua phala o kifuẋi ni ibhaku, ia mu a kaiela, kʼa moneka.

Nehemiia 5:6

Eme-phe, mu kuívua o kudikola kuâ, ni ki a kuata kuzuela kiki, ngʼivua kia ngi kuama kiavulu!

Jisálamu 6:1

Jihova, tata! kana ku ngi bazela ni njinda, kana ku ngi beta ni kuthathamana kué.

Makatukilu 10:29

Kuala Mozé: Ua zuela kiambote; pholo ié ki nga-nda tona dingi ku i mona.

Izaía 49:23

O jisobha a kà ku sasela ana; ana ilumba a jisobha a kala iledi ié; a kà ku diundila jinga ni pholo bhoxi, a kà ku lesa jinga o fufuta ia inama ié, bhene bhu ua-nda kuijidila kuma eme-muène Jihova, oso a ngi dielela eme, ka tena kukakuka.

Izaía 49:26

O ió a ku bhondeleka ngʼa dikila niʼxitu jâ-ene, a kà kodiua ni manhinga mâ kala maluvu; anga xitu ioso ia kejiia kuma eme ngi Jihova, ngi Mubhuludi ué, Ngi Mukudi ué, ngi Dizonda dia Jakobo.

Izekiiele 3:14

Bhenhobho, Nzumbi ia Nzambi ia ngi zangumuna, ii ia ngʼambata; eme anga ngiia ni dilamba dia vulu mu kikenene kia! muenhu uami; maji o lukuaku lua Jihova lua kexile ni nguzu iavulu ku thandu diami.

Daniiele 3:19

Nabukodonozolo bhenhobho anga uizala ni njinda, pholo i mu kituluka mbebhu a-Sadalake, ni Mizake, ni Abede-neko; anga u kumbulula, u tuma kutemesa o kidijiku kia túbhia lusambuadi, phala o kiene ku i temesa, ki kala ndenge.

Dialuilu 12:3

Mozé-phe ua kexi muthu ua xididika, athu oso mu ngongo ndenge.

Marku 3:5

Muene ua exi suí, ene oso, ni dilamba ni njinda, mukonda kia mu iibhila o kukola kua kua muẋima, mbata nguâ-uâ ku tongolola, nʼejiie. Anga u ambela o diiala: Sunununa lukuaku. Muene kia lu sunununa, lukuaku lue lua disanze kala lua mukua.

Matendelelu 29:24

Anga miji ia ifuẋi ioso ia kʼèla: Jihova oxi iii ua i bhangela-hi kiki? Kima kiahi kia bheka o njinda isoka kala kiki?

Matendelelu 32:24

A kà tala hadi, nzala ia kʼènda ni ku a zubha! A kà diua ku mahaxi a kuata ni muanha ni ku dibhebhu dia phulu. Ngʼenda ue ni ku a zangela iama, ni jinhoka ji tela ngàmbu, jenda ni ku fukunuka mu fufuta ia mavu.

Jihebeleu 11:27

Kiejila mu kuxikana, Mozé kia tundu mu Ijitu, njinda ia sobha ka i lenge. Anga u kolokota ni ufiiele kala uala ku mona Nzambi, ió ka moneka ku mesu.

Dijingunuinu 3:9

Ivua! Enhó a tokala ku kibuka kia Satana, a mu tanga exi tu Jijudé, mbé ki Jijudé, kuma ala ngó akua makutu, talesa, nga-nda kubhangesa kuila enhó eze, a ku bheze bhu inama ié, nda oso a kʼijiie kuila eme nga ku zola.

Afundixi 4:10

Balake bhenhobho anga u kasa Nzebulone ni Nafitali, anga a bhongolokela bhu Kadexe; anga u banda ni kuinhi dia midi dia mala kumoxi ni muene, ni Debola ue u ila-nê kumoxi.

Afundixi 8:5

Anga u ambela akua Sukote, uixi: Nga mi diondo, bhanenu kúdia ku mundu ala ku ngi kaiela; kuma a bhuila ni nzala, eme-phe ngala kukaia Zeba ni Zalumuna, jisobha ja Midiiana.