Makatukilu 10:9 - O Mikanda Ikola

⁹ Kuala Mozé: Ki bhinga etuʼoso tuia, ni anʼa ndenge ni adiakimi, ni anʼetu a mala ni anʼetu a ahatu, ni mbudi jetu ni ngombe jetu, kuma tua-nda kua kà bhange kizokola kua Jihova, Nzambi ietu.

Makatukilu 10:9 ပူးပေါင်းရင်းမြစ်များ

Dimatekenu 50:8

ni dibhata dioso dia Zuze, ni jiphange jê, ni dibhata dia tatʼâ; o anʼâ ngó ni ibhaku iâ a xala mʼoxi ia Ngozene.

Makatukilu 10:10

Kuala Falaó: Jihova a mi endese, se nga mi eha ni anʼenu. Di langienu-phe, mbata nga mi mono kuila enʼuenu muandala mu bhanga kudimuka.

Makatukilu 10:26

Ni ibhaku ietu tuia naiu, ni kikoto ngoho ki ki xala-ku; mukonda kuene ku tua-nda kua ka katula ia kusatela na-iu Jihova, Nzambi ietu; o kuijiia-phe ioso i tu katula, ki kale ngó ki tua kà bhiẋila kuenhoko.

Makatukilu 12:32

Ni jimbudi jenu ni jingombe ambatenu-ju, kala ki muambe, phala mu muangane; eme uami ngi sambedienu nda ngi kale ni kuzediua.

Makatukilu 12:37

Anʼa Izalaiele anga a katuka bhu Lameseji, a ta kibangu bhu Sukote; o ku a alula a tena hama jisamanu ja jimidi; mala ngó akua kuenda bhoxi, o anʼa ndenge ka a te-mu.

Makatukilu 12:38

Sai dingi ni kifuẋi kia dikota kia jinzuángiza a di bundu momuʼâ ia endela-nâ kumoxi, ni nzungule ia ibhaku ia jimbudi, ni jihombo, ni jingombe.

Makatukilu 13:6

Mu sambuadi dia izuua mu kala mu kúdia jimbolo ja kambe felemendu, o kizuua kia kasambuadi, ki kala kia fesa iangene ia Jihova.

Makatukilu 3:18

Ene-phe a-nda ku ku ivua dízui; kienhokio-phe ua kà bhiẋila kua muenexiʼa Ijitu ni eie ni adiakimi a Izalaiele kumoxi, mua kà mu ambela kuma: Jihova, Nzambi ia Jihebeleu, ua tu sange; kala kiki, eie tuehe-phe, tua ku diondo, tuie njila ia izuua itatu mu kikangalakata, tua kà satele Nzambi.

Makatukilu 5:1

Kia zubha kubhanga kiki, Mozé ni Alá a bhiẋila kua Falaó a mu ambela, exi: Kiene kia zuela Jihovʼiki, Nzambi ia Izalaiele: Eha mundu uami, phala aie mu kikangalakata, a ngi bhangele-mu fesa.

Makatukilu 5:3

Kuala ene: Nzambi ia Jihebeleu ua tu sange; eie tuehe-phe, tua ku diondo, tuie njila ia izuua itatu mu kikangalakata, tua kà satele Jihova, Nzambi ietu; mbe muene kʼeze kuthandu dietu ni dibhebhu mba xibhata.

Jisabhu 3:9

Jihova mu jingise ni ima ioso i uala na-iu; mu bhane ku jisamba-tènde ja ima ioso ia kumona kué.

Ndongixi 12:1

Mu izuua ia unzangala ué, lembalala Ió uoso ua ku bhanga, kiosuʼiki o izuua iaiibha kiluua i bhixila, anga kuiza o mivu ia ku bhingi kuila, uixi: Mu mivu iii ki ngala-mu dingi ni kusanguluka.

Dialuilu 29:12

Kiene kimoxi ue mu kizuua kia kakuinhi ni kitanu, mbeji iene ia kasambuadi, mu kala ue ni kionge kikôla; ki mu bhange kikalakalu kioso-kioso; mu bhanga fesa ia Jihova mu sambuadi dia izuua;

Efezo 6:4

Enu uenu mu jitata, kana kuthathamesa anʼ enu ni ku a kuatesa njinda. Maji mu a sasa ni ku a beta, ni ku a longa kioso kia tumu Ngana.

Josuué 24:15

Maji-phe, se kia mi ibhila ku mesu menu o kubhikila Jihova, leluʼidi-phe Solenu kiá uoso mua fuama o ku mu bhikila: se muedi mu xingidisa o mahamba a xingidisa jinga o jitata jenu kia kexi mu sámbua dia ngiji ia Ufalate, mba-phe mu xingidisa o mahamba ma akua Mamodi avu o ixi iii mu mua tungʼumu, enu kiá! Maji eme-phe ni dibhata diami, tu bhikila Jihova.