Makatukilu 10:6 - O Mikanda Ikola

⁶ Ni mu jinzu jé mu izala, ni mu jinzu joso ja akua mbèle ié, ni mu jinzu ja akua Ijitu oso; ki bhinga ni jitata jenu ni jikuku nuka a ki muene ki kala kiki, tundé kizuua kia bhanga athu mu ngongo, katé kizuua kia lelu. Anga u lunguluka, u tunda bhu pholo ia Falaó.

Makatukilu 10:6 ပူးပေါင်းရင်းမြစ်များ

Makatukilu 10:11

Ki kiene-phe, nguami! Se muʼandala muia ngó enu mu mala, mua kà bhikile Jihova; kuma kiene ki muambe. Anga a a kaia bhu pholo ia Falaó.

Makatukilu 11:6

Kua kà bhita ngololo ia dikota mʼoxi ioso ia Ijitu, ngololo nuka aʼivile, nuka ue ià kala-ku dingi.

Makatukilu 11:8

Kienhókio, ene osoʼá akua mbèle ié, a kèza ku ngi sota, ni ku ngi diundila ni kudionda, kuila: Ndeie, ni mundu uoso ua ku kaiela, mʼoxi mu bhue-mu; kiene kiua ki nga kà tunda. Anga u tunda bhu pholo ia Falaó, uezala ni njinda.

Makatukilu 8:21

O ki uila kana, povo iami ngué ku a eha, ngi tuma jinzungule ja jihamue ku thandu dié, ni ku thandu dia mbèle ié, ni ku mundu ué, ni mu jinzu jé; o jinzo ja akua Ijitu jʼizala jinzungule ja jihamue, katé ni bhoxi bhua diota.

Makatukilu 8:3

O mazote mu honga a di vuala, a banda, a bokona monzo ié, ni mu dizekelu dié, ni bhu hama bhene, ni mu jinzu ja akua mbèle ié, ni mundu ué uoso, ni ku majiku ni mu jímbia ja kulambela.

Makatukilu 9:18

Talesa-phe, mungu mu ola kala iii, nga-nda ku nokesa mvula ia matadi a kuama, i bhinga kuila mʼoxi ia Ijitu mumu kiluua i kala-mu, tundé ku dimatekenu diê katé ni kiki.

Makatukilu 9:24

Kala kiki, ku kala matadi a mvula, ni túbhia tua di lungu-nâ kumoxi, ma kuama muene kiavulu, kia bhingi mʼoxi ia Ijitu kiluua kibhita-mu tunde muʼandekela kutunga-mu athu.

Jouele 2:2

Kizuua kia kuvunda, kizuua kia dilamba; kizuua kia ifuke ni kitombe kiedi ni kiene bui, mukuâ ni mukengeji ua kimene ki u di muangena ku milundu, kiene ue ki di sanha o kifuẋi kia mundu ua dikota kia nguzu, kia bhingi kuila tundé ku xahulu kiluua ki kala-ku, o ku pholo ue, ku mivu ia-nda kuiza-ku, ki kià kala-ku dingi, kutunda muiji kuiza muiji.

Jouele 2:9

A kà bokona mu mbonge, a kà lenga-lenga ku thandu dia imbaka, jinzu a kà ji kanduka ni ku bokuena bhu jinjanena kala ki bhanga o muii.

Jihebeleu 11:27

Kiejila mu kuxikana, Mozé kia tundu mu Ijitu, njinda ia sobha ka i lenge. Anga u kolokota ni ufiiele kala uala ku mona Nzambi, ió ka moneka ku mesu.