Makatukilu 10:3 - O Mikanda Ikola

³ Mozé ni Alá anga aia a bokona kua Falaó, a mu ambela, exi: O Jihova, Nzambi ia Jihebeleu uambe kiki: Eie u dituna katé bhebhi kutoloka bhu pholo iami? Eha o mundu uami, phala aie a ngi bhikile.

Makatukilu 10:3 ပူးပေါင်းရင်းမြစ်များ

I Jisobha 18:21

Elija bhenhobho u zukama ku kifuẋi kioso hé u ambela, uixi: Kumbi kuxi di mua-ndu lémbua kutenguina bhu kaẋi ka ixinganeku iiadi? O Ngana se muene Nzambi, mu kaiedienu! Maji ki ki kala o Bahale mua mu mono kuma muene ua tokala, mu kaiedienu. Kifuẋi-phe a di xibhʼâ, ka mu vutuila kima.

I Jisobha 21:29

Eie Akabe kua mu mono kuila uala ku di tululula bhu pholo iami? Mukonda-phe ua di tululula bhu pholo iami, uíndua iú u nga tange ku mu bhanga ki nga-nda ku u bheka mu izuua iê, kana; nga kà u bheka-phe mu izuua ia monʼê ku thandu dia dibhata diê.

II Jisobha 22:19

uixi: Mukonda o muxima ué ua teketa eie ua toloka bhu pholo ia Jihova, kioso ki uevu ki nga zuela ku kididi kiki, ni ku iá oso a tunga-bhu, kuma a kexila-bhu dibuikilu ni uíndua, eie-eie ua tandula o izuatu ié, ni kudidila bhu mesuʼami, eme ue nga kuʼivu, Jihova muene ua ki tange.

II Malunda 33:12

O muene, kia mu iza o kubhindama, ua sambe kiavulu kua Jihova Nzambi iê, anga u di bhomba, u toloka muene kiavulu kua Nzambi ia jitata jê.

II Malunda 33:19

Ni musambu uê ua sambela Nzambi, ni kioso Ngana Nzambi kia mu tambuijila anga u sosoloka mu kutema kuê, ni kituxi kiê kioso ni mulonga uê, ni ididi ioso ia tungile matala anga u i kuna mixitu ni ku ta-mu iteka ia kusonga, kioso hanji sobha kiluua a toloka kua Jihova, tala ima ioso iii a i soneka mu madivulu ma akua kuzambula.

II Malunda 34:27

Kuma o muẋima ué eie ua teketa, eie ua tolokela Nzambi, kioso ki uevu o maka ma tange kubhanga o kididi kiki, ni ió oso a tungu-bhu, eie ua toloka bhu pholo iami, eie ua tandula o izuatu ié, eie ua ngi didila, eme ue nga kuivu, kienhiki kiene kiambe Jihova.

II Malunda 7:14

o ki kala-phe o mundu uami, kituxi kiʼexana mu dijina diami, a di bhomba kokuami, anga a samba, a sota muene pholo iami, o ku jinjila jâ ja ibha anga a tunda-ku, kieneʼokio-phe eme ku maúlu nga-nda ku a evua, anga ngi loloka ituxi iâ, o ixi iâ ngi i saka.

Jobe 42:6

Kienʼiki kia ngi bhekesa ku di kuma eme-muène; nga diela muene, nga dimbuluka mu fufuta ni uthôkua.

Makatukilu 10:4

O ki uila ngué kueha o mundu uami, nʼaiʼâ, mungu muene ngi bheka kihoho mu jimbámbe jé.

Makatukilu 16:28

Jihova anga u ambela Mozé, uixi: Katé bhebhi bhu mu suka ni kuxibhaka o itumu iami ni ijiia?

Makatukilu 4:23

Nga tumu ku ku ambela kuila: Eha monaʼami, phala a ngi kalakele; eie-phe ki ua ditunu ku mu eha, eme nga-nda kujibha monʼé ua phande-kumbi.

Makatukilu 5:1

Kia zubha kubhanga kiki, Mozé ni Alá a bhiẋila kua Falaó a mu ambela, exi: Kiene kia zuela Jihovʼiki, Nzambi ia Izalaiele: Eha mundu uami, phala aie mu kikangalakata, a ngi bhangele-mu fesa.

Makatukilu 9:17

Ki ualʼokio kifua eie hanji ua thathamena o mundu uami, nguaʼié ku a eha ni aiʼâ?

Jisabhu 1:22

Enu ilalu, ulalu uenu mu suka na-u bhebhi? Enu jisemenhi, usemenhi kifua ki mu ueha dingi? Enu mu ioua, o kuijiia mu di zemba na-ku, kuambe?

Jisabhu 1:24

Maji-phe o ki ngʼedi ngʼixana, enu-phe mua di tunu kuitaia; nga sunununa o lukuaku luami, ki bhuala ua ngi batekela,

Jisabhu 18:12

Muẋima ua muthu u di zangelaka, ua-lu sota kibhalu; uinda o kijingu, u dianga o kubatama.

Izaía 1:5

Ngi mi betelaʼhi dingi, se hanji mua-nda kuẋinukenunu? Mítue ienu ioso iezala uhaxi; o miẋima ienu ioso ia botomoka.

Izaía 2:11

O mesu ma bhumu, ma athu, a kà a tululula; o kuzangalala kua makuenze kua kà tunuka; bhu kumbiʼodio Jihova muene ngó a kà mu zangeleka.

Jelemiia 13:10

Mundu ua iibha iú, ua mu di tuna o kuívua maka mami, enda kioso kia a tumu muẋima uâ, anga a kuata ku kaiela jinzambi ja ngene, phala ku ji bhikila, ni ku ji diundila, a-nda ku di fuangana muene ni phonda ienhiʼii, ki i sedivila dingi kima.

Jelemiia 13:18

Tangela sobha ni na mvuale: Ditulululienu, mu xikame bhoxi; mbata o makembu oso a mítue ienu a sonoka kiá, o kitundu kia kizunda kienu.

Jelemiia 50:29

Babilonha mu bhongoluedienu oso akua kuasa ni misongo, oso ejiia kuoleka o mufula, a zoke-nê; mu tedienu ndala-mbuta mu jimbandu, phala ki bhu kale muthu u lenga-mu; mu futienu kala kia fuama o ikalakalu iê, kioso kia bhange muene, kiene ue ki mu mu bhanga; kuma ua di zangelekele mu kuzoka ni Jihova, mu kuzoka ni Ukola mua Izalaiele.

Izekiiele 5:6

Maji muene-phe o mabatuilu mami ua ma lungulula mu ufusa, miji ioso ndenge, ni jingonge jami ue ua beta ku ji lungulula o jixi ja mu kala mu jimbandu ndenge; mukonda a tènde mabatuilu mami, nguâ kuenda mu ijila iami.

Daniiele 5:22

Eie-phe, tata, Belxazale, u monʼê, ua lémbua kubatamesa muẋima ué, sumbala ima ioso iii ua ijiia muene kiambote.

Dialuilu 14:27

Mbambe bhebhi bhu nga kà suka ni kuxididikila kilômbo kiki kiaiibha, a kuata ku ngi longolola? Ngevu kulongolola kua anʼa Izalaiele, kioso kiala ku ngi longolola eme.

Loma 2:4

Inga eie ua mu tobhesa o jinzungule ja kulenduka, ni kudixibha, ni kuxididika kua Nzambi? Eie ua kʼ ijiia kiambote kuma o Nzambi ua lenduka, ni kuila muène ua mesena ku ku sunga mu kudiela.

Jihebeleu 12:25

Uila kiki, di langienu, ki mu ditune kuivua ió uoso u zuela. Kuma enió a ditunine kuivua uoso ua tudilile o Njimbu ia Ngana mu ngongo, kà tenene kubhuluka. Kala kiki, etu uetu tua kà bhulukila bhebhi, se tua mu bhana dikunda uoso ua tu dimuna ku diulu!

Tiiaku 4:10

Di tolesienu bhu pholo ia Ngana, muène anga u mi zangeleka.

I Phetele 5:6

Uila kiki, batâmenu bhoxi dia lukuaku lua Nzambi lua suina, muène a mi zangeleke bhu kitangana kiatokala.