Makatukilu 10:23 - O Mikanda Ikola

²³ o mu izuua itatu ioso ia muvimba, ene oso kala ku di mona dingi muthu ni mukuá, kana muthu ue ua balumuka bhu kididi bhu kia mu kuatela izuua ioso itatu; o anʼa Izalaiele-phe ene oso ku mabhata mâ kua zedié.

Makatukilu 10:23 ပူးပေါင်းရင်းမြစ်များ

Makatukilu 14:20

Kifua a batula bhu kaẋi ka kilômbo kia Ijitu ni kilômbo kia Izalaiele; o dituta diene dimoxi, ku mbandu ia akua Ijitu dia bheka kitombe kiedi bui, o ku mbandu ia Izalaiele mukengeji uia ni ku a muikina; kala kiki, usuku uosʼó a di kalela, ka tena ku di zukama.

Makatukilu 7:25

Kienhokio sambuadi dia izuua anga i tena, tunde Jihova kia beta honga ia Nilu.

Makatukilu 8:18

O imbanda ue anga a ki fikisa ni uanga uâ, maji a lémbua; jina-phe anga ji kala ku athu oso ni ku ibhaku.

Makatukilu 8:19

Bhenhobho-phe o imbanda ambela Falaó, exi: Iú mulembu ua Nzambi kiá; Falaó-phe u kola muxima, ka ẋikina ku a evua, kala kia tange Jihova.

Makatukilu 8:22

Kizuua kienhókio o ixi ia Ngozene mua tungu o mundu uami ngi i tungula, dibhebhu dia jihamue ki di kala-mu; phala eie u kʼijiie kuma eme ngi Jihova mu ngongo ioso.

Makatukilu 9:26

Kikale ngó mʼoxi ia Ngozene, muala anʼa Izalaiele, muene ngó mua kambe kunoka o mvula ia matadi.

Makatukilu 9:4

Jihova ua-nda kutungula ue o ibhaku ia Izalaiele ni ibhaku ia akua Ijitu; phala ki ku fue kima ku ibhaku ioso ia tokala ku anʼa Izalaiele.

Izaía 42:16

Anga ngi batesa o ifofo mu njila kiluua a ijiia, nga kà a bhitisa mu njila ia musanu; o kitombe nga kà ki bilula mukengeji bhu pholo iâ, o njila jala matadi nga ji iukisa. O ima ienhiʼii iene i nga-nda ku a bhanga, ki mungu dingi nga ehelela.

Amoji 4:7

Ku thandu dia kiókio, mvula nga mi katula na-iu ki kua kambe ngó mbeji jitatu phala ku muna idima; nga nokesa mvula mu sanzala iii maji mu sanzala ja mukuá, lémbue! Ngedi díbhia didi dia nokena, o díbhia dia mukuá ki di nokena, idima ia kukuta!

Malakiia 3:18

Bhenhobho bhene bhu mua kà mona dingi o katungu ka muthu uaiuka, ni mukua ituxi ua bhukumuka; ni bhu kaxi ka ió ubheza Nzambi, ni iú ua ditunu ku mu bheza.

Kolose 1:13

Muene ua tu kula mu ubhika ua usuku, iú ua tu bheka mu Utuminu ua Monʼ ê ua kazola.

Josuué 24:7

Ene anga a di kola kua Jihova, muene iú ua te kitombe bhuʼaxaxi kenu ni akua Ijitu, usunga kiua o musanza ua kalunga ku thandu diâ, anga ua vunga; enu-phe mesu enu a di muena kioso ki nga bhange ku akua Ijitu. O ki kia bhiti, mua nakina ndumba ia izuua mu kikangalakata.

I Phetele 2:9

Maji enu-phe mu muiji uosole, mu jinganga ja sobha, kifuẋi kiazele, mu mundu uangene ua Nzambi muène. A mi tungula phala muende ni kujimbula o imbamba ia madiuanu iene mu bhanga Nzambi ió ua mi katula muavundu, iú ua mi bheka mu mukengeji uê u diuanesa.