Makatukilu 10:21 - O Mikanda Ikola

²¹ Jihova anga u ambela Mozé, uixi: Sunununa lukuaku lué, u lu talese mu diulu, phala kuize kitombe mʼoxi ioso ia Ijitu, kitombe kia kuila ni ku maku u ki babata.

Makatukilu 10:21 ပူးပေါင်းရင်းမြစ်များ

Jobe 5:14

Kuma mu muanha, phala ene ku kala kitombe; o mu kumbi dia mediia, aia ni kubabata kala mu usuku.

Jisálamu 105:28

Ua tumikisa-ku kitombe, ixi anga i bokona mua vundu; maji ene ka xikina kuívua-phe o kizuelu kiê.

Jisálamu 35:6

Njila iâ i kale javundu, ia ẋanana; o anjo ia Jihova ende ni ku a landameka.

Jisálamu 78:49

U a kuuila ku thandu diâ o njinda iê iatema, ni dibhebhu, ni uíndua, ni kibuika; kibuka kia ji-anjo a a tumu muene kubuidisa.

Makatukilu 7:19

Jihova anga u ambela Mozé, uixi: Ambela Alá, uixi: Kuata mbangala ié, u sununune lukuaku lué ku thandu dia menha ma Ijitu, ni ala mu jihonga, ni ala mu milombo, ni ala mu mazanga ni mu majiia, ene oso a kituke manhinga; ku kale manhinga mʼoxi ioso ia Ijito ni mu itutu ia miẋi, ni ia matadi.

Makatukilu 9:22

Jihova anga u ambela Mozé, uixi: Sunununa o lukuaku lué, u lu talese mu diulu, phala ku sonoke mvula ia matadi mʼoxi ioso ia Ijitu, i bete athu, i bete ibhaku, i bete idima ku mábhia, mʼoxi ioso ia Ijitu.

Jisabhu 4:19

O njila-phe ia akua kubhanga kiaiibha mukua ni usuku-ua-nzumba; a di bhukana ku kima, maji ka kʼijiia mba kima kiahi.

Ndongixi 2:14

O njimu mesuʼê a mu kala mu mútue, o kiôua-phe uendela mua vundu; sumbala a di tungula maji nga tetuluka kuila o ima i bhita kua iú iene ue i bhitʼê kua ió.

Ndongixi 6:4

Mukonda ua didi ngó kuiza, hádia u vutukila mua vundu, o kitombe kia-nda kuvungina muene o dijina diê.

Izekiiele 32:7

Kioso eme ki nga-nda ku ku jimuna, o diulu nga kà di vungina, o jithéthembua jê nga kà ji vungina ni dituta, o mbeji ki ia kʼèhela mukengeji uê ku muika.

Matesu 27:45

Kiki tunde ku mediia mu ola ia kasamanu, kʼoxi ioso ku kala usuku mu ola jitatu, katé mu ola ia kàvua.

Marku 15:33

Ku bhixila mu ola ia mediia, kua bhiti usuku ku thandu dia oxi ioso kate mu ola ia kavua.

Luka 23:44

Kienhiki kuila kua kambe kiá ngó kubhixila mu ola ia mediia, o dikumbi dia lémbua kumuika, anga mʼoxi ioso muiza kitombe katé mu ola ia katatu, ku kièmba.

Matendelelu 1:30

Jihova Nzambi ienu, uoso ua-nda ku mi tuamenena, muene ua-nda ku mi bhangela o mvunda, kala kia mi bhange mu ima ioso ia bhange kiá, ki mua di muena ku mesuʼenu mu Ijito;

Matendelelu 28:29

Anga ku ku iza kiá uendelu ua kuila katé ni mu ʼkumbi dia mediia uenda ni ku babajala kala ki bhanga o kifofo muʼavundu; mu njila joso kuzediua u ku lémbua. Ku muenhu ué uoso u kala ni kubhondalala; izuua ioso aia ni ku ku nhana ni ku ku bhûnda o u ku kudila ku mu mono.

Matendelelu 4:34

Inga kua kexi kiá Nzambi ua xikina o kutambula kifuẋi phala muene nuʼaxaxe ka athu engi, ni jipolova ni isuma, ni madiuanu, ni kúlua mvunda, ni lukuaku lua suina, lua sununuka, ni ima iavulu i kuatesa uoma kala ia bhange Jihova Nzambi ienu, ku mesuʼenu, mu Ijito?

II Phetele 2:17

Athu enhá edi kala jifiẋi ja kambe menha, mukuâ ni mbundu, a i kaia-kaia kuala kitembu. Nzambi ua a solela kididi mu usuku iuná ua a xikamena uedi ni uene bûi.

II Phetele 2:4

Kuma Nzambi kia kambele kuehela ji-anju ja tele kituxi, maji ua ji kaiesa katé mu ifernu, iú ua ji kuikila ku malubhambu mu makungu ma usuku katé bhu kizuua kia kufundisa.

Juda 1:13

Edi kala mabhuku ma musanza ua kalunga, ma temanana, ma thuthuma kifulu kia ibhangelu ia jisonhi. A sokela ni jithethembua ja jimbila o njila, ja lungu mu usuku ua ji xikamena, ua ji iudikila Nzambi, uedi ni uene bui, ki uene dingi kukia katé ku hádia ni hádia.

Juda 1:6

Xinganekenu ue kuila ni ji-anju ja kambele kubhaka o ukota uâ, ja xi o kididi kia a tokala, Nzambi ua ji kuika bhoxi dia usuku, ku malubhambu ma kolela-ku katé bhu kufundisa kua Kizuua kiná kia dikota.

Dijingunuinu 8:12

Anju ia kauana anga u xika koloneta iê. O dikumbi anga a di sosolola mbandu ia katatu, ni mbeji ni jithéthembua ue kiomuène, a ji jima mbandu ia katatu, o kubenha kuâ anga kuxoxouela mbandu ia katatu. O kizuua hé ki lémbua kúkia mbandu iê ia katatu, o usuku ue kiomuène.