Makatukilu 10:19 - O Mikanda Ikola

¹⁹ Jihova anga u lungulula o kitembu, hé ku bhuka kitembu kia nguzu kia mubolokela-kumbi kizangula o kihoho, anga ki ki takula mu Kalunga Kakusuka; ni dihoho ngó dimoxi ki dia xala mʼoxi ioso ia Ijitu.

Makatukilu 10:19 ပူးပေါင်းရင်းမြစ်များ

Jisálamu 109:23

Nga soko ni kizúzumbi kia ngoloxi, kia lebhela kiá kuié; ngi takujuka ngó kala dihoho diia mu tudila dikanga.

Makatukilu 10:18

Muene anga u tunda kua Falaó, u dionda Jihova.

Makatukilu 10:20

Maji o Jihova-phe ua kolesa muxima ua Falaó, o kueha anʼa Izalaiele, ka ki bhange.

Makatukilu 13:18

Kala kiki, Nzambi-phe ua nhungisa o mundu mu njila ia kikangalakata, njila ia Kalunga Kakusuka; anʼa Izalaiele-phe mu kutunda mʼoxi ia Ijitu, ene oso a maneka ibhakatu iâ.

Makatukilu 15:4

O makalu a Falaó ni kilômbo kiê ua a texe mu menha; o ilolo iê, ia tungula, a boba mu Kalunga Kakusuka.

Jouele 2:20

Ió ua tokala ku suku ngi mu bhangesa kuia dikanga nʼa mi xisa; ngi mu takuila dikanga ku ixi ia kukuta ia kikangalakata; u di lulama ni musanza ua kalunga ku mutundila kumbi, ku dima diê kuene ku kala musanza ua kalunga ka mufuila kumbi; dizumba diê dia bolo diʼà kala muʼtukumuka, o kibuzu kiê kia kàla mu banda bhulu, kuma Jihova ua bhange ima ia makota!

Jihebeleu 11:29

Kiejila mu kuxikana, anʼ a Izalaiele kia zauka o Musanza Uakusuka kala bhoxi dia kukuta. O akua Ijitu kia fikisa ue kuzauka, a boba mu menha a kalunga.