Makatukilu 10:13 - O Mikanda Ikola

¹³ Mozé anga u zenga o mbangala iê ku thandu dia ixi ia Ijitu, Jihova anga u bheka kitembu kia mutundila-kumbi mʼoxiʼomo, ni kizuua kiosuʼokio ni usuku uê; o ki kuáki kitembu kia mubandela-kumbi kieza ni kihoho.

Makatukilu 10:13 ပူးပေါင်းရင်းမြစ်များ

Dimatekenu 41:6

Kithangana, u mona kua sabhuka dingi sambuadi dia mítue ia masa a tolo, a xoueta ni kitembu kia thunda, a kaiela akuâ mu kusabhuka.

Jisálamu 105:34

U zuela dingi, anga muiza kabôtua; ni kihoho ki ki ẋikina ku ki kuata konda.

Jisálamu 148:8

Túbhia ni matadi ma mvula, neve ni mbundu, kitembu kia kibhungu, iene ioso i kumbidila o kizuelu kiê.

Jisálamu 78:26

U katula o kitembu kia thunda ki bhuke mu muthandu; o nguzu iê ia balumuna o kitembue kia sulu.

Jisálamu 78:46

Anga u tuma kihoho kudia idima iâ ni kujikinisa o milenga iâ.

Makatukilu 14:21

Mozé anga u sunununa o lukuaku luê ku thandu dia kalunga; Jihova anga u vutula o menha a kalunga ni kitembu kia mutundila-kumbi kia bhuka usuku uosʼô, ki kia bhangesa kuila bhu kaẋi bhua kukuta, menha a di uanununa mbandu ni mbandu.

Jisabhu 30:27

Kihoho, ki kiene ni sobha, hanji-phe mu kutunda kuâ a di ta muene ku ibuka-ibuka.

Jona 1:4

Maji o Ngana u tuma kitembu kia dikota kubhuka mu kalunga, hé mu dibhanga kibhungu kionéne, naviiu anga inda i budika.

Jona 4:8

Anga ki bhita-phe kuila, kiatu muanha, Ngana Nzambi u tumikisa kitembu kionéne kia tema kia thunda, o misongo-songo ia muanha ua dikumbi anga i tula mu mútue ua Jona. Muene anga u ambuka ni kizuza kia muanha, hé uinda kúfua ni muẋima uê uoso, uixi: Kota ngafuʼami kiá, kukola muenhu kiki, kana.

Matesu 8:27

Mala enhá anga a diuana, exi: Muenhú muthu ua kídifua kiahi, ua bhingi kuila ni kitembu kiá ni menha ma kizanga ma mu belesela?