Makatukilu 1:7 - O Mikanda Ikola

⁷ Maji anʼa Izalaiele anga a kala mu di vuala muene, a sokoloka, mueza kifuẋi kia dikota; ixi ioso iezala, ene mu ene.

Makatukilu 1:7 ပူးပေါင်းရင်းမြစ်များ

Dimatekenu 1:20

Nzambi anga u zuela, uixi: Mu menha mu sokoloke ndumba ia iama ia muenhu, (i zouela momo), ni jinjila ji bhita bhulu mu dinga-ni-dinga.

Dimatekenu 1:28

Nzambi anga u a tula o kizediuise, uixi: Vualenu, mu sokoloke, mu izalese ixi ioso, mu i tolole; mu tumine ue jimbiji jendela mu menha, ni jinjila ji bhita bhulu, ni iama ioso ia muenhu iendela ku mavu.

Dimatekenu 12:2

eme-phe nga-nda ku ku sokolola, nʼukala u muiji ua dikota; ngi ku zediuisa, ngi jingisa o dijina dié; eie ua kala u dibesá.

Dimatekenu 13:16

Mbutu ié nga kà i sokolola mukuâ ni fufutila ia mavu, i bhinga se muthu u tena kualula o fufuta ia mavu, ni mbutu ié-eie ua kà i alula ue.

Dimatekenu 15:5

Anga u mu bheka bhu kanga, uixi: Tala-phe hanji ku diulu, u tange o jithéthembua, se u tena ku ji kuata konda; anga u mu ambela, uixi: Kiene kia kà kala o mbutu ié.

Dimatekenu 17:16

Mukonda eme nga-nda ku mu zediuisa, ngi mu bhana dibhesá; nga-nda ku ku bhela kua muene, mona u tunda momuʼé; ngi mu bhana dibesá, u kala kivuadi ki bhanga miji; jisobha muene ji tumina ifuẋi hinu ji tunda ku mukutu uê.

Dimatekenu 22:17

Nga-nda ku ku zediuisa kiavulu muene, ngi ku sokolola kinéne-nene, mbutu ié i vula kala jithéthembua ku diulu, mukuâ ni museke bhu mbandu ia kalunga; mbutu ié i tambula mielu ia jinguma jâ;

Dimatekenu 26:22

Anga u sondoloka dingi u kanda kixima kiamukuá; kiki kiá keza dingi ni jimvunda mu di kuatela-kiu; anga u ki luka Lehobote; kuma uambe, uixi: Kiki Jihova ua tu bhana kididi kia zanze, tua-nda kuzediua kiá mʼoxi mumu.

Dimatekenu 26:4

ngi sokolola mbutu ié kala jithéthembua ku diulu, mbutu ié ene nga a bhana jixi josoʼiji; ku mbutu ié kuene kua kà bhandulukila miiji ioso mu ngongo.

Dimatekenu 28:14

mbutu ié i sokoloka kala fufuta ia bhoxi, ia kà di zala ni ku luiji hi ku thunda, ni ku suku ni ku sulu; ko kué ni ku mbutu ié kuene kua kà bhandulukila miiji ioso mu ngongo.

Dimatekenu 35:11

Nzambi anga u mu ambela dingi, uixi: Eme ngi Nzambi, Muteni-a-Ioso; vuala, u sokoloke; u kala u kifuẋi, ni junda ia ifuẋi, ia kà tunda ku musala ué, makota a jinganga a kà tunda mu mukutu ué.

Dimatekenu 46:3

Nzambi anga u kuata ku mu zuelesa, uixi: Eme Nzambi, Nzambi ia tatʼenu; kana kukala ni uoma ua kukulumuka ku Ijito; kuma nga kà ku sokolola koko, u di bhanga u kifuẋi kia dikota.

Dimatekenu 47:27

Kienhiki Izalaiele anga u tunga mʼoxi ia Ijito, mʼoxi ia Ngozene; anga a kala-mu ni mbandu iâ, a kala mu ku di vualulula, hé a sokoloka kiavulu.

Dimatekenu 48:16

ni Anjo ió ua ngi kala dilemba mu ku ngi bhangela mu mavuua moso, a bhane kuzediua ku tumbongʼutu; dijina diami a di luke jinge kua ene, ni dia jitata jetu Mbalahamu ni Izake; a di vuale a di vualulule, a di bhange kifuẋi mu ngongo.

Dimatekenu 48:4

uixi: Iala-ze, nga-nda ku ku bhangesa kudivuala ni kudivualulula, ngi ku bhanga u kala u ndumba dia ifuẋi, ixi iii ngi i bhana anʼê a ku bhingana, i kala undundu uâ, thembu ioso sé dizubhilu.

Dimatekenu 9:1

Nzambi anga u ta kizediuise kua Noué ni anʼê a mala, anga u a ambela, uixi: Di vualienu mu sokoloke, mu izalese o ngongo.

Nehemiia 9:23

Anga u sokolola anʼâ mukuâ ni jithéthembua ja diulu, anga u a bhiẋidisa mu ixi i ua tangelele o jitata jâ ku i bokona, nda a i tambula ni a ivue.

Jisálamu 105:24

Muene anga u sokolola kiavulu o muiji uê, hé u a bhana kukala ni nguzu, o jinguma jâ ndenge.

Jisálamu 107:38

Ku dibesá diê, a di sokolola muene kiavulu; o ibhaku iâ, ki i tebhunuka, lémbue!

Makatukilu 1:12

Maji kioso-phe kiala kuenda ni ku a talesa hadi, ene ia aia ni kusokoloka dingi ni ku di uanena dingi mu ixi. Ene anga aia ni kukala ni hele ia anʼa Izalaiele.

Makatukilu 12:37

Anʼa Izalaiele anga a katuka bhu Lameseji, a ta kibangu bhu Sukote; o ku a alula a tena hama jisamanu ja jimidi; mala ngó akua kuenda bhoxi, o anʼa ndenge ka a te-mu.

Makatukilu 5:5

Falaó anga u zuela dingi uixi: Mua mono, mundu mʼoxi ioso a vulu kiá, enu-phe muala ku a zumbula ku ikalakalu iâ. Falaó u beta dingi kutatesa anʼa Izalaiele.

Izekiiele 16:7

Eme nga ku bhangesa ku di vualulula kala luthangu lua ubhe ku muxitu, eie ua kulu, ua jingi, kuuabha kué kua tomboka dingi kiavulu; mele a nanuka a suku, o jindemba ku mútue ja kulu; maji ua kexidiʼé ngó tuẋi-a-thakala, ka ku zuika.

Jipoxolo 13:17

O Nzambi ia mundu iú ua Izalaiele ua sola jitata jetu, iú ua sokolola mundu uâ kia kexile hanji mu inhunginu iâ, mʼ oxi ia Ijitu, anga u a katula momo ni lukuaku luasuina.

Matendelelu 10:22

Jitata jenu kia kulumukine mu Ijito akexi ngó makuinhi sambuadi a muthu; o kiki-phe Jihova Nzambi ienu ua mi sokolola, kala mu jithéthembua ja diulu, mu kuvula.

Matendelelu 26:5

eie-phe anga u di hambelela kua Jihova Nzambi ié, uixi: Ku tanga o kidi, tatʼetu kia kexe mu Sídia, uakexe sébhue ngó, iú ua kulumukine mu Ijito, anga u kuata kubunganena muenhomo ni kafamília kófele ngó, kala nzuángiza ia hatu; o kuenhoko kuene kiá kua sokolokela, iú ua di bhange kifuẋi kiònene ni mu kusuína, ni mu kuvula.