Makatukilu 1:17 - O Mikanda Ikola

¹⁷ O avuadixi-phe ala ni uoma ua Nzambi, kia a tumu muenexiʼa Ijitu ka ki bhange, maji anʼa mala a a bhaka ni muenhu.

Makatukilu 1:17 ပူးပေါင်းရင်းမြစ်များ

Dimatekenu 20:11

Mbalahamu uixi: Mukonda nga fika ngixi bhu kididi kiki o uoma ua Nzambi kala na-u; ngixi-phe a-nda ku ngi jibha mukonda dia mukajiʼami.

Dimatekenu 42:18

Zuze anga u a tangela, kizuua kia katatu, uixi: Bhangenu kienhiki, phala mu laie; kuma ngi mukua uoma ua Nzambi.

II Samuuele 24:4

Sumbala ua zuela kiki, maji kizuelu kia muenexi kiasuína, katé Jouabe ni jikabhitangu ja kifuxi etaia ku ki bhanga. Jouabe ni jikabhitangu ja kifuxi anga a tunda bhu pholo ia muenexi, mu kuia kukuata konda ia mundú ua Izalaiele.

Nehemiia 5:15

Nguvulu ja dianga-phe, ja ngi diangelele eme, a kexi mu tatesa kifuxi, ni ku a tambula kúdia ni vinhu, anga ku thandu diê, a ta-ku ku futa makuinhiʼauana a xikulu ia itadi ia phalata; o minzangala iâ hanji ue a kuata kubhikisa o kifuxi; maji eme-phe ki kiene ki nga bhange, mukonda dia kuxila Nzambi.

Estere 3:3

Bhenhobho-phe akua mbèle ia muenexi, ene kukala bhu muelu uê, a mu ambela, exi: Eie Moledekai, phalaʼhi ua xibhaka kitumu kia muenexi?

Jisálamu 31:19

Jimbote jé kuvula kuahi, Ngana! Ji ua lundila oso a ku kala ni uoma; ji u bhanga jinga athu oso a lengela ko kué, bhu pholo muene ia anʼaathu mu ngongo!

Makatukilu 1:18

Muenexiʼa Ijitu anga uixana avuadixi, uixi: Phalahi mua-lu bhanga kienhiki, anʼa mala muala ku a bhaka ni muenhu?

Makatukilu 1:21

Mu kukala-phe mukonda dia avuadixi kukala ni uoma ua Nzambi, muene ua a bhange mabhata.

Jisabhu 16:6

Bhuala o henda anga bhu kala ue o kidi, kituxi ki jima; maji athu kuebha o ituxi, ki kale ngó ku uoma ua Jihova.

Jisabhu 8:13

Uoma ua Jihova, o kueha kia ibha; nga di zemba ni ukumbu, ni izala, ni uendelu uaiibha, ni dikanu dizuela isunji.

Ndongixi 12:13

Ku ioso i uene mu kuívua, zubhilu diê dienhidi: Xila Nzambi, u aluke o ijila iê, mukonda kiene kia fuama athu oso ku ki bhanga.

Ndongixi 8:12

O mukua ituxi némbe o kuiibha u ku bhanga mu luhama, anga o izuua iê i vula muene, hanji kima kimoxi ki ngejiia mu kidi, kuila ió oso a xila Nzambi ene a zediua, oso muene kiá a kala ni uoma bhu pholo iê.

Daniiele 6:13

Ene-phe a kumbulula, ambela sobha, exi: O Daniiele-phe ua tokala ku kikuka kia tundile ku Juda, ka ku suu sobha, tata, ni ngonge i ua di-soneka eie, muene nguê na-iu, u mu sanga u samba lutatu ku kizuua.

Hozeia 5:11

Ifalaíme a mu xina katé kia mu bueta mu kufundisa; mukonda kima kia vondadi iê muene, kia kaiela, o kubheza mahamba.

Mikeia 6:16

Kuma kia mi beta kota o ku dituma ni itumu ia Omedi, ni kubhanga o ima kala ia bhanga jinga akua bhata dia Akabe, enu muala mu kuendela mu jingonge jala ku mi longa ene, phala eme ni ngi ku jime o mbutu, o ió a tungu mu diembu dié, ni ua a tumbula dingi ka moneka; endelela muene kala muphióphio; o kusekala kua mundu uami anga mu ku bheka ku thandu dienu.

Matesu 10:28

Ki mu kale ni uôma ua iá a jibha ngó o mukutu, maji o muenhu ka u tena ku u tambula. Inda Nzambi mu kuatedienu uôma, kuma ió uasoko-bho kubuikisa ni muenhu ni mukutu mu ifernu.

Luka 12:5

Eme ngi mi londekesa-phe uoso mu mu kuatela uôma: Mu kala ni uôma ua Nzambi, ió kia zubha kujibha o mukutu, u tena ue ku mi takula mu ʼalunga ka túbhia. Xi, nga mi ambela muene: Kalenu ni uôma ua Nzambi! Muenió mu ẋidienu.

Jipoxolo 5:29

Phetele-phe ni Jipoxolo a vutula exi: Tua bhingi tu tumaka Nzambi, kana athu.

I Samuuele 22:17

Muenexi anga u ambela Makuenze a mu imanena, uixi: Endelenu-ku, mu jibhe jinganga joso ja Jihova; mukonda a te kikutu kumoxi ni Davidi, a mu ijiia kuma ua lenge, maji ka ngi jimbuila-kiu. Maji akua mbèle ia muenexi-phe ka ẋikina kuzangula lukuaku luâ mu kubalukila jinganga ja Jihova.