Lute 2:20 - O Mikanda Ikola

²⁰ Nouemi bhenhobho anga u ambela mukaji a monʼê, uixi: A tane-ku muenhó uoso ua ku tambulula! A kale ni dibesá dia Jihova! Manhi o henda ia Jivova ii-ié hanji, kiluua i batuka kua iá ala ku muenhu ni ku ma difunduʼetu afu kiá! Nouemi anga u zuela dingi, uixi: Diialʼodio ndandu ietu, ndandu ia zukama muene! Muene ue muthu ku malembʼetu a fuama o ku tu kula ni kubhanga ndundula.

Lute 2:20 ပူးပေါင်းရင်းမြစ်များ

II Samuuele 2:5

Davidi anga u katula jiphunga, ua tuma ku akua Jabezi-Ngiliiade, uixi: Jihova a mi benzele, kuma muedikiza ujitu kua muadiʼenu Saúlo, mua mu fûndu!

II Samuuele 9:1

Davidi anga u ibhula, uixi: Hanji kua xala muthu ku dibhata dia Saúlo, phala ni ngi mu idikiza henda mukonda dia Jonata?

Jobe 19:25

Mbata eme nga kʼijiia kuma Mukudi uami iú-ué ni muenhu, kuila ue ku dizubhilu, Muene ua kà zangalala mu ngongo!

Jisabhu 17:17

Dikamba u zola mu thembu joso; o ndandu u di monekena mu jiphaxi.

Ijila 25:25

Se phangʼié uadiama ua mu bokona, anga ku ixi iê ubatula-ku dikaẋi, uixi, mukuetu, sumba-ze, kienhokio-phe bhu kale uoso mukua ku i kuia, uoso ndandu iê, a kule oxi ia sumbisa phangʼiê.

Filipe 4:10

Kusanguluka kuahi ku ngala naku mu muenhu uami mua Ngana! Mukonda hanji ki mua di xibhile, lelu mua buingita dingi kiengi ni ku ngi xinganeka. Kuma ki mu kambele muẋima, maji mua kambele kithangana kia kulondekesa o muanu u mua ngi kala na-u.

Lute 2:21

Lute dia mukua Mouabhe anga uzuela dingi, uixi: Kidi muene, ua ngʼambela dingi, uixi: U nhenganana jinga o nzangi ia jingunza jami, katé bhuoso bhua kà zubhila kumuna o mábhia mami oso.

Lute 3:12

Kidi muene eme ngi ndandu iazukama, ki ngi di tunu-kiu; maji hanji sai-phe mukuetu ua beta kuzukama eme ndenge.

Lute 4:14

Ahatu anga ambela Nouemi, exi: Jihova a tane-ku! lelu ua ku bhana ndandu iazukama u tena kukala dilemba ni ku ku kula, mbé difundo o dijina diê di kale jinge mua Izalaiele.

Lute 4:4

Ngixi-phe ngi ku kunda-kiu, imoxi u a sumba bhu pholo ia adiakimi akua bhata iá a xikama bhabha, ni bhu pholo ia mundu uoso. Ki uila-phe u a kula, kula-u-phe kiá; o ki uila kana, zuela-kiu, phala ngi kʼijiie; kuma kana-ku dingi ua tokala o ku a kula, kala eie ngó, ni eme nga kaiela ku kunda dié.

Lute 4:6

Ndandu iazukama anga u zuela, uixi: Bhobho nga lémbua-phe kiá ku a kula; kuma se ngi ki bhanga, nga-nda kuselula o undundu uami eme-muène; kula kiá eie, undandu uami uazukama ua ngi fuamene kubhanga u bhite ko kué, kuma eme nga lémbua-ku kiá.