Lute 2:14 - O Mikanda Ikola

¹⁴ O mu kithangana kia zumbuka kukalakala phala aie mu kúdia, Bouaji u mu ambela, uixi: Bhixila kunu udie ku mbolo, u mame mbolo ié mu vindangele. Muene anga u xikama kumoxi ni jingunza, hé a mu tambuisa o jimbundu jʼokange, u dia, hé uikuta, hanji kua subhuka.

Lute 2:14 ပူးပေါင်းရင်းမြစ်များ

II Samuuele 17:28

eza ni jiháma ni malonga a menhʼa pholo, ni jímbia, ja mavu, ni tiliku ni sevada, ni fadinha, ni masa òkange, ni fava, ni fejá, ni jimbundu jamukua jòkange,

Jisálamu 23:5

Eie u ngi bhangela meza ku pholo, bhu mesu muene a jinguma jami; u ngi uaia o mútue ni maji; nganza iami iezala, ia ẋamuka.

Izaía 32:8

Maji muthu a mu edi mujitu, u kana ujitu uene; mukonda dia ujitu uê, uimana kididi, utunga, usoma.

Izaía 58:7

Abha ku uane ue o mbolo ié ni uoso uala ni nzala? o jingadiama ja bhondalala, ja takuka ku makanga, u ji ongeka mʼonzo? o ki u mona mukua tuẋi anga u mu zuika, phala xitu ié, ku i suekele o pholo?

Matesu 14:20

Ene oso anga a dia, ekuta. Ku ibhasu ia subhujuka, maxibulu anga a nona-ku kuinhi dia ngalu ni jiiadi jezala.

Matendelelu 11:15

Ibhaku ienu ngi i bhana ue o iangu ia sabhelela mu mukáu; eie-phe udia anga uikuta.

Matendelelu 8:10

Kioso ki mua kà dia hé mua kèkuta, mua kà ximana Jihova Nzambi ienu, mukonda dia ixi iambote ia mi bhana.

Lute 2:13

Lute anga u mu ambela, uixi: Ngi bonge kisangu-sangu ku mesu mé, ngana iami, mukonda ua ngi bhuisa hele, ngi kahatu ké; kuma ua ngi zuelesa ni henda, sumbala o ilumba ié iamukuá eme ki ngi di fika-nâ.

Lute 2:15

O kia balumuka mu kunona dingi, Bouaji u ambela minzangala iê, uixi: Muehienu a none ni muʼaxaxi ka ita iókute kiá, enu-phe ki mu mu bazele se muene kiene kiandala.

Lute 2:18

Anga u i zangula, uia ku bhata; ukouʼê anga u mona sevada ia tundu mu kunona kuê; ni ku jimbundu jʼókange ja subhuka bhuadi muene, Lute ua mu bhekela-ku ue.

I Samuuele 17:17

Kizuua kimoxi Jese anga u ambela monʼê Davidi, uixi: Ndoko, tambula efa ia masa mókange, ni kuinhi dia mbolo didi, uie lusolo u bhekele makotʼé bhu kibangu.

I Samuuele 25:18

Abingaile anga u bhanga lusolo, u kuata hâma jiiadi ja jimbolo, isudi iiadi ia vinhu, mbudi jitanu jótale kiá ia a ji kange, inda itanu ia masa ókange, hâma ia isaka ia jiuva, hâma jiiadi ja mitadi ia jifiku, anga u i longa ku jibûlu.