Lute 2:13 - O Mikanda Ikola

¹³ Lute anga u mu ambela, uixi: Ngi bonge kisangu-sangu ku mesu mé, ngana iami, mukonda ua ngi bhuisa hele, ngi kahatu ké; kuma ua ngi zuelesa ni henda, sumbala o ilumba ié iamukuá eme ki ngi di fika-nâ.

Lute 2:13 ပူးပေါင်းရင်းမြစ်များ

Dimatekenu 32:6

Jiphunga mu kuvutuka a sanga Jakobo, exi: Tua bhiẋila kua kota dié Izaú, muene-phe iú uiza ku ku batuila, ni hama jiuana ja makuenze jala kuiza na-ju.

Dimatekenu 33:10

Jakobo-phe uixi: Lémbua, ki kiene, nga ku diondo, se nga bongo kiadi bhu mesu mé, ki ngalʼiki, tambula ujitu iú ku lukuaku luami; kuma nga mono pholo ié, mukuâ ni muthu kia mona o pholo ia Nzambi, eie ua ngi tambulula kiambote.

Dimatekenu 33:15

Izaú, uixi: Ngi ku xile-phe makuenze ku iá ngende-nâ. Muene-phe uixi: Phalahi ngó? Ki nga bhindamena muthu; kabasa nga sange kiá ngalasa ku mesu a ngana iami.

Dimatekenu 33:8

Izaú-phe, uixi: Ua bhange kiebhi o kilômbo kioso ki nga takana na-kiu mu njila, lomboluelu diê diahi? Jakobo-phe, uixi: Phala ngi bonge kiadi bhu mesuʼé, ngana iami.

Dimatekenu 34:3

Muxima uê anga u naminina kua Dinah, monʼa Jakobo ua muhatu, u zola kilumba kienhiki, o kia mu mono ua luuala, u mu zuelesa ni henda.

Dimatekenu 43:14

o Nzambi, Muteni-a-Ioso, a mi bhane kiadi bhu pholo ia diialʼódio, phala a mi ehele kuiza ni phangʼienu iamukuâ, ni Bejamí. Eme kiá se kua ngi bhingi anʼami oso a ngi bua-nâ, kuabhu, ngi bhanga dingi kiebhi.

II Samuuele 16:4

Muenexi anga u ambela Ziba, uixi: Talesa, iene ioso ia tokala kua Mefibozete, i kale kiá ié. Ziba uixi: Kùku, nga mbolomoka; ngi sange ngó ngalasa ku pholo ié, eie sobha, ngana iami!

Jisabhu 15:33

Uoma ua Jihova kiene o kikômbo ki bheka o unjimu; uinda o kijingo u dianga kubatama.

Hozeia 2:16

Anga kia kà bhita mu kizuua kiókio, kiambe Ngana, eie ua kà ngʼila kiá: “Muadi uami”, kua kà ngiʼxana dingi: “Baale diami”.

Filipe 2:3

Ki mu bhange kima ni masunga a kusota ngó mbote ienu, mba izala ia ku mi ximana. Maji ni kubatama, kala muthu a kite mukuâ kota diê; Kana ku di fika kuila mua beta kuiuka o akuenu ndenge.

Afundixi 19:3

Muadi uê anga u balumuka, u mu kaiela, mbé kuzuela-nê kiambote, ni ku mu bheka dingi mʼonzo; u enda ni kaiala kê, ni bulu jê jiiadi. Anga u sanga muhatu, o muhatu muene u mu bheka mʼonzo ia tatʼâ; o uavu monʼê ua muhatu kia mu mono, u mu tambula kiambote.

Lute 2:12

Jihova a ku futé-kiu kioso ki ua bhange; o kisakidilu kié ki kale kia dikota ki ku bha Jihova, Nzambi ia Izalaiele, ua bhingi moxi a mabhabha-mê muene mu ueza kusota kididi kia kukala.

Lute 2:14

O mu kithangana kia zumbuka kukalakala phala aie mu kúdia, Bouaji u mu ambela, uixi: Bhixila kunu udie ku mbolo, u mame mbolo ié mu vindangele. Muene anga u xikama kumoxi ni jingunza, hé a mu tambuisa o jimbundu jʼokange, u dia, hé uikuta, hanji kua subhuka.

I Samuuele 1:18

Hana anga u mu vutuila, uixi: Ngi sange kiadi ku mesu mé, eme ngi mubhikʼé ua muhatu. Muhatu anga u ila njila iê, u kala mu kudia kiá; pholo iê ki ia di suuata dingi ni malamba.

I Samuuele 25:41

Muene anga u balumuka, u bhetama pholo iê bhoxi, uixi: Emʼiú, ngi kahatu kê, ngi kale ngi mubhika ua kusukula inama ia akua mbèle ia muadiʼami.