Lute 2:11 - O Mikanda Ikola

¹¹ Bouaji anga u mu ambela, uixi: A ngi kundu-kiu kiambote kioso ki ua bhange ukouʼé tunde kia fu muadi ué; ni kioso ki ua xi tatʼenu ni mamʼenu, ni ixi ia ku vualela, eie ueza kutunga ni mundu uengi kua ejidile luua.

Lute 2:11 ပူးပေါင်းရင်းမြစ်များ

II Samuuele 21:11

Anga a ki tangela Davidi kioso kia bhange Dízipa monʼa Aiia ua muhatu, mukama ua Saúlo.

Jisálamu 45:10

Tala kunu, monʼa kilumba, ivua-ze ngi ku fuetele, bhana mátui nda u xinganeke; jimba-ku kiá lelu ku jindandu jé, ku bhata dia tatʼenu ku te-ku dingi muẋima.

Luka 14:33

Kiene ue, uoso mudienu u kamba ku di tuna ima ioso iala na-iu, ka tena kukala xibulu iami.

Luka 5:11

Ene kia zubha kubhixidisa o jibote ku kibumu, iene ioso a ixa, a kaiela Jezú.

Luka 5:23

Kiauabha-bhu o ku ki bhanga, kiebhi? O kuila: Ituxi ié iòloloke, inga o kuila: Eie balumuka, u ende?

Lute 1:11

Nouemi-phe uixi: Ndokuenu! Vutukenu tata, anʼami! Mu ki bhangela-hi o kuia kumoxi ni eme? Mua fika kifua ngala dingi ni anʼa mala mu divumu diami, kuila hinu mu sakana-nâ?

Lute 2:10

Lute anga u di ṗhudikila bhoxi u bhetama pholo katé mu mavu, anga u mu ambela, uixi: Kia bhiti kiebhi, ngana, nga bongo kiadi ku mesu mé, phala ku ngi suua kiki, eme ngi mukua ʼxi iengi?

Lute 2:12

Jihova a ku futé-kiu kioso ki ua bhange; o kisakidilu kié ki kale kia dikota ki ku bha Jihova, Nzambi ia Izalaiele, ua bhingi moxi a mabhabha-mê muene mu ueza kusota kididi kia kukala.

Lute 3:10

Kuala Bouaji: Jihova a ku bhane dibesá, monʼami! Mukonda o mbote iii i ua sukidila kubhanga iala kota, o i ua diangele kubhanga iala ndenge; kuma eie kua kaiela mala a minzangala, a kale jingadiama, mba a kale akua itadi, ki ene u ua suu.

Lute 4:15

A kale mona u ku bhana muenhu uobhe, u ku bhana dingi nguzu mu kukuka kué; kuma mukajiʼa monʼé ua ku zola, muene ua mu vuala; o mukajiʼa monʼé umoxi muenhú sambuadi dia ana a mala ala ndenge.