Luka 9:61 - O Mikanda Ikola

⁶¹ Mukua ue uixi: Eme Ngana, ngi ku kaiela; maji ngi dianga hanji kuia mù xalesa (lekela) oso ala ku bhata diami.

Luka 9:61 ပူးပေါင်းရင်းမြစ်များ

I Jisobha 19:20

Bhenhobho muene u xa jingombe, anga u kaiela Elija ni lusolo, uixi: Ngʼehele nga kà bhane beju kua tatʼetu ni mamʼetu, ni ngi ku kaiele kiua. Kuala muene: Ndé, phala u vutuke kiua, mbata eie uejiia kiá kioso ki nga ku bhange.

Ndongixi 9:10

Kioso kia kuiza bhu maku phala ku ki bhanga, bhanga-kiu muene katé bhuoso bhua suku o nguzu ié, mukonda o mu mbila mu ua-nda kuia, kana-mu dingi kikalakalu, mba ufunu, mba uhete, mba kuijiia kuoso-kuoso.

Luka 14:26

Se muthu uiza kókuami, anga u kamba ku beta ku ngi zola eme, o tatʼâ ni mamʼâ, ni mukajiʼê, ni anʼê, ni jiphange jê ja mala ni ja ahatu ni a kale ndenge, katé ni muenhu uê-muène, ka tena kukala xibulu iami.

II Kolindo 2:13

Maji o kutululuka kua muẋima ki nga ku mono, mukonda Phangʼietu Tito nga kambele ku mu sanga-bhu. Kiene kia ngi bhekelele ku a lekela, anga ngʼa xia bhenhobho, hé ngi zauka ku Masedonia.

Matendelelu 33:9

Muene o muthu kejiia tatâ mba mamâ; utanga uixi, kiluua ngʼa mona; kejiia jiphange, né mbé utongolola ana; ene-phe o maka mé a ma lundu, o kikutu kié a ki aiuka.