Luka 9:55 - O Mikanda Ikola

⁵⁵ Muène-phe u sakuka, hé u a bazela, uixi: Ki mua uijiia o muẋima uoso u muala na-u. Mbata Monʼa Muthu keza mù buidisa mienhu ia athu, maji ueza mu ku i bhulula.

Luka 9:55 ပူးပေါင်းရင်းမြစ်များ

II Samuuele 19:22

Maji Davidi-phe, uixi: Etu tualʼadi ni kima kiahi, enu mu anʼa Zeluia tata! phala kizuua kia lelu mu ngi kale mu akua jimvunda ja ku ngi funhisa? Manhi kizuua kia lelu ki tokala a ki jibha muthu uoso-uoso mua Izalaiele? Eme manhi nga kambe ku kʼijiia kuma kizuua kia lelu nga tambula dingi ungana ua Izalaiele?

Jobe 2:10

Maji muene u mu vutuila, uixi: Kala ki zuela dilaji dioso-dioso, kiene ki ua mu zuela eie; mbé tu tambula ngó jimbote kua Nzambi o ia ibha kana? Mu ima ioso ienhiʼii Jobe ka tela-mu kituxi ni mizumbu iê.

Jobe 26:4

O kiene ngó ki ua mu zuela ienʼiii, nanhi ua ku kuatekesa? O muenhu u uala na-u moxi dié, ua mu zuela, ua nanhi?

Jobe 42:6

Kienʼiki kia ngi bhekesa ku di kuma eme-muène; nga diela muene, nga dimbuluka mu fufuta ni uthôkua.

Jisabhu 9:8

Kana kubazela semenhi, phala muene ka ku zembe; se uambe kubazela, bazela-phe o njimu, muene ua-nda ku ku zola.

Jelemiia 17:9

O muẋima ua muthu u bhomba kinéne, ima ioso ndenge, ua bhukumuka kiavulu: mukuahi u tena ku uijiia?

Matesu 16:23

Bhenhobho Jezú-phe u sakuka, u ambela Phetele, uixi: Bhita ku dima diami Satana! Eie ua di bhange u ditadi dia kidibhukanu, ua-lu sota ku ngi bhalesa mu njila iami! Kuma o ima ia Nzambi ki iene i ua bhake muẋima, ni ku i xinganeka, maji o ima ia athu!

Matesu 26:33

Phetele anga u kumbulula, uixi: Né-mbé ene oso a juuala mukonda dié, hé a ku-xa, eme ki ngi ku xisa, lémbua!

Matesu 26:41

Langidilenu, mu sambe, phala ki mu di bhale mu mubhetu ua Nguma. Nzumbi ia xikina kidi o kùlua ni jitendasá, maji o xitu-phe ia bhuila.

Matesu 26:51

Muthu umoxi-phe, kua iá ala ni Jezú, u zangula lúkuaku, u fomona xibhata iê, hé u i vunda ku mubhika ua nganga ia dikota, anga u mu batula dítui.

Luka 9:54

O jixibulu jê, Tiiaku ni Nzuá-phe, kia ki mono, exi: Ngana eie uandala tu tuma túbhia tu láuka ku diulu mu ku a buidisa?

Luka 9:56

Anga aia ku sanzala iengi.

Nzuá 16:9

Ene a juuala mù kuijiia ki kala o ituxi, mukonda a kambe ku ngi xikana eme.

Tiiaku 3:10

Mu kanu dimoxi mu tunda maka a ujitu, mu tunda o ndaka. Phange jami, tata! Imʼiii ki kiene ki ia tokala kukala!

I Phetele 3:9

Kana kuvutula phulu mu phulu, kana kuvutula ndaka mu ndaka. Bhu kididi kia ndaka ki kale-phe mu vutula dibesá, kuma Nzambi kiene kia mʼixanena, ni mu lundule dibesá.

Dijingunuinu 3:19

Oso u nga zola, ngʼa bazela, ngʼa beta. Phaphumuka-phe, u diele o ituxi ié.