Luka 9:51 - O Mikanda Ikola

⁵¹ Anga ki bhita kuila, kizuua ki kia zukama, kia Jezú ku mu katula mu ngongo, ni kubanda kiá ku diulu, Jezú u dia nguidi ia kuia ku Jeluzaleme.

Luka 9:51 ပူးပေါင်းရင်းမြစ်များ

II Jisobha 2:11

Anga ki bhita-phe kuila, kioso ene kia muia ni kuenda ni kuzuela, a tukumuka dikalu dia túbhia ni jikabalu ja túbhia, dia a muangununa muthu ni muthu kua mukuá, o Elija anga u banda ku diulu, a mu zangumuina nu kitaphephe.

Marku 16:19

Kiki Ngana Jezú kia zubha kuzuela-nâ, a mu tambula ku diulu, iú ua xikama ku madilu ma Nzambi.

Luka 12:50

Sai-phe batizu ia bhingi ku ngi batizala na-iu; muẋima ua ngi suku, katé ki ngi ki kumbidila.

Luka 13:22

Jezú anga u bhita mu jimbanza ni ku mabhata mu kulonga, mu njila ia kuia ku Jeluzaleme.

Luka 17:11

Mu njila ia kuia ku Jeluzaleme, Jezú u bhita mu ʼaxaxi ka Samádia ni Ngalileia.

Luka 18:31

Jezú anga u bhongoluela o kuinhi dia xibulu ni kiiadi bhu mbandu iê, ua ambela, uixi: Mua mono, tuala kuia mu Jeluzaleme, ima ioso-phe iòsoneke mu jipolofeta, ia tokala Monʼ a Muthu, ianda ku mu bhita koko.

Luka 19:11

Ene kia kala mù kuívua im, iii, Jezú muene, u ta-ku o ku a tela kifika, mukonda muène ua zukama kiá mu Jeluzaleme, mukonda ue ene a fika kuma o Utuminu ua Nzambi, ua-nda kutukuluka kiá.

Luka 19:28

Kia zubha kuzuela kiki, Jezú u tuamenena dingi mu kuia ku Jeluzaleme.

Luka 24:51

Kiene-phe ki ala mu ku a benzelʼ iki, u songoloka bhu mbandu iâ, anga a mu zangula katé ku diulu.

Luka 9:57

O Jezú ni maxibulu mê ki aia ni kuenda mu njila, bhu kala muthu umoxi u mu ambela, uixi: Eme Ngana, ngi ku kaiela kuoso-kuoso ku uia.

Nzuá 13:1

Kuila kua kambe ngó kizuua kimoxi, kiosuiki o Fesa ia Phasu kiluua i bokona, Jezú kuma uejiia kuila o kumbi diê dia bhixila, dia kutunda mu ngongʼ umu nʼ aie kua Tata, kala kia zola makamba mê mu ngongo, ua a zolo muene katé ku dizubhilu.

Nzuá 16:28

Nga tundile kua Tata, eme ngeza mu ngongo. O kiki-phe ngi xa mu ngongo, hé ngiia kua Tata.

Nzuá 16:5

Maji o kiki-phe nga muia kua Ió ua ngi tumu. Kaxi kana muthu-phe mudienu ua ngʼ ibhudisa, eie Ngana, ua-luia kuebhi?

Nzuá 17:11

Eme ki ngala dingi mu ngongo, iá-phe ala hanji mu ngongo. Eme kindala ngiza ko kuê. Tata Ukôla! A bhake mu dijina dié, oso ua ngi bhana-nâ phala ene a kale umoxi, kala etu ki tuala mu umoxi, nʼeie, nʼeme.

Nzuá 6:62

Ki kala-phe kiebhi hádia, se mu tala Monʼ a Muthu iú banda kunhá, kua kexile mʼ okulu?

Jipoxolo 1:2

katé bhu kizuua kia mu tambula bhulu. Muène, kuila kiluua a banda ku diulu, mu kutena kua Nzumbi Ikôla, ua tuamena kubhana ijila ku athu ió a solele muène, phala kukala Jipoxolo jê.

Jipoxolo 1:9

O kia zubhile kuzuela imʼ iíi, kioso kia kexile hanji ene ni ku mu tala, Jezú ua zangumuka bhulu, anga bhu kala dituta dia tambula-nê ku mesu, a lémbua ku mu mona dingi.

Efezo 1:20

O kutena kuku kuene kumoxi ni kuedikisa Nzambi ni undanda uoso, mu kizuua kia fukununa Kristu, iú ua mu zangeleka ku madilu mê ku mundu ua diulu.

Filipe 3:14

Eme nga suina ni kulengela kubhiẋila bhu mbambe bhua kà bhana o dilau dia tu ixanena ku diulu kuala Nzambi, mua Kristu Jezú, phala o muenhu ki uabhua.

I Timote 3:16

Kia kidi kiene, kana muthu u tena kudituna-kiu kuila o kijingano kia ubhezelu uetu mua Nzambi kia dikota muene: Muène ua tukulukila mu kidifuanganu kia athu, o Nzumbi ia Nzambi ua mu tange kuila ualungu, o muène a mu mono kuala o ji-anju. A mu kola muʼaxaxe ka akua jixi, o mundu mu ngongo ua mu xikana, ia a mu tambula ku diulu ku ungana.

Jihebeleu 12:2

Tu jizienu ni kusuua ngó Jezú, kuma muène o musonguedi ua kuxikana kuetu, tundé bhu dimatekenu katé bhu dizubhilu. Kala muène mu kusuua o ngalasa ia mu idikiza, ua kolokota ni dikulusu, ua tende o sonhi, o kiki ua xikama ku madilu bhu kiandu kia Nzambi.

Jihebeleu 6:20

Kuenioko kuene kua tu tuamenena kubokona musonguedi uetu, Ngana Jezú. Muene iú ua di bhange Nganga ia Dikota i xalela-ku, mu kihindu kia ungana ua Melekizedeke.

I Phetele 3:22

ió uaii ku diulu, iú uala ku madilu ma Nzambi. O kuenhoko ni ji-anju, ni makota ma ji-anju, ni mazonda ma mu belesela muène.