Luka 9:50 - O Mikanda Ikola

⁵⁰ Jezú-phe anga u tangela Nzuá ni maxibulu amukuá, uixi: Kana ku mu kidika. Mukonda uoso ua kambe ku mi fudisa, ua mi kuatekesa.

Luka 9:50 ပူးပေါင်းရင်းမြစ်များ

Matesu 12:30

Uoso ka ngi bande, ua ngi zembe; o uoso ka bhongolola ni eme, u muanga.

Matesu 17:24

Kia bhiẋila Jezú ni maxibulu mê mu Kafanau, akua kutambula kitadi kia lubhaku lua tembulu eza kua Phetele, exi: O Mesene ienu kitadi kia tembulu ka mu ki bhana?

Matesu 17:26

Phetele kia vutula, uixi: Ku athu engi, Jezú uixi: Hé kiene, ana ka tokala dingi kubhana.

Marku 9:38

Nzuá anga u mu ambela, uixi: Mesene, etu tua sangele muthu uala mu tundisa madimonho mu dijina die, etu anga tu mu kidika, mukonda ka tokala mu dianda dietu.

Marku 9:41

Kuma uoso u mi bhana kunua kopho ia menha mukonda mua tokala Kristu, ngi mi ambela kidi, muenho ka kamba kisakidilu kiê.

Luka 11:23

Uoso ka di te kumoxi ni Eme, ua di te ku unguma; uoso ka ngi bhongoluesa, mukua kumuanga.

Luka 16:13

Kana-ku ngàmba u tena ku kalakela ngana jiiadi. Kuma u zemba ngana imoxi, hé u zola ia mukuá; mba u di tuma ni ngana imoxi, hé u tènda iamukuá. Enu uenu ki mu tena kubhikila kumoxi ni Nzambi ni Mamunu.

I Kolindo 12:3

Uila kiki, nga mi lomboluela kiambote kuma, kana muthu, kia zuela ni Nzumbi ia Nzambi, u kiamba kuma: Jezú muthu a mu bhubhidila! Kana muthu ue u ki amba kuma: Jezú muene Ngana, se u kamba kukala ni Nzumbi Ikôla.

Josuué 9:14

Athu-phe kia tale ku huta iâ, a a xikana, kʼebhula dingi kaiula kua Jihova.