Luka 9:41 - O Mikanda Ikola

⁴¹ Jezú ua vutula, uixi: Muiji iú tata, uaiibha, ua vulu o jiphata! Ngi suka bhebhi ni kukala kumoxi ni enu? Ngi mi xididikila katé bhebhi? Monʼé izá-nê bhabha.

Luka 9:41 ပူးပေါင်းရင်းမြစ်များ

II Jisobha 5:8

Anga ki bhita-phe kuila, o Ilizeu, muthu ua Nzambi, kioso kievu kuila o sobha ia Izalaiele ua tandula o izuatu iê, u tuma ku ambela sobha, uixi: Eie ua tanduilʼahi o izuatu iê? Muʼambule, eze kokuʼami, phala a kʼijiie kuila saimu plofeta mu Izalaiele.

Jisálamu 78:8

Ka soke dingi ni jitata jâ, muiji ua thathamana, ua xibhaka, muiji ua bhengalala o mixima, ku di tuma ni Nzambi a ki tokoka.

Makatukilu 10:3

Mozé ni Alá anga aia a bokona kua Falaó, a mu ambela, exi: O Jihova, Nzambi ia Jihebeleu uambe kiki: Eie u dituna katé bhebhi kutoloka bhu pholo iami? Eha o mundu uami, phala aie a ngi bhikile.

Makatukilu 16:28

Jihova anga u ambela Mozé, uixi: Katé bhebhi bhu mu suka ni kuxibhaka o itumu iami ni ijiia?

Jelemiia 4:14

Sukula o muẋima ué ku usuéia, eie u Jeluzaleme, nda u tene kubhuluka; katé bhebhi u jijila momʼué o ixinganeku ié ia ibha?

Dialuilu 14:11

Jihova anga u ambela Mozé, uixi: Mbambe bhebhi bhu suka kifuẋi kiki, ni ku ngi tènda? Katé bhebhi ni kukamba ku ngi xikana, ku thandu dia isuma ioso i nga kalakala muʼaxaxi kâ?

Dialuilu 14:27

Mbambe bhebhi bhu nga kà suka ni kuxididikila kilômbo kiki kiaiibha, a kuata ku ngi longolola? Ngevu kulongolola kua anʼa Izalaiele, kioso kiala ku ngi longolola eme.

Matesu 11:28

Zenu kokuami enu oso mua bhuila, enu mua tate ni imbamba ia mi nemena, eme nda ngi mi nhohese.

Matesu 12:39

Muène-phe u a vutuila, uixi: Muiji ua akua-phulu, ua akua jiphànda, ua bhindamena kisumua! O kisumua-phe ka a bhana-kiu, kikale ngó o kisumua kia polofeta Jona, kuabhu!

Matesu 12:45

Bhenhobho uia, u sota dingi sambuadi dia nzumbi, a mu tundu muène mu kuiibha, anga a bokona, a tunga momo. O kikexilu kia sukidila kia muthu ió kia beta dingi o kuiibha, kikexilu kiadianga ndenge! Kienhiki kiene hinu ki bhita ni muiji uenhú.

Matesu 16:4

Muiji uaiibha, ua akua jiphànda, u sota kijimbuete! Kijimbuete-phe ka a bhana-kiu, kikale ngó o kijimbuete kia Jona, kuabhu! Anga u a-xa bhobho, uia kuengi.

Matesu 17:17

Jezú anga u kumbulula, uixi: Muiji ua kambe o kuxikana, ua thathamana! Ngi kala ni enu katé bhebhi? Katé bhebhi ngi kala ni ku mi xididikila? Monʼé ngi bhekele-nê bhabha!

Matesu 23:36

Kidi kiene ngi mi ambela: Ima ioso iíi ià keza ku thandu dia muiji uenhú.

Matesu 3:7

Nzuá muène-phe kia mono ku jifalizeu ni ku jisaduseu kueza athu ku batizu iê, uixi: Enu mu ana a madiuta, nanhi ua mi dimuna kulenga o njinda ia-nda kuiza-ku, itunda kua Nzambi?

Marku 10:14

Jezú-phe kia ki mono, kia mu iibhila kiavulu, uixi: Ehelenu o tuana ku ngi bhixila! Kana ku tu kaia, kuma o Utuminu ua Nzambi ua tokala oso a soko ni tuana enhá.

Marku 10:49

Jezú anga uimana, uixi: Mu ixanienu. Anga exana o kifofo, exi: Ua lungu-é! Balumuka, iu ku ixana!

Marku 9:19

Muene u a kumbulula, uixi: Enu tata! Muiji ua kambe o kuxikana, tu kalaʼdi kate bhebhi? Kate bhebhi, ki ngi mi lendukila? Ngi bhekele-nê kunu.

Luka 8:25

Anga uambela o maxibulu mê, uixi: O kuxikana kua mi kala kuebhi? Ene-phe mukonda dia uôma, a bhuuama, anga a di ambela mudiâ, exi: Muenhú muene nanhi, ua bhingi u bazela ni mulenge, ni menha, anga a mu tumaka?

Luka 9:40

Nga diondele jixibulu jé ku i tundisa, ene-phe ka tena.

Luka 9:42

Mona kioso-phe ki ala mù kuiza, uhaxi uê ueza, dimonho hé di mu vunda bhoxi, di mu suna-suna kiavulu. Jezú anga u bazela o dimonho, uilula o mona, hé u mu bhana kua tatʼâ.

Nzuá 14:9

Jezú, uixi: Tunde bhuoso bhanhá bhu ngala ni enu, Felipe tata, ku ngʼ ijiia luua? Uoso ua ngi mono eme, ua mono ue Tata; eie uala kuila kiebhi: Tu idikize Tata?

Nzuá 20:27

Anga uambela Tomé, uixi: Tá mulembu ué bhabha, u ngi tale maku. Sunununa ue kunu o lúkuaku lué, u lu te bhu mbanji iami. Ku kale ni jiphata, inda u xikana.

Jipoxolo 13:18

Anga u tenesa makuinhi a uana a mivu ni kulendukila o kubhuma kuâ mu kikangalakata.

Jipoxolo 2:40

Phetele anga u kala mu ku a bhana umbangi, ni ku a longesa maka dingi mavulu, uixi: Tundenu mu ʼaxaxe ka athu a thathamana, nda mu bhuluke ku muiji iú ua dianguka!

Loma 2:4

Inga eie ua mu tobhesa o jinzungule ja kulenduka, ni kudixibha, ni kuxididika kua Nzambi? Eie ua kʼ ijiia kiambote kuma o Nzambi ua lenduka, ni kuila muène ua mesena ku ku sunga mu kudiela.

Matendelelu 32:5

Athu akexe anʼê, leluʼidi a mu kitukila, a di selula, ene-phe a di bhange-kiu! Muiji ua lusebu, abhindamena ngó kuenda ibhengèle!

Jihebeleu 3:19

Tua mono kuma a tokoka kubokona mukonda dia kukamba o kuxikana.

Jihebeleu 4:11

Uila kiki, tu kuatienu-phe muanu mu kubhanga ioso phala tu tene kubokona ni Nzambi mu dinhohenu diê. Ki bhu kale muthu mudietu u di bhala mu kuxibhaka Nzambi, kala ene kia xibhakele ia a tokokele kobokona.

Jihebeleu 4:2

Kuma kia kidi kiene, etu a tu tudila o Jingolokela Jambote kala ene. Ene-phe ka bhandulukile kima mukonda o maka ki ma takana ni kuxikana mu miẋima ia oso a evile.

Jihebeleu 7:25

Uila kiki, muène ua soko-bho kubhulula katé kia zubha, ene oso ejiia kua muène, ni a bhixile kua Nzambi. Kuma Jezú ua kalé kiá ku muenhu mu ku a diondela jinga.