Luka 9:39 - O Mikanda Ikola

³⁹ Nzumbi iaiibha-phe iene ku mu kuata, anga u di kola kithangana kienhókio; bhenhobho-phe i mu vunda bhoxi, hé i mu tungutisa sunhe-sunhe, katé kia tunda kifulu mu kanu. O ki ia-nda ku mu eha, u xala ua iokojoka.

Luka 9:39 ပူးပေါင်းရင်းမြစ်များ

Marku 9:18

Bhuoso-phe bhu i mu kuatela i mu vunda bhoxi, u thuthuma kifulu, u kokota ku mazu; muthu iu bhele ngohʼú! Jixibulu je nga zuela-nâ kuila a i tundise, ene-phe ka tena.

Marku 9:20

Anga eza-nê. O nzumbi iaiibha ki ia zubha kumona Jezú, kithanganʼokio i mu sakesa kiaiibha, u di vunda bhoxi, he u mbolomoka ni kuthuthuma kifulu.

Marku 9:26

O ki ia zubha ku di kola, ni ku mu sanhesa kiavulu, ia tundu. O monʼa diiala anga uila kala uafu; kate athu avulu ambele, exi: Uafu.

Luka 4:35

Jezú anga u mu kidika, uixi: Di xibhe! Muthu iú, tunda mu mukutu uê! Dimonho anga di mu vunda hanji bhoxi bhuʼ axaxe-kâ, anga di tunda mu mukutu uê, sé ngó ku mu kuama.

Luka 8:29

Muène ua zuela kiki, mukonda Jezú ua tumu o nzumbi iaiibha kutunda moxi dia muthu. Kuma o nzumbi ienhiʼii ia kexi ku mu kuata jinga luavulu. Né a mu kutu, a mu ta ku malubhambu ni jingidinhá, muène u batuka-bhu; hé dimonho di mu balukisa mu mikáu ia hatu.

Luka 9:38

Anga muthu umoxi mu kifuẋi u di kola, uixi: Mesene! Nga ku diondo, ngi talele monʼami, mukonda muène ngó umoxi ngala-nê!

Luka 9:40

Nga diondele jixibulu jé ku i tundisa, ene-phe ka tena.

Nzuá 8:44

Enu mua tokala ni tatʼ enu Diabhu, o jihanji ja tatʼ enu jene ji mua mesena kubhanga. Muène kijibhanganga tunde ku dimatekenu dia mundu, o mu kidi ka nangiê-mu, mukonda moxi diê ki mu moneka kidi. Diabhu kia zuela o makutu, u zuela ima iê-muène, kuma kiene o kífua kiê! Mukonda muène mukua makutu, muene tata ia makutu oso.

I Phetele 5:8

Kalenu ku mesu azele, mu di lange! Kuma o nguma, Diabhu, ua di bhange, mukuâ ni hoji iala mu zuma, u nhunga jinga mu jimbamndu jenu mu kusota uoso a mu dia.

Dijingunuinu 9:11

O sobha iâ, aia-nê mu ku a tumina, muène o anjo ia dikungu ki di moneka hole. Muenhú, o ʼjina diê mu Hebeleu a mu ila Abadoni, o mu Ngelèku exi Apoliioni. (Kifua-phe ambe exi muène Nguma-Ngonga-Kihuènde; Na Zanga-Ioso).