Luka 9:38 - O Mikanda Ikola

³⁸ Anga muthu umoxi mu kifuẋi u di kola, uixi: Mesene! Nga ku diondo, ngi talele monʼami, mukonda muène ngó umoxi ngala-nê!

Luka 9:38 ပူးပေါင်းရင်းမြစ်များ

Dimatekenu 44:20

Etu tua ku vutuila, ngana iami, tuixi: Sai tatʼetu, ua kuka kiá, ni monʼê ua kasule, a mu vuala mu ukukilu uê; mukuá, mu mama imoxi, uafu; o ku ana a manhʼâ muene ngó ua subhuka-ku, o tatʼâ iu ua mu zola.

Zakadiia 12:10

O ku dibhata dia Davidi, ni ku thandu dia iá a tungu mu Jeluzaleme, nga kà lunduluila-ku Nzumbi ia Kiadi ni ia kudionda anga ene à kenda ni kutala kokuami. O ió uoso a mu kubula, ene a kà mu tela jingololo kala mona umoxiʼèlele, a kà mu dila muene ni kajikijiki kala kia dila mona ua phandekumbi.

Matesu 15:22

Talesa-phe muhatu a mukua Kanana u tunda mu jimbanduʼ omo, anga u di kola, uixi: Ngi kuatele henda, Ngana, u monʼ a Davidi! Monʼami ua muhatu, Diabhu dia mu salula kiaiibha.

Luka 7:12

Kia bhixila bhua zukama ni bhu muelu ua kimbaka kia sanzala, u sanga ala mù tunda ni kimbi, mona umoxi ua manhâ, o muène mutudi; akua-bhata ue avulu aia-nê kumoxi.

Luka 9:37

Mu kizuua kiamukuá, kia zubha kukulumuka mu mulundu, kifuẋi kìonene kʼiza ku mu kauidila.

Luka 9:39

Nzumbi iaiibha-phe iene ku mu kuata, anga u di kola kithangana kienhókio; bhenhobho-phe i mu vunda bhoxi, hé i mu tungutisa sunhe-sunhe, katé kia tunda kifulu mu kanu. O ki ia-nda ku mu eha, u xala ua iokojoka.

Nzuá 4:47

Kievu kuila Jezú ua tundu kiá ku Judeia, ueza ku Ngalileia, muène ua mu kane ni ku mu dionda, phala a kulumuke mu Kafanau, nʼ a sake monʼê ua kumbama.