Luka 9:33 - O Mikanda Ikola

³³ O kia kala mù katuka-phe, Phetele uambela Jezú, uixi: Mesene, kiauabha muene se tu kala kunu! Bhabha tu tunge-bhu jifundu jitatu: Imoxi o ié, imoxi ia Elija, imoxi ia Mozé. (Kuma ka kʼijiia kioso kiala kuzuela).

Luka 9:33 ပူးပေါင်းရင်းမြစ်များ

Jisálamu 27:4

Kima kimoxi ki nga bhingi kua Ngana, kiene ki ngi bhindamena jinga: o kutunga mʼonzo ia Jihova izuua ioso ia muenhu uami, mbé kutala o kuuabha kua Ngana, ni kudilonga jinga maka mu Tembulu iê.

Jisálamu 73:28

Eme-phe kia ngi uabhela o kuzukama kua Nzambi; nga solo Ngana Nzambi, muene u kala kibúta kiami, phala ngende jinge ni kutumbula o ikalakalu ié ioso.

Matesu 17:14

Kia bhixila bhuala kifuẋi, kuiza muthu u mu fukamena, uixi:

Matesu 17:4

Phetele anga u kumbulula, u ambela Jezú, uixi: Ngana, kiauabha se tu kala bhabha. Eie Ngana, se ua mesena, ngi tunge-bhu fundu jitatu: íi o ié, íi ia Mozé, íi ia Elija.

Marku 10:38

Kuala Jezú: Enu ki mua kʼijiia ngo kioso ki mua bhingi. Kífua mu tena kunua dikáu di ngi nua eme? Ni kutambula o batizu ia ngi batizala na-iu Eme?

Luka 5:5

Kuala Ximá: Mesene, tua kalakala usuku uoso, ki tu kuata kima. Maji kuma eie ua kiambe, eme nga-nda kutumaka, tu ta dingi o manda.

Luka 9:34

Kioso Phetele-phe ki ala kuzuela kiki, kuiza dituta hé dia a vungina. O maxibulu anga a kala ni uôma kia bokona mu dituta.

Luka 9:49

Nzuá anga u tambuijila, uixi: Mesene, etu tua sangele muthu uala mù tundisa madimonho mu dijina dié. Etu anga tu mu kidika, mukonda kala kuendela kumoxi ni etu.

Nzuá 14:8

Felipe u mu ambela, uixi: Ngana, tuidikise Tata; kabasa tu mu mona, kia tu soko.

II Kolindo 4:6

Mbata o Nzambi ió, uoso ua ki ambe kuila: O mukengeji u muikine muʼavundu, muène ua bhangesa mukengeji ku tu muikina ku miẋima ietu. Mbe o ku tu bhekela mukengeji ua kuijiiʼoko kua fuma ia Nzambi, ia mu benha mu pholo ia Jezú Kristu.