Luka 9:28 - O Mikanda Ikola

²⁸ Kia bhiti nake dia izuua tunde kia tele o maka iá, Jezú uambata Phetele, ni Nzuá, ni Tiiaku, anga u banda ku mulundu mù samba.

Luka 9:28 ပူးပေါင်းရင်းမြစ်များ

Jisálamu 109:4

Mu ku a zola, ene-phe a ngi kanena ni unguma; eme-phe ngi kala mu a sambela.

Matesu 14:23

Kia zubha ku sulula o ifuẋi, uia ku mulundu, ku ubheka, mu kusamba. Mu ngoloxi, kuma kua fulamana kiá, anga u kala kuenhoko ubheka uê.

Matesu 5:1

Kia mono o ifuẋi, u banda ku mulundu. O kia zubha kuxikama, jixibulu jê ji mu sanga.

Marku 1:35

Mu kimene-phe, kuila kuma hanji kua vundu, ua di meneka mu iangu mu kusamba.

Marku 6:46

O kia zubha ku di lekela-nê, iu ua bande ku mulundu mu kusamba.

Luka 3:21

Anga ki bhita kuma, kia zubha athu oso ku a batizala, Jezú ue a mu batizala. O kia-bhu ku mu batizala, kioso kiala mù samba, diulu di jikuka.

Luka 5:16

Muène-phe u kala mu kuomboloka, uia mu mikáu ia hatu mu kusamba.

Luka 6:12

Izuua ieneʼoio Jezú anga uia ku mulundu mu kusamba; anga u fula kilu mu usuku uoso ni kusambela Nzambi.

Luka 8:51

Kia zubha kutula bhu kanga, kʼehela muthu kubokona-nê mʼonzo, kikala ngó Phetele, ni Nzuá, ni Tiiaku, ni tata ni mama avu o mona.

Luka 9:18

Kizuuʼiki Jezú u kala mu samba ku ubheka, ni muène ni jixibulu. Anga muène ua ebhula, uixi: O kifuẋi kia-lu zuela kuma eme nanhi?

Nzuá 6:3

Jezú anga u banda ku mulundu, anga u xikama kuenhoko ni jixibulu jê.

II Kolindo 13:1

Tatu kiabhʼú kukala mu kuia kuenioko ku mi kunda. Kala ki ambe o Mikanda Ikôla kuma: Mulonga uoso-uoso ki bhinga a u kuatesa ku kizuelu kia mbangi jiiadi mba jitatu.

Jihebeleu 5:7

O muène kia kexile mu ngongo, u samba, u dionda, ni kudila masoxi, kua Nzambi u tena ku mu kudila mu kufua, anga a mu ivua, mukonda dia kudibha-kula kuê, ni kubatama.

II Phetele 1:16

Kuma etu ki tua kaiela misoso iofunhe ni ndunge ja muthu uoso-uoso, kioso ki tua mi tudila o Njimbu ia unéne ni kuiza kua Ngana ietu, Jezú Kristu. Maji etu tuala tu jimbangi, kuma o unéne uê tua di muena-u ni mesuʼetu!