Luka 9:27 - O Mikanda Ikola

²⁷ Ngi mi ambela kidi: Ene emana bhabha, sai-bhu ni iá ka kà lola kalunga, katé kia kà mona o Utuminu ua Nzambi.

Luka 9:27 ပူးပေါင်းရင်းမြစ်များ

Matesu 16:28

Ngi mi ambela kidi, emana bhabha, sai-bhu ni iá ka kà lola kalunga, katé kia kà mona o Monʼa Muthu uala kuiza mu ungana uê.

Marku 14:25

Ngi mi ambela kidi, kuma eme, ku sumu ia muvide, ki ngi nu-ku dingi, kate kizuua ki nga ka i nua ia ubhe, mu Utuminu ua Nzambi.

Marku 9:1

Anga ua ambela, uixi: Ngi mi ambela kidi, bhenhabha sai-bhu athu emana-bhu, ka ka lola kalunga kate kia ka mona o Utuminu ua Nzambi iu uiza ni kusina.

Luka 2:26

Muène-phe a mu ijidisa-kiu kuala Nzumbi Ikôla, kuma ka-nda kúfua katé kia mona Mesiia, Kristu ia Ngana.

Luka 22:18

Mukonda eme ngi mi ambela: Tunde lelu, eme ki ngi-nu dingi ku ibundu ia muvide, katé kʼiza o Utuminu ua Nzambi.

Nzuá 14:2

Sai ididi iavulu ku bhata dia Tatʼetu, kuenhoko-phe eme ngala kuia ku mi iudikila-ku kididi. Se kua kexile kiengi, eme hinu ngeji ku mi ambela-kiu.

Nzuá 16:7

Né-mbé-phe kiene, nga mi ambela kidi: Enu mu beta kubhanduluka se eme ngaii. Mukonda, eme se nga kambe kuia, o Mukuatekexi ió kʼ eza luua ku muala. Maji eme-phe se ngaii, ngi mu tumikisa ko kuenu.

Nzuá 8:59

Ene a bonga matadi ma ku mu takula, maji Jezú-phe u di sueka, anga u tunda mu Tembulu.

Jihebeleu 2:9

Etu-phe tua mono Jezú! A mu bhangele kathangana ku kala ndenge ia ji-anju, phala mu kiadi kia Nzambi a lole kalunga mu mulonga ua mundu uoso. Kiki-phe tua mu mono kuila mukonda dia phaxi ia bhiti na-iu, a mu zuika kitundu kia fuma ni ujitu.