Luka 9:22 - O Mikanda Ikola

²² Uixi dingi: Monʼa Muthu ua bhingi u bhita ku jingongo javulu. A-nda ku mu tènda kuala adiakime a Jijude ni makota ma jinganga ni jimesene jene mu longa o Kitumu, ni a mu jibhe. Maji kutula mu kizuua kia katatu, ua kà fukunuka.

Luka 9:22 ပူးပေါင်းရင်းမြစ်များ

Dimatekenu 3:15

Nga-nda kuta unguma bhu kaẋi ké eie ni muhatu, ni bhu kaẋi ka mbutu ié-eie ni mbutu iê-muène; muene ua kà ku bula o mutue, eie ua kà mu numata o kasende.

Daniiele 9:26

O kia kà bhua o makuinhi asamanu a jisemana ni semana jiiadi, Mexiia a kà mu katula-ku, kà mu mona dingi; o mundu ua kilamba kia kèza-ku, ua kà buikisa o diembu diosuʼodio ni Tembulu, o dizubhilu diâ dia kà a bhitula mukuâ ni menha a disenza; kuà kala-phe ita mu ita katé bhu dizubhilu, oko a xindi-bhu ibuika.

Zakadiia 13:7

Eie xibhata, balumuka u bilukile o Mubidi uami, ni muthu ió ngene-nê kumoxi, mukua kisoko kiami, Jihova dia Ifuẋi ua-lu zuela, uixi: Mubidi mu kuame, nda o jimbudi ji muangane; maji lukuaku luami lua kà lungulukila katé ni ku jindenge.

Matesu 17:12

Eme-phe ngi mi ambela kuma Elija uejile kiá; ene-phe ka mu ijiia, maji a mu bhange ioso ia mesena. Kiene ue, Monʼa Muthu ua kà tala hadi kua ene.

Matesu 17:22

Kioso maxibulu kia kala mu bhanga izuua ku Ngalileia, Jezú, ua ambela, uixi: Monʼa Muthu hinu a kà mu bhakula bhu maku ma athu.

Matesu 27:63

Ngana, etu tua lembalala kuma mukua makutuʼó, kia kexile hanji ku muenhu, ua tangele, uixi: Izuua itatu ki i bhita, nga kà fukunuka.

Marku 8:31

Anga u kuata ku a longa kuma o Monʼa Muthu u bhinga u bhita ku jiphaxi javulu; ni ku mu di tuna kuala adiakime a Jijudé, ni makota ma jinganga ni jimesene jene mu longa o Kitumu kia Nzambi. A-nda ku mu jibha, nʼa fukunuke mu kizuua kia katatu.

Marku 9:31

Kuma u kala mu longa jixibulu je, uixi: Monʼa Muthu a-nda ku mu bhakula bhu maku ma athu, o ene a-nda ku mu jibha; o kia zubha ku mu jibha, kizuua kia katatu u fukunuka.

Luka 17:25

Maji kua mu bhingi hanji-phe kubhita ku jiphaxi javulu, ni ku mu di tuna kuala o muiji iú ua lelu.

Luka 24:26

Kifua ki kia tokalele muene kuila Kristu nʼa bhite ni jingonjuʼojo, ni a tambule kiua o Ungana uê uoso kua Nzambi?

Luka 24:44

Anga ua ambela, uixi: Ene o makʼ ami u nga mi ambelele ki nga kexile hanji ni enu, kuma ima ioso ia bhingi i bhita, iòsoneke mu Kitumu kia Mozé, ni mu madivulu a Jipolofeta, ni mu Jisalamu, ia ngi tokala eme.

Luka 24:7

Monʼ a Muthu ua bhingi ku mu thelekala bhu maku ma akua ituxi, ni ku mu phaphela ku dikulusu, ni kufukunuka mu kizuua kia katatu.

Luka 9:44

Kizuelu kiki ki mi bokone mu miẋima: Monʼa Muthu a-nda ku mu bhakula bhu maku ma athu.

I Kolindo 15:4

Kuma Muène a mu fundile, mu kizuua kia katatu anga u fukunuka kala kia ki soneka mu Mikanda;

I Phetele 1:11

Ene a bhindamenene kuijiia mba thembuʼ oio i bhixila kithangana kuẋi, ni kuiza kuê mba kubhita kiebhi. O Nzumbi ia Kristu ia kexile moxi diâ, ia edikisa jinga o thembuʼiii, ki ia tuamene ku a ejidisa o jiphaxi janda kubhita na-ju Kristu, ni jimbote joso janda kukaiela-ku.