Luka 9:11 - O Mikanda Ikola

¹¹ O kifuẋi-phe kia kʼ ivu, a mu kaiela. Jezú anga u a tambulula, u a tela maka ma Utuminu ua Nzambi, hé u saka oso a bhindamena kuiluka.

Luka 9:11 ပူးပေါင်းရင်းမြစ်များ

Izaía 61:1

Nzumbi ia Ngana Nzambi ua ngi tula ku thandu; mukonda o Ngana ua ngʼundu kutudila jingadiama njimbu ia mbote; ua ngi tumu kusaka oso ala ni kikote mu muẋima; ni kuxika ngonge ia ufolo ua abhika, ni kujikula o jikaleia phala kujituna oso a a kuika.

Matesu 12:15

Jezú-phe, kuma ua kʼijiia, u tunda bhenhobho. O mundu uavulu anga u mu kaiela, muène anga u a saka ene oso.

Matesu 14:14

Jezú anga u tomboloka, u sanga kifuẋi kia dikota, anga u a kuatela henda, hé u saka o jihaxi jâ.

Matesu 21:31

Ku kiiadʼiki uebhi ua bhange o vondadi ia tatʼâ? Kuala ene: O dikota. Jezú uixi: Ni kidi kiene, ngi mi ambela, kuma akua kutambula lubhaku ni idianzunga ala ku mi tuamenena kubokona mu Utuminu ua Nzambi.

Matesu 21:43

Uila kiki, ngi mi tangela na-kiu kuila, o Utuminu ua Nzambi a-nda ku mi tambula na-u, nʼa u bhane athu engi a bhana idima iê. [

Luka 1:53

Uezalesa akua nzala ni jimbote, o jimvuama ua ji kaie ni maku mòkukutu.

Luka 5:31

Jezú anga u a vutuila, uixi: Oso a disanze ka bhindamena kimbanda (musaki), a mu bhindamena ió a kate.

Luka 8:1

Kubhanga izuua, Jezú u kala mú nhunga ku jimbanza ni ku jisanzala, mu ku boka ni kutula o Njimbu Iambote ia Utuminu ua Nzambi. O kuinhi dia xibulu ni kiiadi anga a kala-nê kumoxi.

Luka 8:10

Muène, uixi: Enu a mi bhana o kuijiia ikutu ia Utuminu ua Nzambi. Athu amukuá-phe a a zuelela mu ifika, phala kia tala, a kambe kumona; o ki évua, a kambe kuijiia.

Luka 9:10

Kia vutuka o Jipoxolo, a mu tangela ima ioso ia bhange. Muène anga u a katula, uia-nâ kididi kia ubheka, bhua zukama ni bhu mbanza a ixana Betesáida

Luka 9:12

Kumbi ki dia lèmbe, o kuinhi ni kiiadi eza kua muène, exi: Sulula o kifuẋi, nda aie mu jisanzala ni ku mábhia, mù sota kizalu ni kúdia, mukonda mumu mu iangu mu tuala.

Luka 9:2

Anga u a tuma kuboka o Utuminu ua Nzambi ni kusaka jihaxi.

Nzuá 4:34

Jezú ua ambela, uixi: Kúdia kuami, o kubhanga vondadi ia ió ua ngi tumu, ni kuzubha o kikalakalu kiê kia ngi bhana o kubhanga.

Nzuá 6:37

Oso a ngi bhana kuala Tata, a-ndu kuiza ko-kuami. Uoso-phe ueza ko-kuami, eme ki ngi mu texi, lémbua!

Jipoxolo 28:31

Anga muène u boka o Njimbu ia Utuminu ua Nzambi, u longa ni kubhua o uôma ima ioso ia tokala kua Ngana Jezú Kristu, kana muthu ua mu fudisa.

Loma 10:14

Maji a di kola-phe kiebhi kua muène, se kiluua a mu xikana? A mu xikana-phe kiebhi, se o Njimbu kiluua a ivua?

Loma 10:17

Mu kieniiki o kuxikana kuijiia mù kuivua o hundu, o kuivua o hundu, kuijiia ku Njimbu Iambote ia Kristu. Mu kieniiki, o kuxikana kuijiia mù kuivua o ngolokela, o kuivua o ngolokela, kuijiia ku Njimbu Iambote ia Kristu.

Loma 15:3

Mukonda ni Kristu muène ka di uabhelele ngó muène. Maji kala kia ki soneka mu Mikanda Ikôla, exi: O malebhu ma ió a ku lebhula eie, ma ngi tula ku thandu diami.

II Timote 4:2

Enda ni kutanga o maka; sakalala mu ku a jimbula bhu kala kithangana, ni mú kamba kithangana. A tolole miẋima, a bazele, a longese, ni kuxididika kuoso ni kulombolola.

Jihebeleu 4:16

Uila kiki, tu bhiẋidienu bhu kiandu kia kiadi sé hele, phala Nzambi a tu kuatele henda. Bhenhobho tua kà tambula o kiadi ki tena ku tu bhandulula mu kumbi dia kubhondalala.