Luka 9:1 - O Mikanda Ikola

¹ Jezú u bhongolola o kuinhi ni kiiadi anga u a bhana nguzu ni kutena kua ku tumina o madimonho oso, ni ia kusaka mahaxi.

Luka 9:1 ပူးပေါင်းရင်းမြစ်များ

Matesu 16:19

Eme ngi ku bhana o jisabhi ja Utuminu ua Diulu; kioso ki u kuta eie mu ngongo, ni mu diulu ki kala kiókute; kioso ki u jituna eie mu ngongo, ni mu diulu ki jituka.

Matesu 4:24

Fuma iê anga i sambuka mu Sídia ioso. Hé a kala ku mu bhekela jihaxi joso, a vulu makukata, ni iá a saluka ni madimonho, ni iá a kate kikonha, ni iá a kate kila; ene oso anga u a saka.

Matesu 8:9

Mbata eme uami ngi muthu a ngi tumina; o masoladi ami u ngala-nâ nga a tumina. Muthu nga mu katula ngixi: Ndeie, uia. Mukua nga mu ixana, ngixi: Zá, uiza. Selevende iami nga mu ambela: Bhanga kiki, u ki bhanga.

Luka 10:1

Kia bhiti ima iíi, ku izuua, Ngana u sola dingi makuinhi sambuadi a xibulu ni kiiadi jamukuá, anga u a katula kiiadi-kiiadi, ni a mu tuamenene ku jisanzala joso ni ididi kuoso kua-nda kuia muène.

Luka 10:19

Talenu, eme nga mi bhana kutena kua kudiota jinhoka ni jinginga, ni ku tolola nguzu ioso ia nguma. Kana kima ki tena ku mi kuama.

Nzuá 14:12

Kidi kiene, ngi mi ambela: Uoso ua ngi xikana eme, ikalakalu i nga mu bhanga eme, muène ue u i bhanga, katé u bhanga ue hanji ia tundu, mukonda eme ngala kuia kua Tata.

Jipoxolo 1:8

Maji enu-phe muandu tambula kutena, ki anda kuiza Nzumbi Ikôla ku thandu dienu. Mua kà ngi kalela jimbangi, ni mu Jeluzaleme, ni mu Judeia ioso, ni mu Samádia, katé ni ku maẋokololo ma jixi.

Jipoxolo 3:16

O dijina dia Jezú, mu ku di xikana, diene dia bhana o nguzu ku muthu iú. O kiki kia bhiti, ki mua mono ni mesuʼenu, enu mua kʼijiia, kiobhange mukonda dia kuxikana o dijina diê. Mbata o kuxikana dijina dia Jezú, kuene kua mu bhana o kudisanza, bhu pholo ienu-enu oso.

Jipoxolo 4:30

Eie, Ngana, sununa o lúkuaku lué ni kusaka, phala a bhange isumua ni nadiuanu mu dijina dia Selevende ié Ukôla, Jezú.

Jipoxolo 9:34

Phetele anga u mu ambela, uixi: Eneia, Jezú Kristu ua ku sake. Balumuka, u bhange o hama ié. Muène kithanganʼ okio u balumuka.