Luka 8:53 - O Mikanda Ikola

⁵³ Anga athu a kala ku muʼolela, mukonda a kʼijiia kuma uafu.

Luka 8:53 ပူးပေါင်းရင်းမြစ်များ

Jobe 12:4

Eme nga di bhange ngi kima ki thathamesa makamba mami; eme nga hingila jinga Nzambi, muene hé u ngʼitaia; kiene muene, mukua kidi ni iú ua iuka, a bhangesa kuthathamana, a kuatesa njinda muene.

Jobe 17:2

Kia kidi muene, akua kusebulula a ngi kondoloka, o mesu mami ia a mona muene o kulokalala kuâ.

Jisálamu 22:7

Oso a ngi mona a ngi bhanga kasekelelu; a buetula mizumbu, a bhuka ku mútue, exi:

Izaía 53:3

Kia kexi, a mu di tunu, muene o muthu a beta o ku mu tènda ni ku mu sebulula mu athu oso; mukua misusu; muthu uejidila o kutala hadi; uedi kala ió athu a mu bhana jinga dikunda ni ku mu suekela o pholo; kia kexile a mu ehelela, ki bhuala dingi muthu ua mu suu.

Matesu 9:24

Ngenzelienu! Mona kilumba ka-fu, uaii ngó ku kilu! Ene a kuata ku muʼ olela uôua.

Luka 16:14

Jifalizeu kuma ja zola kiavulu o kitadi, a muivu kuta makʼama, anga a kala ku mu olela.

Luka 8:52

Ene oso anga a kala mù dila, ni ku ta mbundu, mukonda dia kamona. Muène-phe, uixi: Ki mu dile; mona kàfu, uaii ngó ku kilu!

Luka 8:54

Muène-phe, uaii, u mu kuata mu lúkuaku; ni dízui dia suina, u mu handekela, uixi: Monʼa Kilumba, balumuka!

Nzuá 11:39

Jezú uixi: Katulenu-ku o ditadi! Marta, phangʼ ia difundu, uixi: Ngana, muène kiki ua mu nuha kiá kiaiibha! Kuma tunde kia mu fundu, ua bhange-mu kiá izuua iuana.