Luka 8:47 - O Mikanda Ikola

⁴⁷ O muhatu kia mono kuma ka tena dingi kusuama, ueza ni kuteketa, hé u fukama bhu pholo ia Jezú. Anga u ki tanga bhu pholo ia athu oso, kioso kia mu bhangesa o ku mu babata, ni kioso kieluka kithangana kienhókio.

Luka 8:47 ပူးပေါင်းရင်းမြစ်များ

Jisálamu 2:11

Kota mu toloke kua Jihova, mu kale ni uoma uê, mu kale jinge ni kutana ni kuteketa.

Jisálamu 38:9

Ngana, ima ioso i ngandala eie ua ijiia; o kudikola kuami kua kambe ku ku ívua.

Jisálamu 66:16

Zenu, mu ivue, enu oso muene mu ẋila Nzambi, ngi mi jimbuile kioso muene, kia bhanga, mù kudila o muenhu uami.

Izaía 66:2

Kuma lukuaku luami luene lua bhange imbamba iosuʼiii, imbamba iosuʼiii í iòbhange, kiene kiambe Jihova; maji, ivua uoso ngi mu tala: Eme ngi suua uoso ngadiama uala ni muẋima ua toloka, anga u kenanena kizuelu kiami, ió muene ngi mu suua.

Hozeia 13:1

Mʼokulu kioso Ifalaíme kia zuela jinga, athu a teketa; anga u kala muene ni ditala dia kijingo mua Izalaiele; maji muene-phe ua di bhale mu kuêla kua kubheza Baale anga ufua.

Hozeia 5:3

Eme Ifalaíme nga mu ijiia kiambote, o Izalaiele ue ua di kasanesa.

Habakuke 3:16

Eme mu ku kʼivua, mu mala mua ngi bunguluka, mizumbu iami ia nguenguena mu kuívua o kilungutu kia dízui diâ; kilukutu kia kubola kia ngi bokona mu ifuba iami, anga moxiʼomo ngi kala mù teketa mudiʼami; nga-nda kunhoha anga ngʼila muene hudí mu kukinga o kizuua kia malamba mâ, Ngana kià kʼèjila o povo iene kusot, o ku tu jikinisa.

Matesu 28:8

Ene anga a katuka lusolo bhu mbila, ni uôma ni ngalasa iavulu, anga a lenga mu tudila jixibulu jê.

Marku 5:33

O muhatu-phe ni kuteketa ni uoma, kuma uejiia kioso kia mu bhiti, ueza, ua di bhale bhu pholo ie, iu ua mu tangela o kidi kioso.

Luka 8:46

Jezú-phe, uixi: Sai muthu ua ngi babata; kuma ngevu mu mukutu uami mua tundu nguzu.

Luka 8:48

Jezú anga u mu ambela, uixi: Monʼami, o kuxikana kué kuene kua ku bhandulula, ndaiʼé ni kutululuka.

Jipoxolo 16:29

Kasalelu anga u ixana kuila eze ni jikandeia, hé u bokona lusolo, ua bhuuama ni uôma, anga u di bhala bhu pholo ia Phaulu ni Sila.

I Kolindo 2:3

Kienhokio, ki ngele ku mi kunda, anga ngi kala mu ʼaxaxe kenu, nga kexi ni nduezu, hé ngi kala mu kuteketa ni uôma uavulu.

II Kolindo 7:15

Ni muène ue henda ia mu vulu dingi kia mi lembalala o kutumaka kuenu enu oso, ni kioso ki mua mu tambulula ni ujitu, ni kuditolesa.

Filipe 2:12

Uila kiki, enu akuetu, kuma enu mu akua kutumaka jinga, kana ngó bhu pholo iami kioso ki ngi kala-bhu maji mua fuama mu kala dingi kota mu ku ngi tumaka, kiki ki nga tundu-bhu. Mu kieniiki, tutumbenu ni ujitu uoso ni uôma, phala mu mone o kubhuluka.

Jihebeleu 12:28

Uila kiki, tu kalienu ni kisakidilu, mukonda tua tambula Utuminu ki u tena kutunguta. Tu kalienu ni kisakidilu ki tu bhekela kubheza Nzambi kala kioso kia mu uabhela, ni ujitu ni uoma.

I Samuuele 16:4

Samuuele anga u bhanga kioso kia mu ambela Jihova, u iza bhu Beleme. Adiakimi a bhata anga eza kutakana-nê ni kuteketa, exi: Ki uezʼiki ueza ni paze?