Luka 8:44 - O Mikanda Ikola

⁴⁴ Anga uia kua Jezú u mu zukama ku dima diê, u mu kuata ku muhuhu ua kizuatu kiê, kindala kienhokio-phe, manhinga ma batuka o kubhubha.

Luka 8:44 ပူးပေါင်းရင်းမြစ်များ

Makatukilu 15:26

Hé u a ambela, uixi: Se u ívua kiambote o dízui dia Jihova, Nzambi ié, hé u bhanga kioso kia mu iukila ku mesu mê, ni u bhana o dítui ku itumu ié, hé u aiuka o ijiia iê iene ioso, ki ngi te dingi mahaxi ku thandu dié, né uhaxi umoxi ku mahaxi oso u nga te ku thandu dia akua Ijitu; kuma eme ngi Jihova, eme-muene ngi ku saka.

Malakiia 4:2

Maji, phala enu-phe, oso muene mu kuxila Dijina Diami, kua kà mi kiela Dikumbi dia Kuiuka, diene dia kà mi bhekela ubhulukilu, uijiia na-u moxʼa mabhabha mê; enu-phe mua kà tunda, mua kà tuka-tuka mukuâ ni tuana tua ngombe kioso ki tu tunda mu kibhanga kiâ.

Matesu 20:34

Bhenhobho Jezú kuma henda ia mu kuata, u babata mesu mâ; kindala anga a kala mu mona, anga a mu kaiela.

Matesu 8:3

Muène anga u sunununa lúkuaku luê, u mu babata, uixi: Nga mesena muene; disanze. Muène anga u disanza muʼ anzanza muenhomo.

Matesu 9:20

Bhu kala-phe muhatu, ua kate kibhubhe kia manhinga, ua kuata nakiu kiá kuinhi dia mivu niʼ iadi. Anga uiza ku dima diê, hé u babata ku muxiku ua kizuatu kiê.

Marku 6:56

Muene bhuoso bhua tula jinga, mu jimbonge ni mu jisanzala, ni ku matutu, jihaxi a ji bheka mu jinzunga, anga a mu dionda kuila a mu kuate ngo ku muxiku ua kizuatu kiê. O oso a mu kuata, anga eluka.

Luka 13:13

Anga u mu tula maku ku mukutu, kithanganʼokio, anga u iuka, hé u kala mu ximana Nzambi.

Luka 7:38

anga u mu imanena bhu inama iê ni kudila, ua mu betesa inama ni masoxi, anga u i kondona ni kindemba kia mútue uê, u i nzobojola ni jibeju, anga u i xisa ni nguendu.

Luka 8:43

Anga bhu kala muhatu uala ni kibhubhe kia manhinga, ua bhange na-kiu kiá kuinhi dia muvu ni iiadi. Jimbongo jê joso ua ji futu ku imbanda, kanabhu-phe ua tena ku mu saka.

Luka 8:45

Jezú-phe, uixi: Mukua-hi ua ngi babata? Ene oso kia di tunu, Phetele ni akuá a kexile-nê, exi: Mesene, o kifuẋi ua ki mono ki kia ku phopheka, ni ku dixina-xina, kífua uibhulʼé, uixi: Nanhi ua ngi babata?

Nzuá 5:13

Muenhú-phe a mu sake, ka mu ijiia mba mukuahi; mbata Jezú ua jimukina mu kifuxi, kia athu a kexile bhenhobho.

Jipoxolo 19:12

Katé se jihaxi a ji bhekela malesu, mba jiponda, ja tundu ku mukutu uê, o haxi nʼa ji babata, o kukata kubhua, o nzumbi jaiibha ji tunda.

Jipoxolo 5:15

Mukonda dia isuma ni madiuanu a bhanga jinga o Jixpoxolo, kia bhangesa katé mundu ambatele jihaxi bhu kanga mu jiluua, a zeka bhu jihama ni bhu mianza, bhu maxisa, phala ki bhita Phetele, imoxi o kizuzumbia kiê ngó ki a tula.

Matendelelu 22:12

O thanga ié ia kudifuta u i ta jifalanja jiuana bhu jithungi.