Luka 8:43 - O Mikanda Ikola

⁴³ Anga bhu kala muhatu uala ni kibhubhe kia manhinga, ua bhange na-kiu kiá kuinhi dia muvu ni iiadi. Jimbongo jê joso ua ji futu ku imbanda, kanabhu-phe ua tena ku mu saka.

Luka 8:43 ပူးပေါင်းရင်းမြစ်များ

II Malunda 16:12

Aza anga úbua ni uhaxi ua inama, mu muvu ua makuinhi a tatu nʼivua, a utuminu uê; o uhaxi uê anga u vula kinéne muene, maji mu mahaxi mê ua lembuele kusota Jihova anga u dielela ngoho o imbanda.

Jobe 13:4

Maji enu-phe muala mu akua kufunha makutu; anuenuʼoso muala mu imbanda ia kingoho, ki mua te kima.

Jisálamu 108:12

Tu bande, Ngana, phala tu lende o jinguma; kuma o ku di banda kua athu, kingoho!

Izaía 2:22

Kala kiki-phe, o muthu uala ngoho ni mulenge ua kubhuimina mu dizulu diê, mu sondolokienu. Mukonda muene ue a mu ximana ni kima kiahi?

Marku 12:44

Kuma ene oso a katula ngo ku kiki kia subhuka ku nzungule; muene-phe, mu uadiama ue, ka mono dingi bhua nomona, iu ua te-mu o huta iê ioso.

Marku 9:18

Bhuoso-phe bhu i mu kuatela i mu vunda bhoxi, u thuthuma kifulu, u kokota ku mazu; muthu iu bhele ngohʼú! Jixibulu je nga zuela-nâ kuila a i tundise, ene-phe ka tena.

Luka 13:11

Anga bhu kala muhatu a mu katesa kuala nzumbi mu kuinhi dia muvu ni nake. O ki enda, u kala ua kotama, katena ngó kubhetuka.

Luka 13:16

O muhatu iú-phe, monʼ angene a Mbalahamu, a mu kuika kuala Satana mu kuinhi dia muvu diosuʼidi ni nake, kifua ki kia fuama ku mu jituna bhu mikolo ue, kizuua kia Sábhalu?

Luka 8:27

O kia zubha ku tomboka ku kanga, u takana ni diiala dia mukua bhata kuenhoko, uala ni madimonho. O muenhú tunde okulu kiá kene kuzuata, ka kala mʼonzo, maji u kala ngó mu jimbila, bhu mbalale.

Luka 8:42

mukonda monʼê umoxi ua muhatu, mukua kuinhi dia muvu ni iiadi, ua kumbama. Kioso-phe Jezú ki aia ni kuenda, kifuẋi ki kala mu ku mu phopheka ku mbandu ni mbandu.

Luka 8:44

Anga uia kua Jezú u mu zukama ku dima diê, u mu kuata ku muhuhu ua kizuatu kiê, kindala kienhokio-phe, manhinga ma batuka o kubhubha.

Nzuá 9:1

Kia kala mu kubhita, Jezú u mona muthu a mu vuala kifofo.

Nzuá 9:21

Maji ki tua kʼijiia-phe kioso kiala kumona kindala, mba uoso ua mu jikula o mesu. Mu ibhudisienu muène. Uala kiá ni kitala, muène a di tange kioso kia mu bhiti.

Jipoxolo 3:2

Anga bhu kala muthu ua nemana tunde mu mala a mamʼâ, ene ku mu ambata jinga, hè a mu tula izuua ioso bhu muelu ua Tembulu a u ixana Muelu Uauabha, phala kubhingila-bhu jimola ku athu oso a bokona mu Tembulu.

Jipoxolo 4:22

Mukonda o diiala muène a mu bhange o kisumuʼiki, kia ku mu saka, ua kexi mukua makuinhi auana a mivu ndenge.