Luka 8:38 - O Mikanda Ikola

³⁸ O diiala-phe dia bhanduluka ku madimonho, u mu dionda phala a kale-nê. Jezú phe ua mu vutuila, uixi:

Luka 8:38 ပူးပေါင်းရင်းမြစ်များ

Jisálamu 116:12

Kiki-phe ngi bhakula kima kiahi kua Jihova, mu mbote joso jene ku ngi bhanga?

Jisálamu 116:16

U Jihova, ni kidi kiene ngi selevende ié; ngi selevende ié, monʼa kahatu ké, eie-muène ua ngi jituna bhu ophi ia ubhika.

Jisálamu 27:4

Kima kimoxi ki nga bhingi kua Ngana, kiene ki ngi bhindamena jinga: o kutunga mʼonzo ia Jihova izuua ioso ia muenhu uami, mbé kutala o kuuabha kua Ngana, ni kudilonga jinga maka mu Tembulu iê.

Jisálamu 32:7

Kuma uoso ua kondamena ko kué, eie u mu bhaka kididi; ka mu tatesa dingi, maji u kala mu kuimba, mu kusangulukila o ubhulukilu ué. (Selah.)

Matesu 4:24

Fuma iê anga i sambuka mu Sídia ioso. Hé a kala ku mu bhekela jihaxi joso, a vulu makukata, ni iá a saluka ni madimonho, ni iá a kate kikonha, ni iá a kate kila; ene oso anga u a saka.

Luka 8:28

O kia mono Jezú, ua te nzongo, anga u fukama bhu pholo iê, u di kola ni dízui dia suina, uixi: Ihi i nga kuata ni eie, Jezú, Monʼa Nzambi ua Suka ku Ukota? Nga ku diondo, kana ku ngi zukutisa!

Luka 8:37

Akua ʼxi iosuʼoio ia Ngandala anga a bhinga Jezú kutunda bhu mbadu jâ, kuma uôma uavulu ua a kuata. Jezú bhenhobho anga u di longa mu bote, u vutuka.

Luka 8:39

Ndeie ku bhata dienu, ua kà tange ima iònene ia ku bhange Ngana. O diiala anga u katuka, u fumanesa ku mabhata moso, ima iònene ia mu bhange Jezú.

Filipe 1:23

Ngala-phe bhu kibhidi kia ngi phopheka ku mbandu ni mbandu, mukonda ngala ni vondadi iavulu ia kukatuka kunu, phala kuà kala-mi kiá ni Kristu; kuma ujitu uê u kala kotʼ èlele.