Luka 8:30 - O Mikanda Ikola

³⁰ Jezú anga u mu ibhula, uixi: Jina dié, eie nanhi? Kuala muène: Kifuẋi! (Muène ua zuela kiki, kuma madimonho mavulu ma mu bokona moxi diê).

Luka 8:30 ပူးပေါင်းရင်းမြစ်များ

Matesu 26:53

Inga mua fika ki ngi tena kubhinga Tata iami, muène nʼa ngi bhana kindala kienhiki kuinhi dia ibuka ni ʼiadi ia ji-anju?

Matesu 4:24

Fuma iê anga i sambuka mu Sídia ioso. Hé a kala ku mu bhekela jihaxi joso, a vulu makukata, ni iá a saluka ni madimonho, ni iá a kate kikonha, ni iá a kate kila; ene oso anga u a saka.

Matesu 8:29

Talesa-phe, ene a di kola, exi: Eie tua kukala nʼ ihi, u Monʼ a Nzambi? Kífua ueza kunu mu ku tu talesa hadi, o thembu kiluua ngó i bhiẋila?

Marku 16:9

Kiki Jezú kia zubha o kufukunuka, mu Lumingu, o kizuua kia dianga kia semana, u dianga kutukulukila Madiia dia Manda, ua mu tundisile mu mukutu ue sambuadi dia dimonho.

Marku 5:9

Jezú ua mu ibhula, uixi: Dijina diê, eie nanhi? Kuala muene: Dijina diami Kifuẋi, mukonda tua vulu.

Luka 8:2

Ni ahatu amoxi ua a sakele o jinzumbi ni mauhaxi: Ni Madiia, a mu ixana Manda, mukua Magdala, moxi diê mua tundile sambuadi dia dimonho;

Luka 8:29

Muène ua zuela kiki, mukonda Jezú ua tumu o nzumbi iaiibha kutunda moxi dia muthu. Kuma o nzumbi ienhiʼii ia kexi ku mu kuata jinga luavulu. Né a mu kutu, a mu ta ku malubhambu ni jingidinhá, muène u batuka-bhu; hé dimonho di mu balukisa mu mikáu ia hatu.