Luka 8:24 - O Mikanda Ikola

²⁴ Maxibulu anga eza bhua zeka muène, hé a mu tonesa, exi: Mesene, mesene! Tu fua! Muène anga u tona, u bazela o mulenge, ni njinda ia menha, anga ma batama. Anga ku kala kutululuka kuavulu.

Luka 8:24 ပူးပေါင်းရင်းမြစ်များ

Jisálamu 65:7

Ua tena kubateka o kuzuma kua kalunga, o kuzuma kua mabhuku, ni ibulukutu ia ifuẋi kʼejiia Nzambi.

Izaía 50:2

Mukonda diahi, kioso ki ngeza, ki ku moneka muthu? ngʼexana, ki bhuala muthu uetaia? mbé lukuaku luami lua kotanana kiavulu, lú lua lémbua kukula muthu? Inga momuami kana-mu dingi nguzu ia kubhulula? tala-ze, eme se ngi bazela lumoxi ngó, Musanza ua kalunga u kukuta, jingiji jithothuena kala oxi ia kisèkele, anga jimbiji jê ji nuha kibuzu, kuma se ja lémbua menha ji di-fuila ni dinhota.

Jelemiia 5:22

Jihova uambe: Enu nguenu ku ngi xila, kuambienu? nguenu ku ngi kala ni uoma, eme nga te o mbambe ia kisèkele kia hatu mu xitila o kizanga kia kalunga, i ia xalela ngonge i nangenena ia bhingi o muene u lembua ku i matuka? Né-mbe u fundumuna mabhuku mê, ka tena kutolola; né-mbe mabhuku a zuma, mbambe ka kà i somboka.

Nahumu 1:4

Muene u bateka musanza ua kalunga, hé u u kukutisa; o jingiji joso jithothuena; Baxane ni Karmelu, a botomoka, o fololo ia Libano i xoueta.

Matesu 14:30

Maji kia mono o kitembu kia nguzu-phe, uôma ua mu kuata. O ki andeka kuboba, u di kola uixi: Ngana, ngi kudile!

Matesu 8:25

Maxibulu anga eza kua muène, a mu tonesa, exi: Ngana, tu bhulule, tu fua!

Marku 4:39

Muene anga u tona, u kidika o kitembu, he u ambela o menha, uixi: Batamenu mu dixibhe! Kitembu anga ki batama, kuma ku kala kutululuka kua nzungule.

Luka 4:35

Jezú anga u mu kidika, uixi: Di xibhe! Muthu iú, tunda mu mukutu uê! Dimonho anga di mu vunda hanji bhoxi bhuʼ axaxe-kâ, anga di tunda mu mukutu uê, sé ngó ku mu kuama.

Luka 4:39

Muene anga uia u mu imanena bhu mbandu iê, hé u bazela o febele, o iene anga i mueha. Muhatu anga u balumuka kithangana kienhókio, u kala mu ku a bhangela kúdia.

Luka 5:5

Kuala Ximá: Mesene, tua kalakala usuku uoso, ki tu kuata kima. Maji kuma eie ua kiambe, eme nga-nda kutumaka, tu ta dingi o manda.

Luka 8:25

Anga uambela o maxibulu mê, uixi: O kuxikana kua mi kala kuebhi? Ene-phe mukonda dia uôma, a bhuuama, anga a di ambela mudiâ, exi: Muenhú muene nanhi, ua bhingi u bazela ni mulenge, ni menha, anga a mu tumaka?