Luka 8:18 - O Mikanda Ikola

¹⁸ Kala kiki, tumenu-phe ku kʼijiia kioso ki muívua! Mukonda uoso uala, muène a mu bhana; uoso ua kambe, a mu tambula katé ni kiki kia di fika o kukuata.

Luka 8:18 ပူးပေါင်းရင်းမြစ်များ

Jisabhu 14:12

Sai njila, muthu u i mona kuiuka; maji o ku dizubhilu diê-phe, ikoka ia kalunga.

Matesu 13:12

Kuma uoso uala, muène a mu bhana, mbé a kale ni kiavulu. O uoso-phe kala, ni kiki kiala na-kiu a mu tambula-kiu.

Matesu 25:29

Mbata uoso uala kiá, a mu bhana nʼa kale ni kiavulu. Uoso-phe kala, katé ni kiki kiofele kiala na-kiu, a mu tambula-kiu.

Marku 13:14

Jezú anga u zuela dingi, uixi: Ki mu mona-phe o kisunji ki buikisa mundu kiemana bhuma ki kia tokala kukala-bhu, (uoso mutangi u tanga, a tongolole). Kienhókio, oso a kala mu Judeia, a ka lengele ku milundu.

Luka 19:26

Muène-phe, uixi: Ngi mi ambela kuma, uoso uala ni kiavulu, muène a mu bhana dingi kia nzungule. Uoso-phe kala, katé ni kiofele kia mu xala-bhu, a mu tambula-kiu.

Luka 9:44

Kizuelu kiki ki mi bokone mu miẋima: Monʼa Muthu a-nda ku mu bhakula bhu maku ma athu.

Nzuá 15:2

Thangu ioso iala mo muami, maji i kamba kubhana ibundu, muène u i batula. Maji o thangu ioso i bhana ibundu, u i solala, hé u i zelesa, ni i bete o kubhana.

Jipoxolo 10:33

Eme nga lenguluka o ku ku tuma; eie ue ua bhange kiambote ki ueza. O kikiphe etu oso tua bhongoloka bhabha ku mesu ma Nzambi, mu kuivua ima ioso ia ku tumu Ngana o kuzuela.

Jipoxolo 17:11

Enʼiâ a beta ujitu, ka soko ni akua Tesalonika, kuma a tambulula o maka ni kutetuluka kuoso. Izuua ioso anga a kala mù tekula mu Madivulu ma Nzambi se o ima iii kia mu i tanga Phaulu, kiene ki ia tokala.

Loma 12:3

Mu kukumbidila o kiadi kia ngi bhana Nzambi mu ujitu uê, ngʼ ambela kala muthu mudienu, kuila: Muthu ka di fike ima ia mu tundu. Maji a banze ni ku di tululula katé ua di fika ia kubatâma. Kienʼ iki kala muthu a di banze kiasoko mu kixikanu kioso kia mu bhana Nzambi.

I Kolindo 14:37

Se bhuala muthu ua di fika kukala mukunji ua Nzambi mba uala ni uhete ua nzumbi, a tume ku kʼ iijiia kuma ima i nga mi sonekenʼ iii, ijila iene Nzambi.

I Kolindo 3:18

Ki bhu kale muthu u di nganala. Se muthu ua di fika kukala njimu mudienu, ku unjimu ua mu ngongʼumu, a biluke kiôua phala a kale ni kuijiia kua kidi.

I Kolindo 8:2

O muthu se ua di fika kuijiia kima, kejiia luua kala kia tokala kuijiia.

Filipe 3:4

Sumbala eme se ngambele kudielela mu xitu, nga soko-bhu uami. Se bhu kala muthu uengi ua fika kudielela ima i bhanga athu ku kanga mu xitu, eme kotʼ èlele, mukonda ngala ni ima iavulu i ngi bhekela kuxinganeka kieniiki.

Jihebeleu 2:1

Uila kiki, tua fuama tu kuata dingi muanu ua ima ioso ia kidi i tuevu, sumba se tu di ehelela, tu kunguluka.