Luka 8:13 - O Mikanda Ikola

¹³ Oso ala ku thanduʼ a matadi, ene, ki évua o maka, a ma tambulula kiambote; ene-phe kuma a kambe jindanji, a xikana ngó kathangana, o bhu kumbi dia phaxi, a lémbua-ku kiá.

Luka 8:13 ပူးပေါင်းရင်းမြစ်များ

Jobe 19:28

Kutanga o kidi, mua fuamena kuila: Tua mu mu zukutisilaʼhi? Mbata o kakuma ka maka iá kalʼé moxi diami.

Jisabhu 12:12

Muẋima ua muthu ua bhumu, uinda ngoho phulu mu phulu ni ku dikengela o kufua mu uanda ua akua phulu; lundanji-phe lua athu a iuka lu ima muene o kimbundu kia kuiuka kuâ.

Jisabhu 12:3

Muthu ka tena ku di kuatenena ni ikalakalu iaiibha; maji o lundanji lua athu aiuka, bhuoso bhu lua di kubu, kene ku lu sondolola.

Izaía 58:2

Sumbala kiene, maji kizuua ni kizuua ene ku ngi sota, kia a uabhela muene kudilonga mauendelu mami, edi kala povo iambote, ia di tumu ni Nzambi iâ; ala ku ngʼibhula kioso kienda o jiphangu ja ulungilu, a uabhela kuzuama kua Nzambi.

Izekiiele 33:32

Eie-phe kiá ua di bhange u kamuimbu kâ ka jihenda, kamuimbu ka ió uoso uala ni mbimbi ia tululuka, uejiia ue o kuxika kiambote; mukonda o maka mé a evua muene, maji ka xikina ku a bhanga.

Hozeia 6:4

Eie Ifalaíme, tata, Eme ngi ku bhanga kiebhi? Eie, Juda-phe, Eme ngi ku ila kiebhi? Mukonda o henda ienu iedi kala dituta dia kimene, kala dimume dia kimene-mene, di bhita lusolo.

Marku 6:20

Mukonda Helode muene ua kexile ni uoma ua Nzuá, mbata ua mu ijiia kuma muthu ua iuka, muthu ua ngene ukola, iu ua mu bhake bhua kondama. O ki a mu ivua jinga kuzuela, u tandanganha, ni kia kubhanga ka ki mono. Suke kiene, maji u kala ni vondadi ia ku mu ivua.

Luka 8:12

Oso ala ku mbanduʼ a njila, ene évua, kindala kuiza diabhu u katula maka mu miẋima iâ, phala a lémbue kuxikana ni kubhuluka.

Luka 8:14

O ia sonoka mu ʼaxaxe ka minha, enhá évua, o ku pholo ku aia a xala mu mvunde ia maluimbi ni jimbongo, ni mísendu ia muenhu iú, ka bhana kibundu ni kíbhi.

Nzuá 15:2

Thangu ioso iala mo muami, maji i kamba kubhana ibundu, muène u i batula. Maji o thangu ioso i bhana ibundu, u i solala, hé u i zelesa, ni i bete o kubhana.

Nzuá 15:6

Se muthu u kamba kuxala mo muami, a mu texi kala thangu, hé u kukuta. Anga u di fangana thangu ja kukuta, a ji bhongolola, a ji ta mu túbhia, hé ji bhia.

Nzuá 5:35

Nzuá ua kexile mukuâ ni kandeia ka uama, ka muika; enu-phe kia mi uabhelele kusanguluka kathangana mu mukengeji uê.

I Kolindo 13:2

Se ngi kala ni uhete ua upolofeta, katé o ijinganu ioso nga ijiia, o kuijiia kuoso nga ku zubha; se ngi kala ni kuxikana kuoso, katé ngi tena kusondolola o milundu bhu ididi iê, maji ngi kamba o henda, ki ngi kala ngi kima.

I Kolindo 15:2

O njimbu i nga mi tudila enu, iene o Njimbu Iambote. O mu Njimbu Iambote ienʼ iii muene mu mu bhulukila, se mua i naminina ni lujiji. Mba-phe mu ku i xikana kia mi-iê ngó, se o kuxikana kuenu kua ngoho ku muala na-ku.

Ngalásia 3:1

Mu akua Ngalásia, tata, o kutobha! Nanhi ua mi bhuiika? Mu athu a mʼidikisile Kristu ni kulomboloka kuoso kala ku mesu enu muene kua mu tela ku dikulusu!

Ngalásia 3:4

Jihadi joso ji mua talele, kifua mua ji talela kingoho? Kana, ki ki xikina!

Efezo 3:17

Eme nga mu bhinga dingi phala Kristu a mi tunge ku miẋima ienu mu kuxikana. Nga mu samba phala o ki muila mua te jindanji, mua kuata, mua xikama mu henda,

Kolose 1:23

Kikale-phe mu kolokota mu kuxikana, mua kuata, mua xikama ku disesa dia kòlo, ki mu xikina ku mi sendumuna mu kudielela ku mua tambula kioso ki muevu o Njimbu Iambote. O Njimbu Iambote ieniʼoio, iene ia ngi katula, eme ngi Phaulu, mu kukala ngi ngunza iê, phala ku i kola mu ngongo ioso.

Kolose 2:7

Mu ta jindanji jenu mua muéne, anga mu sabhuka mua muène, mua di sokejeka mienhu ienu mua muène, mua kolo mu kuxikana kuenu, kala kioso kia mi longo na-ku. Hé muizala ue ni ku mu sakidila jinga muène.

I Tesalonika 3:5

Mukonda dia kiki, eme uami kia ngi kumu o kukala ni héle ia kuxala ubheka, eme nga tumine Timote kuijiia kioso ki mua mu kuenda mu kuxikana kuenu. Sumbala o Diabhu ue ka tena ku mi diangula kinéne, o kukalakala kuetu kuoso ni ku-iê ngó!

I Timote 1:19

Uila ni kubhaka o kuxikana kué, uixi ni kukala ni muẋima uazele. Kuma amoxi-moxi-mu, mukonda dia kueha o kuívua kiala ku a tangela o muẋima uâ, a jimbidisa o kuxikana kuâ.

Jihebeleu 10:39

Etu-phe ki tu tokala ku akua usudi, a vutuka ku dima, hé a texika. Maji tuala ni kuxikana kua kidi, ku tu bhekela o kubhuluka.

Tiiaku 2:26

Kuma, uila ki ala o mukutu, se ua di kalela sè nzumbi, uafu; kiene ue o kuxikana, kua di kalela sè ima ia kubhanga, kuafu.

II Phetele 2:20

Kuma athu, se a bhulukile kiá ku maufusa ma mundu iú, mu kuijiia Ngana ietu, Mubhuludi Jezú Kristu, maji o ku pholo ku eza kunu afu dingi mu mibhetu ia ima iene ku mundu, a toloka, eza ditala dia kuxixima kuengi, inda hanji kia diangele kukala.

II Phetele 2:22

Athu iá kia a bhiti, ki ambe o Sabhu ia kidi, exi: Imbua iʼâlukila dingi o kudia kuê kua lusile; ngulu aʼiẋikile, ia vutukila dingi o ku di dimbula mu malôua.

I Nzuá 2:19

Ni kidi, athu enhó a di katula mudietu, mukonda ene ka tu tokala. Mbata ene se a tu tokalele, hinu a xala mudietu. Maji ene-phe a tu xisa, a katuka mu kudimonekena kuma ka tu tokala nè umoxi ngó mudiâ.

Juda 1:12

Enʼ iâ a di bhanga dilebhu phala enu, ki mu kala kudia-nâ mu fesa jenu ja ukamba, ni kukodiua kuâ ku kuatesa jisonhi. A kala mu ku di dikila, ni kudisuua ngó ene. Edi kala matuta ma kambe menha, ma phephuluka ni kitembu, ki ma bhana mvula ia kima. A di bhange mixi ia tokoka o kuima, né bhu mvula ia kudinji, ki i moneka kibundu. A di fuangana mixi iòvuze ni jindanji, ia fuila-ku kiá muene.